Sääʹmǩiõll
Sääʹmǩiõllsa mättʼtem-materiaal
Bukva - sääʹmǩiõllsaž päärnaiǩeʹrjj
Sääʹmǩiõllsa mättʼtem-materiaal
Sääʹmǩiõl da kulttuur oouʹdummša vuäjjneei haʹŋǩǩõõzz õlmstâʹttem sääʹmǩiõllsa mättmateriaal lie puki ââʹnnmest leʹddi vuâđđtääʹzz mättmateriaal. Mättmateriaal lie jurddum sääʹmǩiõllsaž ouddpiõmmu da vuâđđškooulmättʼtõʹsse di sääʹmǩiõl lääʹdd- da taarǩiõllsaž mättʼtõʹsse. Jåårǥlõõzzid seʹst õõʹnni materiaal lie âʹtte jåårǥlõttum nuʹtt lääʹdd- ko še taarǩiõʹlle. Materiaalid vuäitt ââʹnned še jeeʹres ij-kaauplaž mieʹrid, ouddmiârkkân privatt ââʹnnmest.
Materiaal lie juõkkum digitaalʼlaž da fyyslaž materiaalid. Fyyslaž materiaal lie juõkkum mošttspeâllaid, ǩiiʹrjid di plakaattid da jeeʹres tiâddum materiaalid. Vuâlpeäʹlnn kaaunak teâttõõzzid, koin lie liʹsttjum liiŋk digitaalʼlaž materiaalid, di fyyslaž materiaalid laaddâmnalla PDF-teâttõssân.
Fyysla materiaal
Mošttspeâll:
Ǩeeʹrj:
Plakaatt da jeeʹres tiâddum materiaal:
Digitaalʼla materiaal
Vuâlpeäʹlnn lie laaddâmnalla teâttõõzz, koin lie liʹsttjum liiŋk digitaalʼlaž mättmateriaalid. Mättmateriaal âʹnne seʹst jeeʹresnallšem sääʹmǩiõl harjjtõõzzid nuʹtt lääʹdd- ko še taarǩiõʹlle.
Liiŋk digitaalʼlaž materiaalid - Digitaalisten materiaalien linkit (sääʹmǩiõll - suomi)
Digitale lærematerielllenker (sääʹmǩiõll - norsk)
Õhttvuõttooumaž
Lempi Lehtinen,
haʹŋǩǩõstuâjjlaž
lempi.lehtinen@inari.fi
- Moʹttjum 22.10.2025 10.50: alfabeʹtt-plakatt, "Ǯǯ kuʹvǯǯ" kartt
- Moʹttjum 23.10.2025 15.40: saǥstõõllmõš-plakatt, TIÖR, TIÖRV -> TIÕRV, TIÕRV
- Moʹttjum 18.3.2026 16.51: saǥstõõllmõš-plakatt taarǩiõʹl joortõs
- Moʹttjum 16.6.2026 14:38: saǥstõõllmõš-plakatt "Šiõǥǥ eeđed" joortõs
- Moʹttjum 16.6.2026 14:38: nââmar 1-10 plakatt, čiččám -> čiččâm
Bukva 
Bukva lij sääʹmǩiõllsaž päärnaiǩeʹrjj, mâʹst liâ puk sääʹmǩiõl bukva. Juõʹǩǩ bukva õhttvuõđâst lij sääʹmǩiõllsaž õuddmiârkksääʹnn da kaart. Ǩeʹrjj vieʹǩǩat paaʹrnid tobdstõõttâd sääʹmǩiõl bukvaid da ǩeeʹrjtemvuâkka di mättõõllâd lookkâd älšmõʹtti da miõl ǩieʹssi kaaʹrti vieʹǩǩin.
Ǩeeʹrj lij raajjâm Taarna Valtonen õõutveäkka tuâjj-jooukin Kimberli Mäkäräinen, Mariann Bernhardt da Lempi Lehtinen. Oummu rââst raaj -haʹŋǩǩõõzz tuâjjlaž Lempi Lehtinen lij tåimmam graaflaž plaaneeʹjen. Haʹŋǩǩõs lij ǩeeʹrj čõõđteei še.
DIGITAALʼLA ǨEʹRJJ:
Kukka Kiprianoff lååkk Bukva Äʹvv saaʹmi muʹzeeʹjest, paaldâst Joni Gauriloff. Kartt: Äʹvv saaʹmi muʹzei
📍 JUEʹǨǨEMSÂÂʹJ, LÄÄʹDDJÂNNAM:
Aanar kååʹddǩeʹrjjpõrtt
📚Vuäiʹtak laiʹnn’jed ǩeeʹrj Aanar väʹlddǩeʹrjjpõõrtâst da tiʹll’jed tõn pukid Sääʹmjânnam ǩeʹrjjpõõrtid.
🎁Vuäǯǯak däära käpplooǥǥid Aanar väʹlddǩeʹrjjpõõrtâst.
Ruäʹvnjaarǥ gååradǩeʹrjjpõrtt
📚Vuäiʹtak laiʹnn’jed ǩeeʹrj Ruäʹvnjaarǥ gååradǩeʹrjjpõõrtâst da tiʹll’jed tõn pukid Sääʹmjânnam ǩeʹrjjpõõrtid.
Oulu gååradǩeʹrjjpõrtt
📚Vuäiʹtak laiʹnn’jed ǩeeʹrj Oulu Saari kõõskõsǩeʹrjjpõõrtâst da tiʹll’jed tõn pukid Oulu gååradǩeʹrjjpõõrtid.
🎁Vuäǯǯak däära käpplooǥǥid Saari kõõskõsǩeʹrjjpõõrtâst.
Helmet-ǩeʹrjjpõõrt, vueiʹvvgååradvuʹvdd
📚Vuäiʹtak laiʹnn’jed ǩeeʹrj Heʹlssen kõõskõsǩeʹrjjpõõrtâst da tiʹll’jed tõn pukid Helmet-ǩeʹrjjpõõrtid.
📍 JUEʹǨǨEMSÂÂʹJ, TAARR:
Äʹvv Saaʹmi Muʹzei, Njauddâm
🎁Vuäǯǯak däära käpplooǥǥid Äʹvv Saaʹmi Muʹzeeʹjest
Saujj-Vaʹrjjel ǩeʹrjjpõrtt, Ǩeârkknjargg
📚Vuäiʹtak laiʹnn’jed ǩeeʹrj Saujj-Vaʹrjjel ǩeʹrjjpõõrtâst
print page