Kieldâlâšaalgâ

Kieldâlâšaalgâ lii ohtâ vaiguttem vyehi, moin kieldâliih pyehtih pyehtiđ jienâs kulosân kieldâ aašij pirrâ. Kieldâlâšaalgâ lii ovtâskâs ässee tâi ässeejuávhu rähtim kirjálâš aalgâ, mon peht kieldâ ässee puáhtá vaiguttiđ njuolgist jieijâs kieldâ toimáid já miärádâstohâmân.

Kieldâlaavâ (410/2015) § 22 mield kieldâ ässein lii vuoigâdvuotâ toohâđ kieldân alguu ton toimáid kyeskee aašijn. Meiddei palvâlusâi kevttein lii vuoigâdvuotâ toohâđ alguu, mii kuáská kieldâ palvâlusân. Alguu tahhei almottuvvojeh alguu čuávumuššân tohhum tooimah.

Jis alguu tahhen láá ucemustáá kyehti prooseent kieldâ ässein, váldustivrâ kalga väldiđ alguu kieđâvušmân kyehti mánuppaje siste. Ucemustáá nelji prooseent kieldâ 15 ihheed tiävdám ässein pyehtih toohâđ kieldân alguu kieldâlii aalmugjienâstem orniimist.

Algust kalgeh leđe alguu tahhee nommâ, ohtâvuotâtiäđuh já päikkikieldâ sehe uánihis čielgiittâs tast, moos aalgâ kuáská. Kieldâlâšalguu puáhtá toimâttiđ jo-uv šleđgâlávt tâi pááppár alne.

Šleđgâlii kieldâlâšalguu puáhtá toohâđ Kuntalaisaloite.fi-palvâlusâst tâi tom puáhtá vuolgâttiđ Aanaar kieldâ kirjimkontturân čujottâsân inari@inari.fi. Pááppárhámásii kieldâlâšalguu puáhtá toimâttiđ poostâ mield čujottâsân Piiskuntie 2, 99800 Avveel.