Várradieđáhus boahtá dás ovddos iežat telefovdnii njuolga

11.11.2026

FI-Alert váldojuvvo atnui skábmamánus. Dan veahkil eiseválddit sáhttet sáddet várradieđáhusa jođánit telefovnnaide, mat leat várraguovllus. It dárbbaš sierra áppa dahje registrerema.

Várradieđáhus boahtá almmuhussan njuolga iežat telefovnna šerbmii. Oktanaga gullo garra mearkajietna, vaikko iežat telefovnnas eai livčče jienat alde. Jus oaččut várradieđáhusa, de lea dehálaš čuovvut eiseválddiid addin rávvagiid.

Várradieđáhusat sáddejuvvojit dás ovddos čuovvovaš kanálain:

• FI-Alert
• rádio
• Teaksta-TV
• Interneahttasiidduin 112.fi, yle.fi, ja pelastustoimi.fi
• 112 Suomi-áppas ja YLEbálvalusáppas
• ja maiddái dárbbu mielde televišuvnnas.

Várradieđáhus sáhttá leat suomagillii, ruoŧagillii ja maiddái sámegillii.

FI-Alert-vuogádat testejuvvo skábmamánus. Testen čađahuvvo: 17.11. ja 24.11.

Sihkkarastte, ahte iežat telefovnna geavahanvuogádat lea áiggedásis.

Bálvalus doaibmá buot 4G- ja 5G- mátketelefovnnain, mat leat mátketelefonfierpmádagas ja maid geavahanvuogádat lea ođasmahttojuvvon. Suomas maiddái olgoriikkalaččaid telefovnnaide bohtet vejolaš várradieđáhusat.

Loga eambbo: https://pelastustoimi.fi/fi-alert