Nuõri vaikktummuš
 

Nuõrivälddõs veekk nuõri aaʹššid ooudårra

Nuõrivälddõs lij õhtt kanaal, mõõn pääiʹǩ nuõri ideaid vuäitt vuäǯǯad pueʹrben õlmmsa. Nuõrin lij vuõiggâdvuõtt särnnad jurddjes siʹjjid kuõskki aaʹššid da vuässõõttâd õhttsaž aaʹšši plaanummša. Nuõrivälddõõzz eeʹttǩeei tåimma aanarlaž nuõri ooudâst.

Nuõrivälddõs nårrai lååi jiõččveärlaž vuäzzlain da muäʹdd škooulpuõđlaž väärrvuäzzlain. Nuõrivälddõõzz jååʹđat koolm vuäzzlast šõõddi saaǥǥjååʹđteeikåʹdd, koozz koʹlle saaǥǥjååʹđteei, vääʹrrsaaǥǥjååʹđteei da piisar. Nuõri vieʹǩǩen lij še tuärjjõsvuõrâsooumaž.

Looǥǥ lââʹzz nuõrivälddõõzzâst da nuõrivälddõõzz norrõõzzâst tääiʹben.

Nuortenideat.fi

Nuortenideat.fi lij väʹlddkååddlaž nuõri vaikktemkääzzkõs, koon vieʹǩǩen nuõroummu vuäiʹtte hieʹlǩeld tueʹjjeed eʹtǩǩõõzzid, vuässõõttâd da vaikkted siʹjjid kuõskki aaʹššid.

Nuõri kääzzkõõzzâst vuõlttääm ideaid vääʹltet õõudårra ääʹššest vaʹstteei ooumže Aanar kååʹddest.

Ideâʹstted, vuässââtt da vaaikât Nuortenideat.fi-kääzzkõõzzâst.

Sääʹmteeʹǧǧ nuõrisuåvtõs

Sääʹmteeʹǧǧ nuõrisuåvtõs valmštââll tõid Sääʹmteeʹǧǧ ciâlklmid, alttõõzzid da jeeʹres kommeeʹntid, kook kueʹsǩǩe sääʹmnuõrid leʹbe sääʹmnuõri jieʹllemåårrmõõžžid. Jeeʹres nuõrisuåvtõõzz vueiʹvvtuâj lie viikkâd ooudâs sääʹmnuõri ǩiõlʼlaž da kultturlaž vuõiggâdvuõđid pirr Lääʹddjânnam da nââneed sääʹmnuõri kuullâmvuõđ sääʹmkulttuuʹre.

Looǥǥ lââʹzz sääʹmteeʹǧǧ nuõrisuåvtõõzzâst sääʹmteeʹǧǧ neʹttseeidain.