Aanar kååʹdd vuässadvuõttkõõskõs
Aanar kååʹdd vuässadvuõttkõõskõs lij ääv vuõinnlõõttâm- da šõddmõõžži päiʹǩǩ, kååʹtt lij äävai arggpeeiʹvin čiâss 10.00 – 14.00. Aanar kååʹdd vuässadvuõttkõõskõs lij Määŋgtåimmpõrtt Kuulaast, addrõõzzâst Rantatie 10 B, Ivalo.
Aanar kååʹdd vuässadvuõttkõõskõõzzâst vuäitak ouddmiârkkân vuõinnlõõttâd jeeʹres oummuivuiʹm, lookkâd gaʹzaatid, lõõstid, kååʹfstõõllâd leʹbe še ââʹnned straaŋgteʹmes interneʹtt-õhttvuõđ. Vuässadvuõttkõõskõõzzâst lij še teâttmašina di priʹnttjem-mašina, koon äʹššneeʹǩǩ vueiʹtte ââʹnned.
- vuäitak ouddmiârkkân vuõinnlõõttâd jeeʹres oummivuiʹm, lookkâd lõõstid, kaafstõõllâd leʹbe ââʹnned straaŋgteʹmes internet-õhttvuõđ. Ainolast lij vuäǯǯamnalla še digivieʹǩǩ da vuäʹpstõõzz ouddmiârkkân kååʹdd, Kela, TE-koontâr leʹbe õhttõõzzi taʹrjjääm kääzzkõõzzi âânnmõʹšše. Lââʹssen Ainola sââʹj lie vaʹrrjemnalla dääras õhttõõzzid, kåʹddorganisaatioi tåimmjeeʹjid da jeeʹres tåimmjeeʹjid, kook ooudee kååʹdd jieʹllemviõǥǥ, õhttsallašvuõđ da vuässadvuõđ da lie takainalla äukkai tåimmjeei, kook jie viõǥǥtâʹlle puåtti.
- sõõʹjjid vuäitt vaʹrrjed jeäʹrbi mieʹldd puõʹtti šõddmõõžžid:
- Õhtstõõzzi såbbar
- Šõddmõõžž
- Škooultõõzz
- Staarjõõđi noorõõttmõõžž
- Uʹcces čuäʹjtõõzz
- Joukktåimmjummuš (pukid puõlvvõõǥǥid)
Leiʹǧǧporrmõõžž juâkkmõš
Aanar kåʹdd juâkk leiʹǧǧporrmõõžž. Jueʹǩǩemnalla åårrai porrmõš lij Poorrâmkääzzkõs jäärnaǩstroiʹttel Âʹvvel vuuʹd jueʹǩǩempaaiʹǩin leiʹǧǧ peiʹvvporrmõš (puõʹlli porrmõš da salatt). Jueʹǩǩemnalla åårrai porrmõõžž mieʹrr vaajtââll peeiʹvi mieʹldd. Lij še vueiʹtlvaž, što juõʹǩǩ peeiʹvin porrmõš iʹlla jueʹǩǩemnalla leʹbe ij riʹjtte pukid.
- Leiʹǧǧporrmõõžž juâkkmõš lij arggpeeiʹvin Määŋgtåimmpõõrtâst Kuulaast åårrai Vuässadvuõttkõõskõõzzâst, Rantatie 10 B, nuʹt čiâss 11.45 -13.00.
- Porrmõõžž viǯǯjest feʹrttai leeʹd jiijjâs leʹtt mieʹldd. Porrmõõžž jueʹjjet tåʹlǩ õõut tueʹrv / viǯǯi mieʹldd (lokku vääʹldeeʹl piârri).
- Leiʹǧǧporrmõõžžid jiâ jueʹjj škoouli luõvâsvuõđ poodd.
- Porrmõõžž juâkkmõõžžâst jääʹǩǩtet Evira vuäppõõzzid di THL koronameärrõõzzid.
Õhttvuõđteâđ
Monitoimitalo Kuulas
Osallisuuskeskus
Rantatie 10 B
99800 Ivalo
040 728 9698
print page