Sosiaalpalvâlusah

Sosiaaltoimâttâh lii Avelist (Piiskuntie 2) kieldâtáálu vyelikeerdist, siisâpuáttim váldu-uuvsâ peht. Ko puáđáh siisâ, jorgeet čižetpeln, uuvsâ paajaabeln lohá ‘Sosiaaltoimâ’.

Sosiaalpargo

Sosiaalkocceem vu-vá tme 8.00-16.00
p. 040 351 4150

Sosiaalkocceem virgeääigi ulguubeln
p. 040 726 6965

Puhelinäigi
Sosiaaltooimâ toimâttâhčällee puh. 040 534 3924, vu-vá tme 9-15, Telefax sosiaalpargo 016 687 436

Sosiaalpargeeh

vu – vá tme 9-10, eres aaigij pargeeh iä lah fattimist

Sosiaalpargo jođetteijee Mirka Linna 040 582 6902, mirka.linna@inari.fi
Sosiaalpargee 040 708 5802
Vajoidittee pargotoimâm 040 835 8025
Párnáisuojâlem perâpargee 040 186 4349
Párnáisuojâlem perâpargee 040 186 4342
Párnáikoccee 040 844 5478
Perâpargee 040 701 1218
Sosiaalstivrejeijee 0400 357 827
Sosiaalstivrejeijee, uáiváditteepargo 040 355 9904
Pargovälmejeijee 040 533 9821
Vádulijpalvâlem sosiaalpargee 040 703 1191

Sosiaalkocceem

Sosiaalkocceem västid huápulii sosiaallii iše tiilijd virgeääigi siste tme 8-16 puh. 040 351 4150 já virgeääigi ulguubeln 040 726 6965.

Sosiaalkocceem huápuliih pargoh láá ei.

  • fakkist šoddâm vyerdimettum kriisâtileh
  • páárnáš páácá ášálii tipšottáá tâi lii uáivádum ulmuu seervist tâi tipšoost
  • vyeliahasâš rikkoos tahhen tâi uáivádum
  • puárásij/vádulij pääihist piergim
  • eres sosiaallii eđe tileh, main tarbâšuvvoo njuolgist sosiaalpargo

Huáputtes tiilijn puávtáh ášástâllâđ argâpeeivij puhelinaaigij sosiaalpargeiguin.

Etinumerân 112 suáittoo talle, ko teivâdah etitile, mast tarbâšah huápust om. poolis, ambulans tâi puálukode mield.

Perâriävtáliih palvâlusah

Perâriävtáliih pargoh láá párnáikocceepalvâlusah, adoptiopalvâlusah já tuámustoovlin adelum palvâlusah.

Párnáikocceepalvâlusah láá ečivuođâ čielgâdem já ennivuođâ čielgâdem sehe párnáá huolâttâsân, asâmân, teivâdmân já eeleetmân lahtojeijee sopâmušráđádâlmeh.

Párnáikoccee lunne ášástâlloo ain äigiväärridmáin já vuolgâsaajeest vanhimeh kolgâv ášástâllâđ párnáikoccee lunne oovtâst. Palvâlusah láá mávsuttemeh.

Párnáisuojâlem

Párnáisuojâlem lii páárnáš- já perâkuáhtásâš párnáisuojâlem, mii olášuttoo talle ko páárnáš já peerâ láá párnáisuojâlem äššigâssân. Párnáisuojâlem äššigâsân puáttoo táválávt párnáisuojâlemalmottâs já ton čuávvoo palvâlemtáárbu árvuštâllâm peht. Palvâlemtáárbu árvuštâllâm ääigi sosiaalpargee árvuštâl, tiävdá-uv párnáá tile párnáisuojâlem äššigâsvuođâ kriterijd.

Párnáisuojâlem ávushuolâttâsâst sosiaalpargee kärttee oovtâst párnáin, suu perruin já tarbâšlijn viärmáduvváin muulsâiävtuid tile pyereedmân. Sosiaalpargee uárnee toorjâtooimâid já palvâlusâid, sehe čuávu já árvuštâl tai olášume já vaigutteijeevuođâ.

Ávushuolâttâs toorjâtooimah láá ovdâmerkkân sosiaalpargo, pehtilistum perâpargo, sosiaalstivrim, perâvajoidittem, ávushuolâttâs soijim, toorjâperâtoimâm sehe kuorâttâllâmmiäldásâš ekonomâlâš toorjâ.

Vádulâšpalvâlusah

Vádulâšsosiaalpargo palvâlusâin tuárjuh já išedeh vádulijd ulmuid nuuvt jiečânâs elimân ko máhđulâš. Vádulijn ulmuin uáivilduvvoo olmooš, kiäst láá kuhesáigásávt eromâš vädisvuođah selgâniđ táválijn eellimtooimâin.

Vádulijpalvâlemlaavâ miäldásijd palvâlusâid já toorjâtooimâid lii máhđulâš uuccâđ, jis vádulii ulmust lii váádu tâi puácuvuođâ keežild kuhesáigásávt (táválávt ucemustáá oovtâ ive) eromâš vädisvuođah selgâniđ táválijn eellim tooimâin. 

Vádulijpalvâlus peht puáhtá uuccâđ aassâmviäsu nubástuspargoid, persovnlii iše já fievridempalvâlusâid.

Rävisulmui sosiaalpargo

Rävisulmui sosiaalpargo iššeed paijeel 18-ihásijd jieškote-uvlágán eellimtiilijn. Rävisulmui sosiaalpargo lii vuávájum sosiaalpargo, mon ulmen lii tuárjuđ eellim haldâšem, uásálâšvuođâ já sosiaallijd toimâmnaavcâid.

Vuossâmuu teivâdmáin algâttuvvoo palvâlemtáárbu árvuštâllâm, mast kärttejuvvoo äššigâs ubâlâš tile. Árvuštâllâm vuáđuld äššigâsân ráhtoo vuávám tarbâšum palvâlusâin tarbâšlij ohtsâšpargokuoimijguin.

rävisulmui sosiaalpargo palvâlusah láá rävisulmui sosiaalpargo já stivrim, tievâsmittee já muuneeld estâdeijee áigápuátutoorjâ, uáivádâshuolâttâs, mielâtiervâsvuotâ- já uáivádâsvajoiduvvei aassâmpalvâlusah, sosiaallâš vajoidittem, vajoidittee pargotoimâm já pargo uážžum ovdedeijee maaŋgâsuorgâg ohtâsâšpalvâlus.

Print icon print page
share page: