Oummu rââst raaj haʹŋǩǩõõzz noorõõttmõõžž
Vueʹlnn lij teâđ haʹŋǩǩõõzz riâššâm noorõõttmõõžžid eeʹǩǩen 2025-2026.
Ǩieʹssleirr 2025
Haʹŋǩǩõs riâžži vuõssmõõzz Saaʹmi leeir 28.7.-5.8.2025 Svanvik, Taarâst. Leeir prograammâst leäi jeeʹrbi mieʹldd. sääʹmhistooʹre, -kulttuuʹre da -äʹrbbvuõđla ǩiõtt-tuâjaid jååʹđtummuž da tõi raajjmõõžž ǩiõtt-tuâjjpaaʹjin, reeisaid vuuʹd historialaž sõõʹjid ja muʹzeeʹjid, di õõutâst jeäl da saǥstõõllmõõžž nuʹtt poorrâmpååʹrdest, sääuʹnest, ǥu tollpeällsest še. Leeir prograamm da eŋgglõsǩiõllsaž rapoort kaaunak vueʹlnn.
Saaʹmi õutstõspeiʹvv 6.9.2025
Sueʹvet 6.9.2025 õʹnneš Saaʹmi õutstõspeeiʹv Sääʹm-museo Siidast. Peeiʹv prograammâst leäi tõbdstõõttmõš Siida vueiʹvvčuäjtõʹsse di takai, pâi tõn peeiʹv vääras norrum sääʹmtäʹvvernorldõõǥǥ čuäjtõõllmõs. Täʹvver leʹjje vaʹlljee vuässõõttji jiõnstummšin. Tääʹrǩab programm di eŋgglõsǩiõllsaž raportt käunnje vueʹlnn.
“Past and present of the Skolt Saami” Seminaar 2026
Seminaar sääʹmhistoorâst, kulttuurääʹrbest da psykolooglaž tuärjast rieʹššeš Aanrest 27.2.-28.2.2026. Piâtnâc seminaar ruõʹǩǩes da kaaunak eŋgglõsǩiõllsaž ruõkkmõõžž da tõn tuʹlǩǩõõzz lääʹddǩiõʹlle da taarǩiõʹlle Aanar kååʹdd YouTubest: Past and Present of the Skolt Saami - YouTube
Vueʹlnn kaaunak seminaar prograamm di eŋgglõsǩiõllsaž rapoort.
Seminaar programm eŋgglõsǩiõʹlle
Seminaar prograam vuänõs lääʹddǩiõʹlle, taarǩiõʹlle da eŋgglõsǩiõʹlle
Seminaar raportt eŋgglõsǩiõʹlle
"Noorõõttmõš täʹlvvsiʹjdde" – Saaʹmi täʹlvvleirr 2026
Saaʹmi täʹlvvleeir, “Noorõõttmõš täʹlvvsiʹjdde”, rieʹššeš 26.–29.3.2026 Puäʒʒtääll Toini Sanilast Aanar Čeʹvetjääuʹrest, Lääʹdd peäʹlnn Sääʹmest.
"Mâʹte sääʹm tuâlʼjõžääiʹj noorõʹtte täʹlvvsiidid, pohtt täʹlvvleirr riikki raajid râstldeei õutstõõzz vuäzzlaid õʹhtte – tobdstõõttâd da väʹldded vueʹzz sääʹmkulttuur äʹrbbvuõđlaž di eeʹjj-jårrõõzz seuʹrrjeei jieʹllemnälla.Leeir programm âânn seʹst jeäʹrbi mieʹldd kueʹllšeellmõõžž äʹrbbvuõđlaž täʹlvvkueʹllšeeʹllemnaaʹlivuiʹm, teoriada tåimmam vuäʹpstummuž kueʹl ǩiõttʼtõõllmest da seiʹllummšest äʹrbbvuõđlaž sääʹmnaaʹlivuiʹm, tobdstõõttmõõžž Sääʹm-museo Siida saaʹmi täʹvvrid di reâuggmõõžž tõi mieʹldez puʹhttem inspiraatio mieʹldd ǩiõtt-tuâjjpääʹjest. Neäʹttel-lopp poott saaʹmi prääʹznka."
Leeir prograamm rieʹššeš õhttsažtuâjast MÁHTUT-haʹŋǩǩõõzzin, Sääʹm škooultemkõõskõõzzin,SÁMIPOLITY-haʹŋǩǩõõzzin di Sääʹm-museo Siidain. Lââʹssen sääʹmkulttuur äʹšštobddi puäʹtte ohjjeed aktiviteeʹttid. Vueʹlnn kaaunak leeir prograamm:
Ǩieʹssleirr 2026
Haʹŋǩǩõõzz mââimõs leirr rieʹššeš 25.6.-28.6.2026 Nuõri- da luâttʼturismmkõõskõs Vasatokkast, Aanrest. Prograammâst leäi jeeʹrbi mieʹldd vuäddsi noormõš ja vuäʹddǩiõtt-tuâjjpääʹjj, kueʹllšeellmõõžž nuõʹttin da teâđast Saaʹmi prääʹzneǩ. Vueʹlnn kaaunak leeir prograamm.
Leeir programm lääʹddǩiõʹlle, sääʹmǩiõʹlle, taarǩiõʹlle da eŋgglõsǩiõʹlle
print page