Aanaar kieldâ uásálistee budjetistem 2026: jienâst 30.3.-19.4.
30.03.2026
Aanaar uásálistee budjetistem lii ovdánâm jienâstemmuudon: jienâstem lii joođoost 30.3.-19.4.2026
Aanaar kieldâ ive 2026 uásálistee budjetistem iävtuttâsâi kyeđđim nuuvâi 1.3. Aanaarliih kuođđii ohtsis 70 iävtuttâssâd tast, maht uásálistee budjetistmân väridum 20 000 eurod kolgâččii kevttiđ. Stuorrâ kijttoseh puohháid, kiäh láá kuáđđám iävtuttâsâid!
Puoh kuođđum iävtuttâsah láá kieđâvuššum kieldâst. Ko lep ovtâstittâm siämmáálágánijd tâi siämmáásullâsijd iävtuttâsâid, te paccii 49 iävtuttâssâd. Jienâstmân ovdánii tagareh iävtuttâsah, moh kuleh kieldâ toimâvááldán, maid puáhtá olášuttiđ 20 000 euroin já moh iä lah olášuumin monnii eres vuovvijn. Jienâstmân ovdánii 5 iävtuttâs.
Puoh aanaarliih, kiän tevdih taan ive 12 ihheed tâi láá tađe puárásuboh, pyehtih jienâstiđ, mii iävtuttâsâid olášuttoo uásálistee budjetistem meriruuđáin. Ohtâ olmooš puáhtá jienâstiđ tuš ohtii. Jienâstiđ puáhtá kieldâ nettisiijđoin orroo nettiluámáttuvváin tâi Aanaar kieldâ uásálâšvuotâkuávdáást, Avveel já Aanaar kirjeráájuin já kirjerájuaautost. Jienâstemluvâttâllâm lii uáinimnáálá jienâstemsoojijn, kieldâ nettisiijđoin já jienâstemluámáttuvâst.
print page