Anára gieldda oassálasti bušeteren 2026 – temán miela buresveadjin: evttot 16.2.-1.3.

09.02.2026

Anára gieldda oassálasti bušeteren 2026 – temán miela buresveadjin

Oassálasti bušeteren ođasmuvvá! Oassálasti bušeterema bokte figgat doarjut gieldastrategiija ja gieldda buresveadjin- ja dorvvolašvuođaplána ollašuhttima. Dán dihtii oassálasti bušeteremii meroštallojuvvo temá, mii molsašuddá jahkásaččat.

Jagi 2026 oassálasti bušeterema temán lea miela buresveadjin. Miela buresveadjin lea okta deattuhusain gieldda buresveadjin- ja dorvvolašvuođaplánas 2026–2029, ja dál gieldalaččain bivdet ideaid dasa, mot anárlaččaid buresveadjima sáhtášii doarjut.

Miela buresveadjimii sáhttet váikkuhit earret eará: vejolašvuohta oassálastit alcces mávssolaš doaimmaide ja váikkuhit alcces guoski áššiide ja vásáhusat gullojuvvot, áddejuvvot ja dohkkehuvvot dakkárin go lea. Buorit olmmošgaskavuođat ja dorvvolaš ja njuovžilis árgabeaivi leat dehálaš áššit, mat dorjot miela buresveadjima. Dáidda, kultuvra ja kreatiivvalaš doaibma ovddidit miela buresveadjima.

Mot don dorjjošit anárlaččaid miela buresveadjima 20 000 euroin?

Evttot 16.2–1.3., mot 20 000 euro galggašii geavahuvvot doarjun dihtii miela buresveadjima!

MAN LÁHKAI EVTTOHUSAT ČOGGOJUVVOJIT?

BÁIKKI ALDE: Sáhtát guođđit iežat evttohusa Anára ja Avvila girjerádjosiin, girjebusses dahje Anára gieldda osolašvuođaguovddášis.

GIELDDA NEAHTTASIIDDUIN: Guođe iežat evttohusa skoviin, mii gávdno Anára gieldda neahttasiidduin: Evttot

TELEFOVNNAIN: Sáhtát sáddet árbevirolaš teakstasáni dahje gova, video, jietnasáddaga dahje sáttasáni WhatsApp-diehtun. Sáttasánit sáddejuvvojit nummirii 040 643 4305.