Aanaar kieldâ uásálistee budjetistem 2026 – teeman mielâ pyereestvaijeem: Iävtut 16.2–1.3.2026

09.02.2026

Aanaar kieldâ uásálistee budjetistem 2026 – teeman mielâ pyereestvaijeem

Uásálistee budjetistem uuđâsm! Uásálistee budjetistem vievâst viggâp tuárjuđ kieldâstrategia sehe kieldâ pyereestvaijeem- já torvolâšvuotâvuávám olášuttem. Tondiet uásálistee budjetistmân miäruštâlloo jyehi ive sierâ teema.

Ive 2026 uásálistee budjetistem teeman lii mielâ pyereestvaijeem. Mielâ pyereestvaijeem lii ohtâ äšši, mii tiäduttuvvoo kieldâ pyereestvaijeem- já torvolâšvuotâvuáváámist 2026–2029 já tääl tuáivup kieldâ ässein jurduid tast, maht aanaarlij mielâ pyereestvaijeem puávtáččii tuárjuđ.

Mielâ pyereestvajemân puáhtá vaiguttiđ eereeb iärrás: ulmuu máhđulâšvuotâ uásálistiđ olssis tehálii tooimân já vaiguttiđ olssis kyeskee aššijd sehe vuáttámušah tast, ete ulmuu uáivileh váldojeh vuotân já olmooš tuhhiittuvvoo tagarin ko sun lii. Pyereh olmooškoskâvuođah sehe torvolâš já njyebžilis argâ láá teháliih tahheeh mielâ pyereestvaijeem tuárjumist. Taaiđâ, kulttuur já kreatiivlâš toimâ ovdedeh mielâ pyereestvaijeem.

Maht tun tuárjuččih aanaarlij mielâ pyereestvaijeem 20 000 euroin?

Iävtut 16.2–1.3., maht 20 000 eurod kolgâččii kevttiđ mielâ pyereestvaijeem tuárjum toorjân!
 

MAHT NUURRÂP IÄVTUTTÂSÂID?

PÄÄIHI ALNE: Tun puávtáh kyeđđiđ iävtuttâsâd Aanaar já Avveel kirjeráájuin, kirjerájuautost tâi Aanaar kieldâ kuáskulâškuávdáást.

KIELDÂ VIERMISIIJĐOIN: Kyeđe iävtuttâsâd luámáttuvváin, mii lii Aanaar kieldâ viermisiijđoin: Iävtut

PUHELIMÁIN: Tun puávtáh vuolgâttiđ ärbivuáválii tekstâviestâ teikâ kove, video, jienâviestâ teikâ viestâ WhatsApp-viestân. Viestâid kalga vuolgâttiđ numerân 040 643 4305.

Lasetiäđuh: leena.korhonen@inari.fi / 040 643 4305