Nuoraiddoaimma

Gielddas doibmet guokte nuoraidbáikki: Stönö Avvilis já Vintti Anaris. Dáhpáhusat- ja áigeguovdilis bálsttáin gávnnat dieđuid nuoraiddáhpáhusain, mat lágiduvvojit gielddas.Lasi dieđuid anárlaš nuoraiddoaimmas ja áiggeádjevejolašvuođain gávnnat searvedoaimma ja nuoraid doaibmanjoavkkuid bálsttáin ja Anára gieldda nuoraiddoaimmas. 

NUORAIDDOAIMMA 

Nuoraidstivra Anár

Mii Imaš NuVa?

NuVa lea dego gaskaoapmi nuoraid ideaid ja jiena gullot oažžumis. Nuorasge lea vuoigatvuohta dadjat oaivila áššái ja das nuoraidstivrra ovddasteaddjit doibmet dábálaš anárlaš nuora ovdduid gohccin. NuVa bokte lea álki oažžut iežas ášši/idea gullosii.

Sáhttá vuosttasin boahtit jurdda, ahte NuVa ii váldošii duođas bajit dásis, muhto duohtaáššis dat guldaluvvo. Nuorat leat goittotge dehalaš ahkeluohkká Anára boahttevuođa dáfus. Nuorat gal vuhtii váldojuvvojit.

Vuoi nuoraide fitnašuvašii miinu earáge go dušše jiena gullot oažžun, lea NuVas sierra mearreruhta, man birra dasto mearriduvvo gosa ruđat geavahuvvojit.

Nuoraidstivrii gullet logi lahtu plus juohkehačča várrelahtut, dát dasto ovttas plánejit ja lágidit nuoraide dáhpáhusaid ja darvánit gieldda áššiide , mat laktásit dovdomassii nuoraid áššiide ja buorredillái. NuVas lea ovddasteaddji čuvgehusbarggu lávdegottis (mieldeorrun- ja hállanvuoigatvuohta).

NuVas lea ovddastusbáiki ja jienastanvuoigatvuohta maiddái Selvä Peli bargojoavkkus ja Mánáidsuodjalusa ovddidanbargojoavkkus ja Nuorisotakuubargojoavkkus. Čoahkkimat dollojit oktii mánotbajis skuvlajage áigge. Lassin dollojuvvo olles Lappi nuoraidstivrraid oktasaš čoahkkin. Ná figgojuvvo ovttasbargui buot NuVaiguin ja ožžojuvvo dehalaš oahppa eará NuVain.

NuVa doaibmá ovttas gieldda nuoraidbarggu oassin.


INARIN VIESTINTÄPAJA
Nuoraid bargobádji

Bargoeallimii ja studeremii válbmejeaddji nuoraid bargobádji, mii deattuha mediadoaimma, jo jagi 1989 rájes.
Ulbmilin olles doaimma áigge leamašan nuoraid bargomárkan- ja skuvlemii ohcanválmmašvuođaid buorideapmi.
Bádjebarggus lea stuorra mearkkašupmi olgguštuvvama eastadeamis Anára gielddas. Bádji lea fállan vejolašvuođa nuoraide, geaid joatkkasajuštuvvan lea sivas dahje nuppis báhcán rabasin, juogo čađahuvvon dahje gaskkalduvvan vuođđoskuvlla, logahaga dahje ámmátlaš skuvlema maŋŋá, guorahallat iežas joatkkadoaimmaid.
Ožžojuvvon vásáhusat ja maiddái diđolaš oahppa bálvalit nuoraid joatkkaeallima fuolakeahttá das, makkár skuvlejupmái dahje, manlágan bargui sii bargobádjeáigodaga maŋŋá ohcalit. Váldoulbmilin ii nappo leamašan dat, ahte mediabádji buktá diehtojuohkinsuorggi oahppiid dahje ámmátolbmuid, vaikke soapmásiid buohta suorgái ohcaleapmi lea bádjeáigodaga maŋŋá dáhpáhuvvange. Nuoraid bargobáji status lea mearkkašan dan, ahte measta buot mediabádjái bargui boahttit leamašan vuosttas bargogaskavuođa álggedettiin 17 - 25 - jahkásaččat.

Oktavuohtadieđut: Nuoraidčálli Seppo Körkkö t. 0400 313 532

RADIO INARI
Suoma davimus báikkálašrádio!

Radio Inari lei álgoálggos Anára kristtalaš rávesolbmuidskuvlla hálddašan doaibmalobi vuolde doaibmi oahpahusrádio. Dál fállojuvvon prográmma doarjala dasa, mii ovdalge lea dahkkon, muhto sáddenáigi lea boahtán lasi. Radio Inari teknihkka addá vejolašvuođa bargat dakkár prográmma, mii gierdá veardádallama. Radio Inari sádde jođihuvvon ja áigeguovdilis prográmmaid, ja lassin máŋggabealat musihka jotkkolaččat árgan. Vahkuloahpain čuodjá geažosáigge máilmmi buoremus rádiojukebox !
Radio Inari ruoktosiiddut, prográmmakárta ja oktavuohtadieđut gávdnojit siiddus: www.lanuti.fi/inari

 

Print icon print page
share page: