Tuâjjviõkk-kääzzkõõzz oʹđsme eeʹjjvaajtõõzzâst – puäʹđ tiõrvân Tâʹvv- da Nuõrtt-Lappi reâuǥlažvuõttvuuʹd äʹššneʹǩǩen

02.01.2025

Tuâjjviõkk-kääzzkõõzz serddje eeʹjj vaajtõõveen riikkâst kooʹddid. Äʹššniiʹǩǩid põõrǥât staanâd soojjlõs serddjempoodd kääzzkõõzzid, kuuitâǥ eeʹjj vuõssmõš peeiʹvi kääzzkõõzzin vâjja leeʹd heâmmõõzz da ââʹnnempuåtkknõõzz.

Eeʹjj aalǥâst viõʹǩǩe puättam TJ-oođõs lij historiallaž kuâstalv, kåʹddǩeeʹddest juõʹǩǩ kååʹdd kuõskki oođõs, kååʹtt lij kaiʹbbjam kooʹddin määŋgsuârǥlaž vaʹrrjõõttmõõžž di valmštõõttmõõžž. Tän mettsaž oođõʹsse koʹlle še serddjempoodd kääzzkõõzzi soojjlõs juätkkjemvuõđ kõskkpoddsanji vaareei vaʹǯǯtõõzz.

Toiʹmmjummšes eeʹjj aalǥâst alttääm Tâʹvv- da Nuõrtt-Lappi reâuǥlažvuõttvuʹvdd pârgg staanâd äʹššniiʹǩǩiiǩǩi kääzzkõõzzid, leša alggmettrin jeeʹresnallšem heâmmõõzz, ââʹnnempuåtkknõõzz da mââjõõzz vâjja leeʹd.

Håʹt TJ-konttâr lie loopptum, JJP-kõõskõõzzi di TJ-konttri õõuʹdeem- da vaaldâšmkõõskõs leʹbe KEHA-kõõskõs vaaldašm še juätkast tuâjjooccji da tuâjjuʹvddji jiõččäʹššeemkanaal Työmarkkinatori. Työmarkkinatori seill nääiʹt  še juätkast liâdglaž äʹššeemkanaalân. Työmarkkinatori Asiointi-vueʹzzest vuäitak iʹlmmtõõttâd reâuggooccjen, iʹlmmted tuâjjooccmõõžžad kuõskki muttsest leʹbe kueʹđđed õhttvuõttväʹlddemraukkmõõžž.

Jos õõlǥak rekisterõõttâd reâuggooccjen jiõk-ka piâzz ǩeeʹrjtõõttâd sizz riâšldõʹǩǩe, vuäitak väʹldded õhttvuõđ Tâʹvv- da Nuõrtt-Lappi reâuǥlažvuõttvuuʹd takai õhttvuõttnââmra: teʹlfoon-nââmar 400 610 870 kääzzkâstt arggpeeiʹvi čiâss 9–15.

Looǥǥ lââʹzz tuâjjviõkk-kääzzkõõzzi pirr Tâʹvv- da Nuõrtt-Lappi reâuǥlažvuõttvuuʹdest tääiǥ: Työvoimapalvelut | Sodankylän kunta

Täʹst lij kõõččmõš

Eeʹjj vaajtõõveen õõlmâs tuâjjviõkk-kääzzkõõzzi jäʹrjstemvaʹstteemvuõtt serddji riikkâst kooʹddid. Oođõõzz mieʹldd Lääʹddjânnma šõʹdde 45 kooʹddin šõʹddi reâuǥlažvuõttvuʹvdded, kookk vaaldâšm peäʹlest vaʹsttee kääzzkõõzzi jäʹrjstummšest.

Lappist toiʹmmjummuž alttee nellj reâuǥlažvuõttvuuʹd: Miârr-Lappi, Tâʹvv da Nuõrtt-Lappi, Rovaseutu da Tunturi-Lappi da Pello reâuǥlažvuõttvuuʹd.

Tâʹvv- da Nuõrtt-Lappi reâuǥlažvuõttvuuʹd kääuʹc kåʹdded lie Aanar, Ǩeeʹmmjäuʹrr, Pelkosenniemi, Posio, Salla, Savukoski, Suäʹđjel da Uccjokk. Suäʹđjel lij reâuǥlažvuõttvuuʹd vaʹstteeikåʹdd.

TJ-kääzzkõõzzi serddjummuš kooʹddid miârkkšââvv serddjummuž riikk kõskkuum riâšldõõǥǥâst jerruum kåʹddvuâđlaž kääzzkõsriâšldõʹǩǩe.