Kulttuurkääzzkõõzz
Määŋgkulttuursaž Aanar pârgg kååddlaž toiʹmmjummšiʹnes šõddeed šiõǥǥ vuäittmõõžžid jeeʹres kulttuurhaaʹmi staarjõõttmõʹšše. Kulttuurtåimm vaʹsttad kååddlaž jieʹllikartt-teattertoiʹmmjummšest, di määŋgnallšem šõddmõõžži da čuäjtõõzzi organisâsttmõõžžâst da koordinâsttmõõžžâst.
Kulttuurpiisar Mirja Karjalainen, 040 7767546
Kååʹdd prääʹzneǩšõddmõõžž
Aanar kåʹdd jääʹrjast õhttsažtuâjast Aanar seäʹbrrkooʹddin meersaž vereraanpeeiʹv prääʹzneǩ juõʹǩǩ eeʹjj njuhččmannust di jiõččnažvuõttpeeiʹv prääʹzneǩ 6.12. Šõddmõõžž lie pukid äävai.
Kulttuurmääʹtǩ: Kulttuurtåimm jääʹrjast ääiʹji mieʹldd kåʹddniiʹǩǩid vuäittmõõžžid vuässõõttâd kulttuurmätkka juʹn-a kååʹdd seʹst leʹbe âʹlddkooʹddi kulttuuršõddmõõžžid.
Konseeʹrt, teatterčuäjtõõzz da jeeʹres šõddmõõžž koʹlle čõõđ eeʹjj kulttuurtååim kääzzkõõzzid. Õhttsažtuâjj Lappi kamarorkesteeʹrin, Konsertti joka kouluun -haʹŋǩǩõõzzin, Tanssiteatteri Rimpparemmi -jooukin da määŋg jeeʹres toiʹmmjeeʹjin täʹǩǩad määŋgpeällsaž kulttuurtaʹrjjummuž Aanra. Čuäʹjtõõttijoouk, kook puäʹtte juõʹǩǩåʹrnn Lääʹddjânnam kõʹllʼjed Aanrest jođđjeez ääiʹj, regsmâʹtte pääiklaž kulttuur lââʹssen Aanar määŋghämmsaž kulttuurtaʹrjjummuž.
Aanarneäʹttel nåʹrre õʹhtte vuuʹd äʹrbbvuõđlaž da ođđ ǩieʹss-šõddmõõžžid aassji da määtklai rämman. Prograʹmme lij äʹrbbvuõđ mieʹldd kuullâm programm juõʹǩǩâkksaid – sijddprääʹzneǩ, kåʹllǩeâšt, päärnaišõddmõõžž, markkântoobdâlm, konseeʹrt, ceerkavšõddmõõžž, soiʹttjeeʹji šõddmõõžž, čeäppõsčuäjtõõzz, luâđastjååttmõš, tanss, läullmõš, teatter da čääʹcckross.
Tobdstõõđ Aanarneäʹttlid addrõõzzâst www.inariviikot.fi
Aanar da sääʹmkulttuur
Aanar lij määŋgkulttuursaž kåʹdd, koʹst palddlõõžži jeäʹlle lääʹdd, aanrõš-, sääʹm- da tâʹvvsääʹmkulttuur. Aanrest lie Sääʹmkulttuurkõõskõs Sajos, Sääʹm-muʹzei Siida, YLE Sääʹmm, Sääʹmteʹǧǧ da sääʹmceerkav. Skammkaart-jieʹllikarttfestivaal čuäjtââll alggmeerai jieʹllikarttpuuʹtʼtõõzz Aanar ceerkavsiidâst juõʹǩǩ eeʹjj ođđeeʹjjmannust. Påʹrǧǧmannust Iinnteʹmes inn -musikkšõddmõš pohtt määŋgpeällsânji ouʹdde sääʹm-musiikkrid. Aanar kååʹdd kulttuurtåimm tuärjjad šõddmõõžžid.
Kulttuurtoiʹmmjummuž sââʹj
Meerlažškooul da kulttuur tåimmsââʹjj Kuulas, Âʹvvel
Kuulas ââʹnat kurss-, mättʼtem- da čuäjtõõttâmsââʹjjen. Kuulas-tåimmsââʹjest jäʹrjstet še čeäppõsčuäjtõõzzid da konseeʹrtid. Sââʹjj lij kulttuurtååim da meerlažškooul õhttsažââʹnnmest. Kuulas-čeäppõsčuäjtõs-sââʹj (Ivalontie 6) vaʹrrjõõzzid vuäitt kõõččâd kulttuurpiisrest mirja.karjalainen@inari.fi
Jieʹllikartt-teatter Aaslak, Âʹvvel
jieʹllikartt-teatter Aaslak toiʹmmai aktiivlânji taʹrjjeeʹl vuâđđprograamm lââʹssen mediapeâmm tuärjjeem diõtt jieʹllikarttčuäjtõõzzid ouddpeâmmâkksaž päärnaid, vuâđđškooulniiʹǩǩid, spesiaaljooukid da jeältõkniiʹǩǩid.
Õhttvuõtt-teâđ: Kulttuurpiisar Mirja Karjalainen, 040 776 7546, mirja.karjalainen@inari.fi leʹbe aslak@inari.fi
print page