Turisma

Suoma stuorámus gielda Anár geasuha galledeaddji áidnalunddot luondduinis. Máŋggat jávrrit ja daid duháhat sullot, čuođit duoddarat sihke máŋggalágan šattut ja eallit fállet čuđiidduháhiid guovllus jahkásaččat galledeaddjiide vajálduvakeahtes vásáhusaid.

Máŋggabealat ja čielga jagiáigget fállet guovllus vajálduvakeahtes vásáhusaid; beaivváš ijahis ija geasis, čavčča šealgu ivnnit ruškkis, buhtes muohta ja jiekŋa dálvit sihke luonddu čuovgan ja moriheapmi giđđat. Dáid njealje čielga jagiáigge bálddas hállojuvvo joba gávcci earálágan jagiáigges.

Guovddážis, davvi sajádaga dihtii, Anár leamašan čađa áiggiid kultuvrra deaivvadanbáiki ja lunddolaš geinnodat Jiekŋameara lusa. Suoločielggi turismaguovddáš lea deahtis, duoddariid birastahttán siida Urho Kekkonen álbmotmeahci bálddas. Beakkámus Suoločielggi duoddariin lea 438 mehtera allat Kaunispää, man sáhttá juksat njuovžilit vácci, biillain dahje čuoiganheaissain. Suoločielggis gávnnat luomu várás buot maid dárbbašat čierastallanguovddážis ja luondobálgáin álot lávggohahkii, hoteallaidda, restauráŋŋaide ja eará bálvalusaide.

Anára kirkosiida, mii lea Anárjávrri gáttis, lea Suoma sámekultuvrra guovddáš, man lagašbirrasis ja lagaš giliin sámi árbevierru lea bisson ealasin. Sámemusea Siida ja Meahciráđđehusa Luondoguovddáš fállet vásáhuslaš diehtopakeahta sápmelašvuođas. Sámekulturguovddáš Sajos lea bealistis bivnnut máŋggakulturvuođa deaivvadanbáiki, máŋggabealat dáhpáhusdállu ja alladássásaš kongreassaguovddáš.

Anára gielda bidjá deattu dovdomassii turismma ovddideapmái. Guovllu turismamárkanastimis vástida gieldda osolašfitnodat Inari-Saariselkä Oy.

Print icon print page
share page: