Uáppulovnâpuáráttâskeččâlem uuccâmravvuuh láá almostum – hiäđu puáhtá uuccâđ Tave-Laapin varrim eidu valmâštum olmooš
01.09.2026
Uáppulovnâpuáráttâs fálloo eidu valmâštum ulmui, kote värree Suáđigil, Aanaar tâi Ucjuv kieldân. Uáppáásm tärhibijd uuccâmravvuid vyelni!
Lah-uv valmâštum muádi majemuu ive ääigi áámmátuápuin tâi ollâškoovlâst? Lii-uv tust uáppulovnâ? Tääl kannat uuccâđ pargo já varriđ tavas, tastko Suáđigil, Aanaar já Ucjuv kieldah mieđetteh uáppulovnâpuáráttâs, mii lii čujottum áámmát- tâi ollâškoovlâst eidu valmâštum ulmuid.
Uáppulovnâpuáráttâskeččâlmist, mii olášuttoo Suomâst vuossâmuu tove, puáráttâs pyehtih finniđ toh eskân valmâštum ulmuuh, kiäh värrejeh monnii Tave-Laapi kieldân (Suáđigil, Aanaar, Ucjuuhâ) já finnejeh pargo valmâštum maŋa. Kulmâ ive pištee keččâlem ulmen lii hokâttâllâđ nuorâ rävisulmuid algâttiđ jieijâs pargosyergi Tave-Laapist. Uáppulovnâpuáráttâskeččâlem lii valmâštâllâm Tave-Laapi kuávluoovtâstpargo kieldâovtâstume oovtâst kieldâiguin.
Uáppulovnâpuáráttâs puáhtá uuccâđ keččâlmist mieldi orroo kieldâi siijđoi peht. Kieldah láá almostittâm puáráttâskeččâlem iävtuid já uuccâmluámáttuv, moh kávnojeh meid taan teevstâ loopâst.
Kii puáhtá finniđ uáppulovnâpuáráttâs?
Puáráttâs puáhtá mieđettiđ eskân valmâštum ulmui tâi taggaar ulmui, kote lii valmâštum enâmustáá kyehti ive ovdil vuossâmuu uáppulovnâpuáráttâs uuccâmpaje, já kiäst lii uáppulovnâ jo-uv nube tääsi áámmátlii totkosist, áámmátollâškovlâ- tâi ollâopâttâhtotkosist. Eskân valmâštum olmooš kalga varriđ Suáđigilán, Anarân tâi Ucjuuhân, tâi sun lii puáhtám aassâđ monnii tain kieldâin enâmustáá kyehti ive. Meid pargo porgâmsaje tâi káiduspargosaje kalga leđe monnii taggaar kieldâst, mii lii keččâlmist mieldi.
Puáráttâs puáhtá finniđ meid räjijotten, jis occee jotá pargoost Taažâ peln. Talle aassâmkieldân, moh heivejeh iävttoid, heivejeh Taažâ räjinaabureh Aanaar já Ucjuuhâ.
Ravvuuh uánihâžžân: Keččâlmân puáhtá peessâđ eskân valmâštum olmooš, kiäst lii uáppulovnâ, já kote lii Suáđigil, Aanaar tâi Ucjuv kieldâässee. Occest kalga leđe pargokoskâvuotâ tâi sun kalga toimâđ irâtteijen. Puáráttâsân addel vuoigâdvuođâ 12 mánuppaje pargoostorroompaje ucemustáá 50 % pargoaigijn tâi irâtteijen.
Ucâmušah kieđâvuššojeh vuossâmuu tove uđđâivemáánust 2027. Puáráttâs máksoo enâmustáá kulmâ ive, 12 mánuppaje poojijn. Máksu mieđettuvvoo maajeeldkietân, já jyehi 12 mánuppaje puáráttâs kalga uuccâđ sierâ. Uáppulovnâpuáráttâs puáhtá leđe enâmustáá 5 800 eurod.
Uáppáásm ravvuid já uuccâmluámáttâhân vyelni!
Opintolainahyvityksen hakulomake
Lah-uv perustum ääšist? Koijâd lase!
Aanaar:
Henna Kontsas
Ovdánemjođetteijee
p. 040 351 1330
henna.kontsas@inari.fi
Suáđigil:
Kalle Pyykkö
Ekonomia- já haldâttâhjođetteijee
p. 040 160 3390
kalle.pyykko@sodankyla.fi
Ucjuuhâ:
Veli-Matti Ruotsalainen
Ovdánemjođetteijee
p. 040 350 8654, veli-matti.ruotsalainen@utsjoki.fi
print page