Mield väldee budjetistem

Mield väldee budjetistem, mast kieldâliih váldojeh mield ohtâsâš viäruvaarijd kyeskee savâstâlmân, vuávámân já miärádâstohâmân. Tuáváást lii juurdâ njuolgâ já mield väldee demokratiast, mast ässeeh merideh, maht kieldâ kiävtust leijee almolijd vaarijd kevttih. Mield väldee budjetistem addel ulmuid máhđulâšvuođâ miäruštâllâđ já prioristiđ almolijd koločuosâttuvâid. Siämmást tot fáálá táválâš aalmugjesânân vyevi leđe tuođâi mield miärádâstohâmist. Mield väldee budjetistem lii ohtâ vyehi ovdediđ kieldâlij uásálâšvuođâ.

Mield väldee budjetistmân ij lah ohtâ áinoo olmâ meetood, já tom puáhtá olášuttiđ maaŋgâ sierâ náálá. Aanaar mield väldee budjetistmist kieldâliih peesih meridiđ, maht 10 000 euro meriruttâ kiävttoo.

Luuvâ lase mield väldee budjetistmist Kieldâlito siijđoin.

 

Aanaar mield väldee budjetistem

Aanaar mield väldee budjetistmist láá nelji mudo:

1. Iävtuttâsâi čokkim

Kii peri puáhtá iävtuttiđ, maht 10 000 eurod kolgâččij kevttiđ. Iävtuttâsah kalgeh leđe olášuttemnáál 10 000 euro meriruuđáin, olášuđ Anarist sehe leđe kieldâ toimâvääldist já njuolgâdusâi já lahâasâttem miäldásiih.

2. Iävtuttâsâi valmâštâllâm jienâstmân

Kieldâst árvuštâlloo, moh iävtuttâsâid láá olášuttemtoháliih. Siämmáálágán iävtuttâsah ovtâstittojeh, já taggaar iävtuttâsah hilgojeh, maid ij lah máhđulâš olášuttiđ 10 000 euro meriruuđáin tâi maid puáhtá olášuttiđ kieldâ vuáđupargo uássin. Jienâstmân ovdáneijee iävtuttâsah almostittojeh.

3. Jienâstem

Puoh kollee ive 12 ihheed tevdee ja tađe puárásub aanaarliih pyehtih jienâstiđ tom iävtuttâs mon halijdeh. Ohtâ olmooš puáhtá jienâstiđ ohtii.

4. Vyeitteeiävtuttâs tâi -iävtuttâsâi olášuttem

Enâmus jienâid finnim iävtuttâs tâi iävtuttâsah olášuttojeh meriruuđâi raamij siste. Iävtuttâs olášuttem puáhtá čuávvuđ kieldâ viermisiijđoin já sosiaallii media oolijn.

 

Print icon print page
share page: