Oassálasti budjeteren

Oassálasti budjeteren lea doaibmandáhpi, gos gieldalaččat váldojuvvojit mielde oktasaš vearroruđaid guoski ságastallamii, plánemii ja mearrádusdahkamii. Duogážin lea jurdda njulges ja oassálasti demokratiijas, gos ássit besset mearridit, mo gieldda geavahusas leahkki almmolaš ruđaid geavahit. Oassálasti budjeteren addá olbmuide vejolašvuođa meroštallat ja prioriteret almmolaš golaheami. Seamma áigge dat addá dábálaš gieldalažžii vuogi leat albmaláhkái mielde mearrádusdahkamis. Oassálasti budjeteren lea okta vuohki ovddidit gieldalaččaid oassálastima.

Oassálasti budjeteremii ii leat dušše okta rivttes vuohki, ja dán sáhttá ollašuhttit máŋgga iešguđet vugiin. Anáris oassálasti budjeteremis gieldalaččat besset mearridit, mo 10 000 euro mearreruhta geavahuvvo.

Loga lasi oassálasti budjeteremis Kuntaliitto-siidduin.

Anára oassálasti budjeteremis leat njeallje muttu:

1. Evttohusaid čoaggin

Gii beare sáhttá evttohit, mo 10 000 euro berrešii geavahit. Evttohusaid galgá sáhttit ollašuhttit 10 000 euro mearreruđain, ollašuhttot Anáris ja leat gieldda doaibmaválddis ja njuolggadusaid ja láhkaásaheami mielde.

2. Evttohusaid válmmaštallan jienasteapmái

Gielddas árvvoštallat, maid evttohusaid sáhttá ollašuhttit. Seammasullasaš evttohusaid ovttastahttit, ja dakkár evttohusat sihkkojuvvojit eret, maid ii sáhte ollašuhttit 10 000 euro mearreruđain dahje maid sáhttá ollašuhttit oassin gieldda vuođđobarggu. Jienastussii manni evttohusat julggaštuvvojit.

3. Jienasteapmi

Buot jagi áigge 12 jagi deavdi ja das boarráseappot anárlaččat sáhttet jienastit dan evttohusa, man háliidit. Okta olmmoš sáhttá jienastit oktii.

4. Vuoiti evttohusa dahje evttohusaid ollašuhttin

Eanemus jienaid ožžon evttohus dahje evttohusat ollašuhttojuvvojit mearreruđaid mielde. Evttohusaid ollašuhttima sáhttá čuovvut gieldda neahttasiidduin ja sosiála media kanálain.