Anára gieldda oassálasti bušeteren 2026: jienas 30.3.-19.4.
30.03.2026
Anára oassálasti bušeteren lea ovdánan jienastanmuddui – jienasteapmi lea jođus 30.3.-19.4.2026
Anára jagi 2026 oassálasti bušeterema evttohusaid guođđin nogai 1.3. Anárlaččat guđđe oktiibuot 70 evttohusa das, mot bušeteremii várrejuvvon 20 000 euro galggašii geavahuvvot. Stuorra giitosat buohkaide, geat leat guođđán evttohusaid!
Buot evttohusat leat geahčaduvvon gielddas. Go seammalágan dahje sullasaš evttohusat biddjojuvvojedje oktii, de báhce 49 evttohusa. Jienasteapmái manne dakkár evttohusat, mat leat gieldda doaibmaválddi vuolde, sáhttet ollašuvvat 20 000 euroin ja mat eai leat ollašuvvame mange eará láhkai. Jienasteapmái mannet 5 evttohusa.
Buot dán jagi 12 jagi deavdán ja dan boarrásit anárlaččat besset jienastit, mii evttohus oassálasti bušeterema mearreruđain ollašuhttojuvvo. Okta olmmoš sáhttá jienastit oktii. Jienastit sáhttá gieldda neahttaskoviin, mii gávdno gieldda neahttasiidduin dahje Anára gieldda oassálastinguovddážis, Avvila ja Anára girjerádjosiin sihke girjebusses. Jienastanlisttu gávnnat jienastanbáikkiin, gieldda ruovttusiiddus ja neahttaskoviin.
print page