Čuvgehusbálvalusat

Váldostivrra dohkkehan stivrenrávvaga mielde čuvgehuslávdegotti doaibmasuorgái gullet:

• ovda- ja vuođđooahpahus, mii čuovvu vuođđooahpahuslága
• skuvlalaččaid iđit- ja veaigedoaibma, mii čuovvu vuođđooahpahuslága
• logahatskuvlejupmi, mii čuovvu logahatlága
• ámmátlaš skuvlejupmi
• skuvlejupmi, mii čuovvu friija čuvgehusdoaimmas ja dáidaga vuođđooahpahusas addojuvvon lágaid
• girjerádjo- ja diehtobálvalusat, kulturdoaibma, lihkadandoaibma ja nuoraidbargu
• skuvllaid vuođđudeapmi ja heaittiheapmi bušeahttaárvalusa ja doaibmaplána mielde
• árrabajásgeassin

Árrabajásgeassin

Doaimma guovddáš sisdoallu

Lágas mearriduvvon gielddalaš árrabajásgeassima ordnen vuollái skuvlaahkásaš mánáide máná iežas eatnigillii (suoma-, ruoŧa- dahje sámegillii) beaiveruokto- dahje bearašbeaivedikšun.

Nuvttá ovdaoahpahusa ordnen 6-jahkásaš mánáide Suoločielggi beaiveruovttus.

Mánáid ruoktodikšundoarjja (Áel) ja ruoktodikšundoarjaga gieldalasi gieldda mearridan eavttuiguin vuollái 2-jahkásaš mánáide ja oarbinaččaide.

Anárašgielat giellabeassedoaimma (1.8.2021 rájes) ja nuortalašgielat giellabeassedoaimma ordnen stáhtadoarjjaruhtademiin (85 %).

Skuvlalaččaid vuorro- jed. divššu ordnen gieldda mearridan eavttuiguin 1-2 luohká oahppiide.

Ovda- ja vuođđooahpahus

Doaimma guovddáš sisdoallu

Vuođđooahpahuslágas mearriduvvon ovda- ja vuođđooahpahusa ja vuođđooahpahusa maŋŋá lasseoahpahusa addojuvvo gieldda njeallje skuvllas:

1. Anára skuvla, ovdaoahpahus ja vuođđooahpahusa  jahkeluohkát 1-9, rektor tel. 0400 232 662
2. Avvila vuolledási skuvla, ovdaoahpahus ja vuođđooahpahusa jahkeluohkát 1-6, sierraoahpahusa smávvaluohkká jahkeluohkáide 1-6, rektor tel. 0400 243 721
3. Avvila badjedási skuvla, vuođđooahpahusa jahkeluohkát 7-9 ja lasseoahpahus, sierraoahpahusa smávvaluohkká jahkeluohkáide 7-9, rektor tel. 040 561 1357
4. Čeavetjávrri skuvla, ovdaoahpahus ja vuođđooahpahusa jahkeluohkát 1-9, rektor tel. 040 154 7220
5. Ovda- ja vuođđooahpahusas oahpahusgiellan suomagiela lassin geavahit anárašgiela, nuortalašgiela ja davvisámegiela.

Logahatskuvlejupmi

Doaimma guovddáš sisdoallu

Avvila logahat lea dábálaš čuvgehusa addi nubbi dási oahppolágádus, gos studeren addá studeanttaide joatkkaoahppogelbbolašvuođa allaskuvlla oahpuide.

Ruoktobáikegotti iežas logahat duvdá nuoraid šaddama ja identitehta ahtanuššama ee. dan bokte, ahte addá vejolašvuođa studeret anáraš-, nuortalaš ja davvisámegiela eatnigiellan.

Avvila logahat ovttasbargá Sámi oahpahusguovddážiin ja ovttas oahppolágádusat fállet studeanttaide vejolašvuođa čađahit logahaga oahppomeari, studeantadutkosa ja ámmátlaš vuođđodutkosa.

Logahaga rektor, tel 040 561 1357.

Asttuáigebálvalusat

 

Rávesolbmuidskuvla

Anára rávesolbmuidkuvlla bargun lea ollašuhttit ássiid dárbbuide vuođđuduvvi, buohkaid olahanmuttus leahkki dábálaš čuvgehusa addi skuvlejumi, mii addá vejolašvuođa ovddidit iežas, eallinagi oahppamii, studerendáidduid ja álbmotválmmašvuođaid ovddideapmái ja doarju fysalaš, psyhkalaš ja sosiála buresveadjima.

Rávesolbmuidskuvlla rektor, tel. 0400 342 520

Girjerádju

Anára gielda fállá girjerádjobálvalusaid oaivegirjerájus Avvilis, Sámegirjerájus Anára girkosiiddas ja girjerádjobiillas miehtá gieldda. Anára gielddagirjerádju lea oassi Lapin girjerádju -joavkku. Girjerájuin lea ođasmuvvi materiálat luoikanláhkái, aviisačoakkáldagat, dáhpáhusat ja čájáhusat. Girjerájus sáhttá studeret ja gáiddusbargat. Girjeráju bargoveahka barget lohkama ovddideami ovdii beaiveruovttuiguin ja skuvllaiguin.

Girjerádjohoavda, tel 040 830 4886

Kulturdoaibma

Kulturdoaimma guovddáš doaibmajurdda lea dáhkidit máŋggabealat kulturfálaldaga buotahkásaš gieldalaččaide oppalaš buresveadjima ja loaktima lasihan dihte. Ulbmilin lea ovddidit kultuvrra ja dáidaga ovttaveardásaš oažžuma ja máŋggabealat geavahusa. Kulturdoaibma figgá innovatiivvalaččat doarjut anárlaš kultursuorggi amatevrraid ja ámmátolbmuid ja fállat dievasmahtti kulturbálvalusaid.

Kulturdoaibma ovttasbargá aktiivvalaččat iešguđet kulturdoaibmiiguin. Doaimma motivašuvdnan doaibmá “kultuvra gullá buohkaide” – jurdda. Kulturdoaimma ordnet ovttasbarggus báikkálaš doaibmiiguin, das vuhtiiváldojuvvo anárlašvuohta, miehtáriikasašvuohta ja álbmogiidgaskasašvuohta ja innovatiivvalaččat geahččalit ođđa kulturvásáhusaid. Anára kulturdoaibma čuovvu lága gielddaid kulturdoaimmas.

Kulturdoaibma vástida gielddalaš ealligovvateáhter Aslaka doaimmas
Kulturčálli, tel. 040 776 7546

Asttuáigedoaibma (lihkadanbálvalusat ja nuoraidbargu)

Asttuáigedoaibma vástida oppalaš lihkadeami hárjeheami gáibádusain. Ordnet gieldda bargoveaga bargonávccaid bajásdoalli doaimma, ee. boddolášmmohallamiid ja smávvajoavkkuid. Lassin ordnet máŋggabealat sierrajoavkkuid lihkadanrávvema.

Nuoraidbargu doaibmá anárlaš nuoraid buresveadjima ovdii. Vuohkin ovddidit leat searvvušlaš nuoraiddoaibma, oktagaslaš doarjja ja máŋggaámmátlaš ja -servodatlaš bargovuogit. Nuoraidbargu ollašuhttá ohcci nuoraidbarggu ja doarju nuoraidstivrra doaimma. Viestintäpaja doaibmá nuoraid bargobádjin ja nuoraidalmmuheami máŋggabealat doaibmaguovddážin.

Asttuáigečálli, tel 0400 172 304