Rabasdikšu ja doavttirdoaibma
Vuosttašveahkki ja hohpolaš áššit
Gohcci buohccedivššár 24 h /jándoris, t. 040 770 9187
Heahtenummir 112
Anára gieldda dearvvašvuođaguovddáža ja dearvvašvuođadáluid čujuhusat
- Avvila dearvvašvuođaguovddáš, Sairaalantie 15, 99800 Avvil
- Anára dearvvašvuođadállu, Sámekulturguovddáš Sajos, Menesjärventie 2 A, 99870 Anár
- Nellima dearvvašvuođadállu, Siikajärventie 9, 99860 Nellim
- Čeavetjávrri dearvvašvuođadállu, Sevettijärventie 9076, 99800 Avvil
- Mielladearvvašvuođa- ja bearašbálvalanguovddáš, Piiskuntie 2, 99800 Avvil
Dearvvašvuođaguovddáža kássa-rávvema doaimmahatčálli 040 482 5250
Rabas vuo/má-bea diibmu 8.00 - 15.30
Áiggivárremat
telefovnna bokte 040 188 7400 (suomagillii)
Áiggivárremat doaktárii, buohccedivššárii, laboratoriai ja röntgenii, dutkamušbohtosiid jearran ja reseapttaid ođadeamit nummiris 040 188 7400, árgabeivviid diibmu 8.15 – 10.00 ja diibmu 13.00-14.00. Riŋgenbivdagiid sáhttá guođđit árgabeivviid diibmu 14.00 rádjái.
Bátnefuolahusa neahttaáiggivárren (suomagillii)
Sosiála- ja dearvvašvuođadoaimma neahttarávven (suomagillii)
Doaktára vuostáváldin
Doaktára áiggivárrenvuostáváldin
Doaktára vuostáváldimii várrejuvvo áigi áiggivárrennummiris 040 188 7400, árgabeivviid diibmu 8.15 – 10.00 dahje 13.00 – 14.00. Ođđasitfitnamis sáhttá soahpat vuosttaš fitnama oktavuođas.
Doaktáris fitnamis berrojuvvo áššehasmáksolága mielde máksu. Vuollái 18-jahkásaččain mávssuid eat beara. Šluhttekeahtes vuostáváldináiggis berrojuvvo 50,80 €, máksu berrojuvvo dušše áššehasain, geat leat deavdán 15 jagi.
Doaktára gohcinvuostáváldin
Gohcinvuostáváldin lea árgabeivviid vuo/má-bea dmu 08-16 dearvvašvuođaguovddáža vuollegearddi vuostáváldinsajiin. Eará áigge gohcin seaŋgaossodagas, gosa boađáhat jogabeale uvssas.
Gohcináššiin bivdit váldit oktavuođa áiggivárrennummirii 040 188 7400 árgabeivviid diibmu 8.15 – 10.00 dahje diibmu 13.00 – 14.00 dahje gohcci buohccedivššárii. Virgeáiggi olggobealde bivdit váldit oktavuođa gohcci buohccedivššárii, tel 040 770 9187.
Gohcinmáksu berrojuvvo árgabeivviid dmu 20-08 ja lá-so ja bassebeivviid. Vuollái 18-jahkásaččain mávssuid eat beara.
Vuostáváldimii berre váldit mielde buohccivuođadáhkáduskoartta, buot reseapttaid ja eará vejolaš áššái laktáseaddji báhpáriid, omd. varradeaddokoartta. Juos givssit ja dávdamearkkat leat máŋga, ovddalgihtii čállojuvvon muitobábir sáhttá leat veahkkin. Vuostáváldináiggi šluhtten oanida eará áššehasaid vuordináiggi.
Buohccedivššáriid vuostáváldimat
Buohccedivššáriid vuostáváldimii gullet divššu dárbbu ja hohpolašvuođa árvvoštallan ja divššu ollašuhttin. Lappi guovddášbuohcceviesu čuohpadussii manni áššehasat fitnet čuohpadusgelbbolašvuođa árvvoštallamis buohccedivššára vuostáváldimis. Buohccedivššárat ollašuhttet Lappi guovddášbuohcceviesu mearridan sytostáhtadivššuid.
Áiggivárren buohccedivššárii: 040 188 7400
Vástideaddji buohccedivššár árgabeivviid dmu 8.15- 15.00, tel. 040 517 8725
Hohpolaš áiggivárren
Juos dárbbašat divššu seamma jándoris, váldde oktavuođa gohcci buohccedivššárii, gii bargá árvvoštallama divššu dárbbus ja stivre dikšui. Gohcci buohccedivššár dutká ja dikšu ovttasbarggus gohcci doaktáriin
Gohcci buohccedivššár 24/7, tel. 040 770 9187
Dearvvašvuođadivššáriid vuostáváldin
Dikšodárbašiid juohkin ja luoikan
Áššehasaid divššu ja buozalmasvuođaid čuovvumis dárbbašlaš dikšodárbašiid ja rusttegiid luoikan vuođđuduvvá álo oktagaslaš dárbui, man meroštallá dikšu doavttir. Jearaldagas galgá leat guhkesáigásaš, badjel 3 mánotbaji divššu dárbu. Dikšui dárbbašlaš rusttegiid sáhttá luoikat dearvvašvuođadivššáris árgabeivviid dii. 8-9. Juohkimii laktása dikšodárbašiid dárbbašlašvuođa ja áššálašvuođa árvvoštallan, rávven, oahpisteapmi ja čuovvun. Dárbbašmeahttun dikšodárbašiid ja -rusttegiid galgá máhcahit dalán, go dikšodárbu ii šat leat.
Diabetes- ja váibmodivššár
Diabetesdivššára bargun lea diabetihkáriid oktagaslaš divššustivren ja čuovvun, mearreáigedárkkisteamit ja divššu ollašuhttima árvvoštallan. Ulbmilin lea diabetihkáriid iešdikšundáidduid nannen, juohkebeaivválaš buresveadjin ja diabetesa dagahan lassebuozalmasvuođaid eastadeapmi.
Váibmodivššára vuostáváldin lea dárkkuhuvvon váibmo- ja váibmosuotnadávdii buohccán olbmuide.
Áiggivárren ja lassedieđut dearvvašvuođadivššára nummiris 040 520 9245 árgabeivviid dmu 8 – 9.
Boahkoheamit
Boahkuhanáššiin oktavuođaváldimat vástideaddji dearvvašvuođadivššárii árgabeivviid dmu 8 -9, telefonnummir 040 849 6392. Boahkohanduođaštusaid gánneha seailluhit ja váldit mielde, go váldá ođđa boahkohemiid.
Rávvehatbálvalusat
Buot rávvehatbálvalusat leat fidnemis maiddái sámegillii, bálvalusas soahpat sierra áiggi várredettiin. Prevenšuvdna- ja bearašplánenrávvehat
Prevenšuvdna- ja bearašplánenrávvehagas oažžu:
- áhpehisvuođa prevenšuvdnarávvema ja oktagaslaš prevenšuvnna plánema
- vejolašvuođa ságastallat oppalaččat bearašplánemis
- sohkabealledávddaide laktáseaddji rávvema ja dikšui stivrema
- mánáhisvuhtii laktáseaddji álgodutkamušat ja stivren
- áhpehisvuođa gaskkalduhttimii laktáseaddji dutkamušat ja joatkkadikšui stivren
- Etniidrávvehat
Dearvvašvuođadivššára áiggivárren árgabeivviid dmu 8.00 – 9.00, tel. 040 849 6389
Etniidrávvehaga ulbmilin lea dorvvastit áhpehisnissona ja ogi dearvvašvuohta ja buresveadjin. Dan lassin ulbmilin lea ovddidit boahttevaš vánhemiid ja olles bearraša dearvvašvuođa ja buresveadjima ja boahttevaš máná bajásšaddanbirrasa dearvvašvuođa ja dorvvolašvuođa.
Heahtedilis galgá váldit oktavuođa gohcci buohccedivššárii, tel . 040 770 9187 dahje heahtenummirii 112
Ávkkálaš liŋkkat:
Munnuide šaddá njuoratmánná: Rávagirji njuoratmáná vuordimii ja dikšumii
Mánáidrávvehat
Dearvvašvuođadivššára áiggivárren árgabeivviid dmu 8.00 – 9.00
Avvil 040 841 7743
Mátta-Anár 040 844 5628
Čeavetjávrri dearvvašvuođadállu, rávven ga-duo 040 846 3078
Mánáidrávvehaga bargun lea ovddidit vuollái skuvlaahkásaš mánáid ja sin bearrašiid dearvvašvuođa ja buresveadjima ja daid lassin unnidit bearrašiid gaskasaš dearvvašvuođa earuid. Mánáidrávvehagas čuovvut ja ovddidit máná fysalaš, psyhkalaš ja sosiála bajásšaddama ja ahtanuššama ja doarjut vánhemiid dorvvolaš, mánnáguovdil bajásgeassimis ja máná buorre fuolaheamis ja párragaskavuođa dikšumis.
Rávvehagas geahččalit áicat mánnábearrašiid sierra doarjaga dárbbuid nu árrat go vejolaš ja ordnet heivvolaš doarjaga ja veahki. Mánná oažžu rávvehagas boahkohanprográmmii gulli boahkohemiid.
Dearvvašvuođadivššár čállá dárbbu mielde duođaštusa máná buohccivuođas. Duođaštusaid eat čále máhccevaččat.
Rávvehaga bearašbagadalli
Rávvehaga bearašbagadallan lea árra ja oanehisáigge, vuollegis šielmmá ságastallan- ja bagadallanveahkki máná vuordi ja rávvehatahkásaš mánáid bearrašiidda. Bearašbagadallama ulbmilin lea veahkehit, bagadallat ja doarjut mánnábearrašiid árgga njuovžamis, vánhenvuođas, máná fuolaheamis ja iešguđetlágan morrašiin.
Bearašbagadalliin vánhemat sáhttet ságastallat áššiin, mat dagahit fuola, ja smiehttat ovttas čovdosiid. Deaivvadeamit leat dábálaččat bearraša ruovttus. Ovttasbarggu bargat bearraša dili ja dárbbuid mielde ovdamearkan rávvehaga dearvvašvuođadivššáriiguin, árrabajásgeassinveagain dahje sosiálabargiiguin.
Bearašbagadalli fitná ruovttuin, gos vurdet vuosttaš máná ja buot bearrašiin, geain lea sullii 2,5 mánotbaji boaris njuoratmánná. Bearašbagadalli ja mánáidrávvehaga dearvvašvuođadivššárat ordnejit joavkorávvehaga 6-mánnosaš njuoratmánáid bearrašiidda.
Oktavuođaváldimat árgabeivviin dmu 8.00-15.00 tel. 040 669 7306. Sáhtát váldit oktavuođa maiddái teakstadieđuin.
Lassedieđut (liŋkkat suomagillii)
Perheaikaa - uusi verkkopalvelu vauva- ja pikkulapsiperheille
Lapin ensi- ja turvakoti
Sairas Lapsi - sivusto
MLL - Mannerheimin lastensuojeluliitto
Lasten ja nuorten rokotusohjelma (THL)
Seniorarávvehat
Seniorarávvehat juohke mánotbaji 1. ja 3. vuossárgga/mánnodaga áiggivárrema haga Avvila rávvehagas dmu 9.00-11.00.
Seniorarávvehagas kártet oppalaččat ovttas áššehasain eallilanolbmuid doaibmannávccaid ja árggas birgema.
Ulbmilin lea, ahte eallilanolmmoš sáhttá ássat iežas ruovttus nu guhkká go vejolaš iehčanassii dahje rabasbálvalusaid vehkiin. Guovddášsajis lea bagadallan ja rávven, maid vehkiin eallilanolbmot movttáskit ovddidit ja bisuhit iežaset dearvvašvuođa. Vuostáváldimis sáhttit bargat doaibmanákcateasttaid. Fitnama loahpas bargi ja áššehas kártet ovttas fápmonávccaid ja dárbbuid.
Muitorávvehat
Dearvvašvuođadivššára áiggivárren árgabeivviin dmu 8.00-9.00, tel. 040 512 4602
Muitorávvehaga ulbmilin lea áicat ja gávnnahit muitobuozalmasaid juo álgomuttus sihke lágidit áššehasa divššu ja doarjaga biirii, nannet áššehasa doaibmanávcca ja iehčanas ceavzima, addit áššehassii ja su lagaš olbmuide dieđu muitobuozalmasain ja daid divššus sierra muttuin. Muitorávvehat addá maiddái dieđu iešguđetlágan doarjjahámiin ja vuogáiduvvanhárjehusa ja ovddida muitobuozalmasaid dikšungeavadagaid ovttas eará doibmiiguin.
Fysioterapiija
Áiggivárren ja veahkkerusttegat vuo/má-bea dmu 11.30-12.30, tel. 040 509 8661
Doaibmajurddan lea vuođđolihkadeami ja doaibmanávccaid doalaheapmi ja ovddideapmi. Vuođđodearvvašvuođafuolahusas fysioterapevttalaš dikšui dárbbašuvvo dearvvašvuođaguovddášdoaktára ávžžuhus. Áššehas galgá ieš váldit oktavuođa fysioterapiijai áiggivárrema dihte.
Anára gieldda veahkkerusttetbálvalusat
Veahkkerusttegiid luoikan- ja máhcahanáigi lea Avvila dearvvašvuođaguovddáža fysioterapiijaossodagas árgabeivviin dmu 11.30-12.30.
Dieđáhus Anára gieldda veahkkerusttetbálvalusain:
Anára gieldda fysioterapiija veahkkeneavvobálvalusat
Aanaar kieldâ fysioterapia išeniävvupalvâlusah
Aanar kååʹdd fysioterapia veäʹǩǩneävvkääzzkõõzz
Laboratoria
Rabas vuo/má-duo dmu 7.30-14.30 ja bea 7.30-13.30
Dearvvašvuođaguovddáža laboratoria doaibmá áiggivárrenprinsihpain. Čájánasváldináigin várrejuvvo ieš vulobealde “Terveyskeskuksen sähköinen ajanvaraus” -buohta dahje áiggivárrennummiris 040 188 7400 dmu 13.00-14.00.
Áiggi várren áššehasat bovdejuovvojit čájánasváldimii namain. Dálus sáhttá várret áiggi áiggivárremis. Áiggivárrema haga váldojuvvojit dušše gohcima laboratoriaiskosat. Laboratoriai boađedettiin áššehasas galgá leat fámus leahkki čujuheapmi juogo elektrovnnalaš dahje bábirhámis.
Röntgen
Dearvvašvuođaguovddáža röntgen lea rabas vuo/má-duo dmu 8-15 ja bea dmu 8-13.
Röntgendutkamuššii várrejuvvo áigi áiggivárrennummiris 040 188 7400 árgabeivviin dmu 8.15-10 ja dmu 13-14 dahje iešoaivvis vulobealde “Terveyskeskuksen ajanvaraus” -buohta. Áiggivárrema haga dikšojuvvo dušše gohcima röntgendutkamušat.
Röntgendutkamuššii galgá leat doaktára dahje bátnedoaktára čujuheapmi.
Dutkamušat leat dábálaččat nuvttá.
Röntgendivššára oktavuođadieđut: tel. 0400 193 160.
Mielladearvvašvuođabálvalusat
Mielladearvvašvuođabálvalusat bálvalit gielddalaččaid iešguđetlágan šaddamii ja ovdáneapmái, olbmuid gaskasaš gaskavuođaide ja psyhkalaš buresveadjimii laktáseaddji áššiin, dego mánáid ja nuoraid láhttemii laktáseaddji váttisvuođain, párragaskavuođa kriisain, iežas eallima válljejumiide laktáseaddji gažaldagain, oktonasvuođa ja áŧestusa dovdamušain, psyhkalaš buozalmasvuođain ja gárrenávnnasváttisvuođain.
Mielladearvvašvuođabálvalusat ovttasbarget iešguđet virgeoapmahašdoibmiiguin, beaivedivššuin, skuvladoaimmain, sosiáladoaimmain ja dearvvašvuođadoaimmain. Psykiáhtera vuostáváldin lea sullii oktii mánotbajis. Mielladearvvašvuođabálvalusat leat nuvttá.
Oktavuođadieđut:
Fitnančujuhus: Piiskuntie 2, 99800 Avvil
Áiggivárrennummir: 040 653 0688, riŋgenáigi árgabeivviin diibmu 12 – 13
Hállanterapiija
Anára gielddas hállanterapiija lea eanáš dearvvašvuođaguovddážis Avvilis, muhto maiddái Anáris lea vuostáváldinbeaivi sullii golbma háve mánotbajis. Hállanterapiija lea nuvttá, terapevtta vuostáváldimii sáhttá ohcalit ieš. Hállanterapevtii sáhttá riŋget bargoáigge diibmu 8-16. Juos it hálit guođđit telefonvástideaddjái dieđu, de maiddái teakstadieđu sáhttá sáddet. Oktavuođabivdaga sáhttá sáddet maiddái rávdnjepostii, muhto rávdnjepostii ii galgga čállit dárkilis persovdnadieđuid. Hállenterapiija sáhttá jearrat suomagiela lassin maiddái davvisámegillii.
Hállanterapevtta telefonnummir lea 040 5180917 ja rávdnjepoastačujuhus: seija.haapala@inari.fi
Ruovttudikšu
Ruovttudikšunveahkki veahkeha beaivválaš doaimmain, vuosttaš sajis fysalaš vuođđodárbbuin ja dorvvolašvuođas.
Ruovttudikšunveahki ja doarjjabálvalusaid vehkiin doarjut áššehasa birgema iežas ruovttus nu guhkká go vejolaš.
Bálvalus plánejuvvo persovnnalaččat ja dat lea persovnnalaš dárbbuid mielde ollašuhtton dikšu, fuolahus ja veahkki. Áššehassii dahkat dikšu- ja bálvalanplána ovttasbarggus guovllu dearvvašvuođadivššáriin, ruovttudivššáriin ja oapmahašain. Plánas gudnejahttojuvvo áššehasa iešmearridanriekti. Plána heivehit áššehasa dárbbuid ja dili mielde.
Ruovttudivššu oktavuođadieđut
Bálvalanstivrejeaddji 040 779 2861
Ruovttudivššu buohccidivššár 040 482 8359
Ruovttudivššu buohccidivššár 040 672 7484
Ruovttubálvalusbiila, vuo/má – bea dmu 8 - 15, 0400 329 413
Rehketáššit: dearvvašvuođaguovddáža doaimmahatčálli 040 162 7891
Ruovttudivššu fysioterapevta 040 354 0088
Mánnábearašbargi 040 684 4948
Mátta-Anára ruovttudikšu dmu 7.00 - 21.00
0400 157 871 0400 694 031
040 744 5034 040 744 1326
Nellima gilibargi 0400 166 743 ja 040 648 6596
Davvi-Anára ruovttudikšu 040 770 5176
Davvi-Anára gilibargi 040 138 5960
Dearvvašvuođadivššár árgabeivviid dmu 8-9, 040 846 3078
Čeavetjávrri – Bárttet ruovttudikšu 040 764 0863
Čeavetjávrri gilibargi 040 172 8431
Bálvalanguovddáš Koivikko
Buohccidivššár 040 648 7354
Koivikko divššárat 040 744 1846
print page