Kååʹdd da õhttõõzzi õhttsažtuâjj
 

Tän seeidast mainstet kååʹdd da organisaatioi õhttsažtuâj jeeʹres maallin.

Õhttõsjeäʹǩǩää

Aanar kååʹdd jäʹrjast piirieeʹjji 2 - 3 õhttõsjeäʹǩǩää, koozz lie tiõrvpuättam puk Aanrest tåimmai õhttõõzz da õhttõståimmjummšest perstum oummu. Õhttõsjeäʹǩǩääin teâđtet kååʹdd neʹttseeidain da sosiaalʼlaž media kanaalin nettpååʹšt pääiʹǩ di pääiklaž Inarilainen-lõõstâst.

Õhttõsjeäʹǩǩääi mieʹrren lij čiŋlmâʹtted kååʹdd da õhttõõzzi di õhttõõzzi kõskkna õhttsažtuâj. Lââʹssen õhttõsjeäʹǩǩääi mieʹrren lij lââʹzzted teâđjååttmõõžž, jueʹǩǩed ǩiõččlâsttmõõžžid da ǩiõttʼtõõllâd õhttsaž aaʹššid.

Veäʹǩǩvuõđ

Aanar kååʹdd meâtt piirieeʹjji veäʹǩǩvuõđid aanarlaž leʹbe Aanrest tåimmai õhttõõzzid, õutstõõzzid da privatpersoonid. Šuurmõs vueʹss kååʹdd veäʹǩǩvuõđin miõđât piirieeʹjji õhttsaž veäʹǩǩvuõttooccmõõžžâst, kååʹtt riâžžât alggeeʹjjest. Tõʹst miõđât kååʹdd takaiveäʹǩǩvuõđid, tillʼlõvvum veäʹǩǩvuõđid da sijddõhttõõzzi veäʹǩǩvuõđid. Lââʹssen kåʹdd vuäitt miõttâd tuʹmmjõõzz meâldla veäʹǩǩvuõđid juätkkjeei ooccmõõžžâst.

Looǥǥ lââʹzz kååʹdd veäʹǩǩvuõđin tääiʹb.

Oođâsǩeʹrjj

Haaʹlääk-a vuäǯǯad tuu pååšta õhttõõzzid årra pijjum oođâsǩeeʹrj? Oođâsǩeeʹrj vuõltteet nuʹtt nellj vuâra eeʹjjest. Tõt taʹrjjad teâđ kååʹdd da õhttõõzzi kõskksaž õhttsažtuâjast, veäʹǩǩvuõđin da jeeʹres ääiʹjpoddsaž aaʹššin. Õhttvuõđteâđaid jeäʹt uvddu jeeʹres âânnmõʹšše

Tiʹlle õhttõõzzi oođâsǩeeʹrj tääiʹb.

Kååʹdd sõõʹji âânnmõš

Kåʹdd taʹrjjad sõõʹjees õhttõõzzi âânnma vueiʹvv-vueʹzzest dääras.  Vuässadvuõttkõõskõs Ainola sââʹj lie vaʹrrjemnalla õhttõõzzi âânnma dääras. Še kååʹdd sporttsââʹj lie vueiʹvv-vueʹzzest määusteʹmes vuäʹpstum vuârai âânnma.

Looǥǥ lââʹzz Vuässadvuõttkõõskõs Ainola sõõʹji vaʹrrjummšest tääiʹb.
Looǥǥ lââʹzz kååʹdd sporttsõõʹjin tääiʹb.

Kååʹdd šõddmõškaʹlndar

Õhttõõzz vuäiʹtte iʹlmmted jiiʹjjez šõddmõõʹžžin da jeeʹres toimmjummšin kååʹdd šõddmõškaʹlndaarâst.

Materiaaltuärjjõs

Kååʹdd vuäitt taaʹrb mieʹldd tueʹjjeed õhttõõzzid uuʹcces printtjemtuâjaid, laiʹnnʼjed jiõnn-nobstemaparaattid da taʹrjjeed jeeʹres vaʹstteei materiaaltuärjjõõzz.

Haʹŋǩǩõsvaaldâšm da väʹlddkååʹddla veäʹǩǩvuõđi ooccmõš

Kååʹdd vuäitt vieʹǩǩtedõhttõõzzid haʹŋǩǩõsteäggtõsooccmõõžži raajjmõõžžâst da haʹŋǩǩõsvaaldšummšest nåʹkkmin haʹŋǩǩõõzzin, kook tillʼlâʹvve õhttõõzz toimmjummša. Kååʹdd vuäitt še ooccâd väʹlddkååʹddlaž veäʹǩǩvuõđid, kook tillʼlâʹvve Aanar vuuʹdest toimmjeei õhttõõzzi tåimmʼmõʹšše.

Koorǥteʹmes vuäʹnkõslääiʹn

Kåʹdd vuäitt miõttâd õhttõõzzid koorǥteʹmes vuäʹniǩäiggsaž lääiʹnid, koin vuäitt ouddmiârkkân mäʹhssed haʹŋǩǩõsteäggtõõzz jiiʹjjesvasttõsvueʹzz.

Škooultõõzz õhttõõzzid

Kåʹdd reäšš õhttõõzzid määusteʹmes škooultõõzzid. Vueʹss škooultõõzzi lij tillʼlõvvum pukid õhttõõzzid da vueʹss mieʹrruum sueʹrj õhttõõzzid, ouddmiârkkân sporttsieʹbrid. Škooultõõzzin teâđtet kååʹdd neʹttseeidain.

Puärrsi- da lääʹmes-suåvtõõzz, siidi suåvtõs

Kåʹdd tuärjjad puärrsi- da lääʹmes-suåvtõõzzi tåimmʼmõõžž nuʹtt, što mähss tõi tåimmamkuulid. Puärrsi- da lääʹmes-suåvtõõzzin lie organisaatioeeʹttkâsttõs. Siidi suåvtõõzz tåimmʼmõõžž kåʹdd tuärjjad nuʹtt, što tõt taʹrjjad suåvtõõzz âânnma piisar da õʹhtte kååččai.

Looǥǥ lââʹzz puärrsisuåvtõõzz da lääʹmes-suåvtõõzztåimmʼmõõžžâst.

Organisaatioõhttvuõttooumaž organisaatioi tuärjjan

Kååʹdd organisaatioõhttvuõttoummu tuõjju kooll õhttsažtuâjj kååʹddest tåimmjeei organisaatioivuiʹm. Organisaatioõhttvuõttooumaž koordinâstt organisaatioi da kååʹdd kõskksaž õhttsažtuâj, âânn õhttvuõđ organisaatioid, vuäʹpast organisaatioid jeeʹresnallšem aaʹššin da reäšš puk kååʹdd organisaatioid årra pijjum õhttõsjeäʹǩǩääid.

 

Lââʹssteâđ kååʹdd da organisaatioi õhttsžtuâjast oudd pueʹrrvââjjamkoordinaattor.