Vuʹvdd- da kåʹddvaal 2025 Aanar kååʹddest
14.03.2025
Vuʹvdd- da kåʹddvaalid tooiʹmtet pâʹsspeeiʹv 13.4.2025. Õuddjiõnstemäiʹǧǧ dommjânnmest lij seärdest mââibaarǥ räjja 2.-8.4.2025
Aanar kåʹddvaalin vaʹlljeet 27 väʹlddneʹǩǩed.
Õhttvuõtt-teâđ: vaalit@inari.fi da p. vaalteʹlfon 0405698912.
Jiõnnvuõiggâdvuõtt vuʹvddvaalin
Vuʹvddvaalin jiõnnvuõiggâdvuõttneǩ lij juõʹǩǩkaž mââimõõzzâst vaalpeiʹvven 18 eeʹǩǩed tiuʹddi ooumaž, kååʹtt lij
a) Lääʹddjânnam leʹbe jeeʹres EU vuäzzlažriikk leʹbe Islaant leʹbe Taarrjânnam meerlaž da koonn dommkåʹdd lij kååʹtt-ne kõõččmõõžžâst åårrai pueʹrrvââjjamvoudda kuulli kåʹdd 51. peiʹvven (21.2.2025) õuʹddel vaalpeeiʹv; leʹbe
b) jeeʹres riikk meerlaž, koonn dommkåʹdd lij kååʹtt-ne kõõččmõõžžâst åårrai pueʹrrvââjjamvoudda kuulli kåʹdd 51. peiʹvven õuʹddel vaalpeeiʹv da ǩeäʹst lij leämmaž puåtkkneǩâni dommkåʹdd Lääʹddjânnmest kuõiʹt eeʹjj ääiʹj laʹsǩǩuum 51. peeiʹvest õuʹddel vaalpeeiʹv; leʹbe
c) Lââʹssen jiõnnvuõiggâdvuõttneʹǩǩen lie tiõttum määinain pueʹrrvââjjamvuuʹdest jälsteei EU da meeraikõskksaž organisaatioi kääzzkõõzzâst åårrai oummu da seeʹst piârvuäzzla.
Jiõnnvuõiggâdvuõtt kåʹddvaalin
Kåʹddvaalin jiõnnvuõiggâdvuõttneǩ lij juõʹǩǩkaž mââimõõzzâst vaalpeiʹvven 18 eeʹǩǩed tiuʹddi ooumaž, kååʹtt lij
a) Lääʹddjânnam leʹbe jeeʹres EU vuäzzlažriikk leʹbe Islaant leʹbe Taarrjânnam meerlaž da koonn dommkåʹdd lij pueʹrrvââjjamvoudda kuulli kåʹdd 51. peiʹvven (21.2.2025) õuʹddel vaalpeeiʹv; leʹbe
riikk meerlaž, koonn dommkåʹdd lij kõõččmõõžžâst åårrai kåʹdd 51. peiʹvven õuʹddel vaalpeeiʹv da ǩeäʹst lij leämmaž puåtkkneǩâni dommkåʹdd Lääʹddjânnmest kuõiʹt eeʹjj ääiʹj laʹsǩǩuum 51. peeiʹvest õuʹddel vaalpeeiʹv; leʹbe
c) Lââʹssen jiõnnvuõiggâdvuõttneʹǩǩen lie tiõttum määinain kååʹddest jälsteei EU da meeraikõskksaž organisaatioi kääzzkõõzzâst åårrai oummu da seeʹst piârvuäzzla.
Jiõnstummuš vaalpeiʹvven vuʹvdd- da kåʹddvaalin
Vaalpeiʹvven jiõnnvuõiggâdvuõttneǩ vuäǯǯ jiõnsted tåʹlǩ tõn jiõnstempääiʹǩest, kååʹtt lij mieʹrǩǩuum jiõnnvuõiggâdvuõttrekisteera da jiõnsteeja pååʹšt mieʹldd puättam iʹlmmtõskoʹrtte.
Jiõnstummuš õuddǩiõʹtte vuʹvdd- da kåʹddvaalin
Jiõnnvuõiggâdvuõttneǩ vuäitt vaalpeiʹvven jiõnstem sâjja jiõnsted õuddǩiõʹtte koʹst täättas õõlmâs õuddjiõnstempääiʹǩest dommjânnmest leʹbe ålggjânnmin.
Jiõnnvuõiggâdvuõttrekister da iʹlmmtõskortt
Digi- da meerteâttkoontâr rääjj jiõnnvuõiggâdvuõttniiʹǩǩin jiõnnvuõiggâdvuõttrekisteeʹr da juõʹǩǩ rekisteera valddum ooumže pååʹštʼtet mââimõõzzâst 20.3.2025 iʹlmmtõõzz jiõnnvuõiggâdvuõđâst (iʹlmmtõskortt), koʹst peäggtet koʹst da kuäʹss vuäitt jiõnsted.
Jiõnnvuõiggâdvuõttrekisteeʹr kuõskki vuõiǥeemkaiʹbbjõõzzid âlgg tuejjeed Digi- da meerteâttkonttra mââimõssân mââibaarǥ 28.3.2025.
Identiteʹtt âlgg tuõđšted koovlaž identiteʹtt-tuõđštõõzzin
Vääʹld aainâs mieʹldd jiõnstempäikka persoontuõđštõõzz, kååʹtt vuäitt leeʹd vuejjamkortt leʹbe pass leʹbe vaʹstteei koovlaž äʹššǩeʹrjj. Jos Tuʹst ij leäkku näkam äʹššǩeʹrjj, vuäitak vuäǯǯad ââʹldmõs pååʹles-stroiʹttlest määustaa kõskkpoddsaž, jiõnstem vääras uvddum persoonkoort.
Vaaltooimtõs pâʹsspeeiʹv 13.4.2025
Vaaltooimtõs šâdd pâʹsspeeiʹv 13. peeiʹv njuhččmannust 2025 čiâss 9.00 – 20.00 vueʹlnn looǥǥtõllum paaiʹǩin:
Âʹvvel jiõnstemvuʹvdd
Aanar kåʹddpõrtt
Törmäs jiõnstemvuʹvdd
Törmäsen Keidas
Njeäʹllem jiõnstemvuʹvdd
Njeäʹllem Kerhopõrtt
Aanar jiõnstemvuʹvdd
Aanar sääʹmǩeʹrjjpõrtt/Sajos
Kaamas jiõnstemvuʹvdd
Kaamasen kievari, ǩeäjjlõspõrtt as.
Čeʹvetjääuʹr jiõnstemvuʹvdd
Čeʹvetjääuʹr škooul
Õuddjiõnstummuš 2.-8.4.2025: Jiõnstempääiʹǩ da äiʹǧǧtaull:
Aanar kååʹdd väʹlddǩeʹrjjpõrtt, Âʹvvel
Piiskuntie 4
ÂʹVVEL
se - pi
2.-4.4.2025
čiâss 9–18
su - pâ
5.-6.4.2025
čiâss 10–16
vu - mâ
7.-8.4.2025
čiâss 9–18
Aanar sääʹmǩeʹrjjpõrtt/ Sajos
Menesjärventie 2 A
AANAR
se - ne
2.-3.4.2025
čiâss 12–17
pi
4.4.2025
čiâss 12–16
vu - mâ
7.-8.4.2025
čiâss 12–19
Jooʹtti jiõnstemaaut (ǩeʹrjjautt) årstõõǥǥ da äiʹǧǧtaull:
Seärad 2.4.2025 Lisma, Menesjäuʹrr, Lemmenjokk, Kaamâs
Jiõnstemaaut årstõk
Lisma
čiâss 9.00–10.15
Lismantie 2 046 LISMA
Lemmenjoki/Ahkun tupa
čiâss 11.30–13.30
Lemmenjoentie 1030 LEMMENJOKK
Menesjärvi, Korpikartano
čiâss 14.00–15.30
Meneskartanontie 71 MENESJÄRVI
Kaamâs /Kievari
čiâss 16. 45–18.00
Kaamasentie 2 855 KAAMANEN
Nelljdpeiʹvv 3.4.2025 Njauddâm, Čeʹvetjäuʹrr, Päärtõk
Jiõnstemaaut årstõk
Njauddâm kaupp
čiâss 10.00–13.00
Sevettijärventie 12200 NJAUDDÂM
Čeʹvetjääuʹr škooul
čiâss 13.30–15.00
Sevettijärventie 9076 ČEʹVETJÄUʹRR
Supru
čiâss 15.30–16.00
Sevettijärventie, SUPRU
Partakko, Jounila
čiâss 16.30–17.30
Käyräniementie 11 PÄÄRTÕK
Piâtnâc 4.4.2025 Riutula-Aŋŋel
Jiõnstemaaut årstõk
Keisilahti
čiâss 10.45–11.45
RIUTULA
Seittimukka
čiâss 12.00–13.15
KETTUJOKI
Terstontie čuâǥǥasräätktõk
čiâss 13.30–14.30
Angelintie
Aŋŋel
čiâss 16.00–18.00
Angelintie 6 090 AŊŊEL
Vuõssargg 7.4.2025 Njeäʹllem da Suâlseäʹlǧǧ
Jiõnstemaaut årstõk
Nellimin erähotelli
čiâss 10.00 - 12.00
Nellimintie 4230, NJEÄʹLLEM
Siula šelljvuʹvdd
čiâss 14.00–18.00
Kelotie 2
Mââibargg 8.4.2025 Kuttura, Suâlseäʹlǧǧ
Jiõnstemaaut årstõk
Kuttura
čiâss 10.00–12.00
Kutturantie 4015
Siula šelljvuʹvdd
čiâss 13.00–18.00
Kelotie 2
Pääiʹǩest jiõnstummuš
Jiõnnvuõiggâdvuõtt ooumaž, koon odd liikkeed leʹbe toiʹmmjed lij tâʹmmet rajjtõõvvâm, što son ij toolkteʹmes vaiggâdvuõđitaa piâzz õõlmâs ouddǩiõʹtte jiõnstem- ij-ka vaalpeeiʹv jiõnstempäikka, vuäǯǯ jiõnsted õuddǩiõʹtte pääiʹǩstes tõn kååʹddest, koon jiõnstemvuuʹd jiõnnvuõiggâdvuõttrekisteera suu lij mieʹrǩǩuum. Päiʹǩǩjiõnstummša vuõiggâdvuõđtum oummin seämma täälast jälsteei âʹlddruåtthoiʹddjeei vuäitt jiõnsted pääiʹǩest jiõnstem õhttvuõđâst. Pääiʹǩest jiõnstummuš šâdd õuddjiõnstemääiʹj.
Päiʹǩǩjiõnstummša vuõiggâdvuõđtum âlgg iʹlmmted haalstes jiõnsted õuddǩiõʹtte pääiʹǩstes mââimõssân mââibaarǥ 1.4.2025 čiâss 16.00 räjja mõõneeʹst Aanar kååʹdd väʹlddvaal-luʹvddkådda ǩeeʹrjlânji leʹbe teʹlfoonin 405 698 912. Iʹlmmtõõzz vuäitt jiõnsteei peäʹlest tuejjeed tän vaʹlljeem ooumaž. Aanar kååʹdd kõõskõsvaal-luʹvddkååʹdd addrõs lij Piiskuntie 2, 99800 ÂʹVVEL
Lomaakk ǩeerjlaž iʹlmmtõõzz vääras lie vuäǯǯamnalla Aanar kåʹddpõõrt vuäʹpstõõzzâst arggpeeiʹvi čiâss 9-11 di kååʹdd neʹttseeidain www.inari.fi
Strooiʹteljiõnstummuš
Strooiʹteljiõnstummuž tiõrvâsvuõttkõõskõõzz puõccisââʹjest, kääzzkâʹsttempäiʹǩǩ Männikköst, kääzzkâʹsttemkõõskõs Koivikkost di Attendo Aurora huåivvpääiʹǩest da Âʹvvel vaʹrrjemkååʹddest tuejjeet õuddjiõnstemäiʹǧǧen jeeʹrab suåppum ääiʹj.
Ǩeʹrjj-jiõnstummuš ålggjânnmin
Vaali ääiʹj ålggjânnmin jälsteei leʹbe ååreei jiõnnvuõiggâdvuõttneeʹǩǩ vuäiʹtte jiõnsted ǩeeʹrj mieʹldd ålggjânnmin. Jiõnsteei tiʹllai materiaal jiõčč. Lââʹssteâtt: https://vaalit.fi/kirjeaanestys
Vuäʹpstõs jiõnsteeʹjid
Väʹlddkååddlaž kääzzkõsnââmrin vuäitak kõõččâd vaalid da jiõnstummša kuulli aaʹššin. Nââmar lie määusteeʹm da äävai aarǥi čiâss 8–16.
Vaalkääzzkõsnââmar jiõnsteeʹjid: 0800 9 4770
WhatsApp-saakk-kääzzkõs: 050 438 8730
Aanar kååʹdd vaalriâššmõõžžin vuäitak kõõččâd: vaalit@inari.fi, vaalteʹlfoonâst 040 569 8912leʹbe saaǥǥtem- da õhttsažtåimmjååʹđteei Anne-Marie Kalla, t. 040 723 0697.
AANAR- KÅÅʹDD VÄʹLDDVAAL-LUʹVDDKÅʹDD
Juha Saari Anne-Marie Kalla
saaǥǥjååʹđteei piisar
print page