Pueʹtted tiõrvân Aanar kåʹddneʹǩǩen

Leäʹpp kuärǥast ku vuäǯǯap Tuu Aanar kååʹdd aassjen. Aanar kååʹdd Pueʹtted tiõrvân Aanra - siʹrddikampaanj mieʹldd vuõltteep ođđ kåʹddniiʹǩǩid tiõrvpueʹttemǩeeʹrj, koʹst lij persoonlaž Aanar-pass da kåʹddbrosyyr. Što vuäǯǯak tuu tiõrvpueʹttemǩeeʹrj, tiuddâd šât vueʹlnn iʹlmmtõõttâmlomaakk, ǥu mij kååʹddest jeäʹp teâđast vuäǯǯ automaattsânji teâđ ođđ kååʹddniiʹǩǩin. Kampaanjâst mieʹrreet piirieeʹjji da paassâst lie vuäʹppõõzz tõn âânmõʹšše. Aanar-pass lij meinnum eeʹjj 2026 kådda sirddum oummid.

Haaʹleep taʹrjjeed pukid kååʹddniiʹǩǩid šiõǥǥ âʹlddkääzzkõõzzid da šiõǥǥ oudldõõzzid tuõjju, põõrǥâsneʹǩvuõʹtte da jälstummša.

Aanar kååʹdd slogan lij “Viõkksõs luâđstes”, mii tuõđi määŋgnalla čiõʹlǧǧed kååʹdd. Aanar reeʹǧǧesvuõttân lij juʹn tuâl-aa leämmaš da õinn lij määŋgkulttuurlažvuõtt. Tuäivvap, što vueiʹttep tijvuiʹm tueʹjjeed Aanrest õhttsaž pueʹttiääiʹj tuʹmmjeeʹl da pueʹttiäigga ååskeeʹl. Pueʹttiääiʹj vaʹǯǯtõõzzin piʹrǧǧeep čuõʹvves miõlin da virkkâd tääʹvtõõzzin.

Aanar kådda lij jeäʹrben vääžnai kuullâd tuu juʹrddjid ođđ dommkåʹddstad. Õõut vääl saaǥǥid tarjjâd tuu ođđ dommkååʹdd www-seeid addrõõzzâst www.inari.fi. Leäʹp teâđast vaalmâš vieʹǩǩted tuu jeälõõttmõõžž kååʹdd tååimin še kåʹddpõõrtâst da jeeʹres kååʹdd kääzzkõõzzin.

Pueʹtted tiõrvân ođđ dommkådda Aanra!

Tommi Kasurinen
Kåʹddjååʹđteei

Lââʹssteâđ siʹrddikampaanjâst oudd saakkeemšurr Anne-Marie Kalla, anne-marie.kalla@inari.fi 

Iʹlmmtõõttâmlomaakk
 

Leäm eeʹjj 2026 põõššinalla Aanra serddam aassi. Täin blaaŋkin tiʹllʼjam jiõccsan da muin serddam piârniiʹǩǩid siʹrddisǩiâŋk. Ååsktam, što leäm põõšši Aanar kåʹddneǩ leʹbe muʹst lij vuõiggâdvuõtt vuäǯǯad kååʹdd tiõrvpueʹttemsǩiâŋkkân Aanar-paass eeʹjjen 2026. Tät kampanja ij kuõsk kõskkäiggsânji Aanrest jälsteei leʹbe ouddâl ko eeʹjj 2026 serddam.