Ǩeʹrjjpõrttkääzzkõõzz

Aanar kåʹdd taʹrjjad ǩeʹrjjpõrttkääzzkõõzzid väʹlddǩeʹrjjpõõrtâst Âʹvvlest, Sääʹmǩeʹrjjpõõrtâst Aanar ceerkavsiidâst da ǩeʹrjjaautâst pirr kååʹdd.

Pukin lij ǩeʹrjjpõõrt ââʹnnemvuõiggâdvuõtt.

Aanar kåʹddǩeʹrjjpõrtt lij vueʹssen Lappi ǩeʹrjjpõõrti jooukâst (lä. Lapin kirjasto -kimppa). Ǩeʹrjjpõrttkoortin tuu ââʹnnmest lie puki Lappi ǩeʹrjjpõõrti norldõõǥǥ: seämma koortin vuäitak laiʹnnʼjed pukin Lappi ǩeʹrjjpõõrtin da ââʹnned õhttsaž neʹttaunstõõzzid.

Ǩeʹrjjpõõrtin lie lookkâmnalla gaʹzeâʹt- da äiʹǧǧpââʹjjlõõst. Vuäitak ââʹnned teâttmašinaid, priʹnttjed, kopiâʹstted da skaʹnnʼjed. Väʹlddǩeʹrjjpõõrtâst lie še digitâʹsttemneävv.

Kääzzkâʹsttemääiʹj tuâjjlažkåʹdd lij ǩeʹrjjpõõrtâst tuu vääras: tõt raʹvvai da vuäʹppast. Jiõččtoiʹmmjemääiʹj piâzzak ǩeʹrjjpõʹrtte viõǥǥâst åårrai ǩeʹrjjpõrttkoortin da tobdldõklååǥǥain. Vuäitak ââʹnned ǩeʹrjjpõõrt jiõččkääzzkâʹsttemvuâđđjurddjin.

Ǩeʹrjjpõõrt tuâjjlažkåʹdd reâugg lookkmõõžž oouʹdeem diõtt õõutsââʹjest peiʹvvpõõrti-, škoouli- da jeeʹres čõõnâsjooukivuiʹm.

Ǩeʹrjjpõõrtin jäʹrjstet šõddmõõžžid da čuäjtõõzzid. Ǩeʹrjjpõrtt lij tuu nuʹbb jälstemlõnnj, ougglõstuâjjpäiʹǩǩ da mättʼtõõttâmpäiʹǩǩ.

Ǩeʹrjjpõrttkääzzkõõzzid kaaunak še somekanaalin:

Väʹlddǩeʹrjjpõõrt Facebook-seidd
Sääʹmǩeʹrjjpõõrt Facebook-seidd
Ǩeʹrjjaaut Facebook-seidd