Ovttasbargu ja oahpásmuvvan


Ovttasbargu máná vánhemiid ja máná dikšu bargiid gaskkas lea buot dikšun- ja bajásgeassinbarggu vuođđun. Luhtolaš ja rabas gaskavuohta bargiid ja vánhemiid gaskkas álkidahttá dieđu johtima ja ovttasbarggu dovdomassii. Buori ovttasbarggu áigáioažžun lea goittotge ášši, mii gáibida barggu goappáge oassebealis. Mii sávvat, ahte oažžut oaiviliid barggumet birra ja geahččalit ovddidit dasto doaimmaideamet nu ahte oaivilat vuhtii váldojit.

Go mánná álggaha beaivedivššu, lea buorre várret máná oahpásmuvvamii doarvái olu áiggi. Divššu álggedettiin lea buorre, ahte vánhemat leat máná fárus ođđa dikšunbáikkis vuosttas dikšunbeivviin, mas sohppojuvvo vánhemiid ja dikšunbáikki gaskkas ovddalgihtii.

Beaivedivššu ovttasbargobealit ja spesiálabeaivedikšu
Beaivedivššus bargojuvvo ovttasbargu jotkkolaččat ee. johtti sierramánáidgárdeoahpaheaddji, hállanterapevtta, fysioterapevtta, dearvvasvuođadivššáriid, psykologa ja sosiálabargiid gaskkas. Anára gielddas doaibmá spesiálabeaivedivššu bargojoavku, man bargun lea mánáid veajuiduhttimii gullevaš ovttasbarggu lassin plánet ja ovddidit spesiálabeaivedivššu bálvalusaid.
Juos mánná dárbbaša erenomáš dikšuma dahje doarjaga ja veajuiduhttima, čielggaduvvojit vuogas dikšunvuohki ja beaivedikšoordnedallamat ovttasbarggus vánhemiiguin ja johtti sierramánáidgárdeoahpaheaddjiin. Johtti sierramánáidgárdeoahpaheaddjái sáhttá leat muđuige oktavuođas, juos lea jearramuš dahje fuolastuvvan máná ovdáneamis.

Oktavuohtadieđut: Johtti sierramánáidgárdeoahpaheaddji (KELTO)
Hannele Kärki tel. 040-5199785

Čiegusindoallangeatnegasvuohta
Beaivedivššu bargiin ja beaivedivššuin ovttasbarggu bargiin lea lága mielde čiegusindoallangeatnegasvuohta máná ja bearraša guoskevaš áššiin (láhka sosiálafuolahusa áššehasa sajádagas ja vuoigatvuođain ja 29 §).
Print icon print page
share page: