Seervih já siärvuseh

Seervih tuárjuh toimâidiskuin kieldâlij pyereestvaijeem já kieldâ eellimnaavcâid. Seervih jukseh kieldâlijd sii jieijâs aargâst. Servitooimah fäälih kieldâláid máhđulâšvuođâid uásálistiđ siärváduv toimâmân já jieškote-uvlágán äigiájánâssáid. Návt kieldâliih pyehtih kavnâđ jiärmáás äigiájánâs, sosiaallijd koskâvuođâid já siärvuslâšvuođâ. Seervih pyehtih meiddei pyehtiđ kieldâlij jienâ meridempaargon já jyehiđ jieijâs mättim ohtâsâš ovdedempaargon.

Seervih láá kieldân tehálâš ohtsâšpargokyeimi. Seervih já kieldâ uárnejeh ohtsâšpargoost maaŋgâlágán tooimâid, tegu jieškote-uvlágán tábáhtusâid já tilálâšvuođâid. Kieldâ tuárju seervij toimâm eereeb iärrás torjuiguin já falâmáin viistijd seervij kiävtun. Seervih láá mield meiddei kieldâ vaiguttemtoimâorgaanijn, tegu ovdâmerkkân puárásij- já vádulijparlamentist.

Kieldâ já seervij ohtsâšpargo oovdedmist västid serviohtâvuotâolmooš.

Seervij ohtâvuotâtiäđuh

Jis tuu servi ij oinuu vuoluubeln leijee listoost, ele registeristmin já almootmin jieijâd seervi tuáimeetiäđuid Lappilaiset.fi-viermipalvâlusân. Palvâlus lii Toimeksi.fi-palvâlus uási, mii lii väldikodálâš servitiäđu uáli.

Print icon print page
share page: