Ávustipšo já tuáhtártoimâm

Vuosâiše já huápuliih ääših

Koccee pyecceitipšoo 24t/j, p. 040 770 9187

Etinummeer 112


Aanaar kieldâ tiervâsvuotâkuávdáá já tiervâsvuotâtáálui čujottâsah

Avveel tiervâsvuotâkuávdáš, Sairaalantie 15, 99800 Avveel
Aanaar tiervâsvuotâtáálu, Sämikulttuurkuávdáš Sajos, Menesjärventie 2 A, 99870 Aanaar
Njellim tiervâsvuotâtáálu, Siikajärventie 9, 99860 Njellim
Čevetjäävri tiervâsvuotâtáálu, Sevettijärventie 9076, 99800 Avveel
Mielâtiervâsvuotâ- já perâpalvâlemkuávdáš, Piiskuntie 2, 99800 Avveel

Tiervâsvuotâkuávdáá kassaravvim toimâttâhčällee 040 482 5250
Áávus vu-vá tme 8.00 - 15.30

Äigiväärridmeh
puhelimáin 040 188 7400 (suomâkielân)

Äigiväärridmeh tuáhtárân pyecceitipšoi, laboratorion já röntgenân, tutkâmušpuátusij koijâdâlmeh já reseptij uđâsmitmeh numerist 040 188 7400, argâpeeivij tme 8.15 - 10.00 já tme 13.00-14.00 Suáittupivduid puáhtá kyeđđiđ argâpeeivij tme 14.00 räi.

Pänitipšom nettiäigiväridem (suomâkielân)

Sosiaal- já tiervâsvuotâtooimâ viermiravvim (suomâkielân)


Tuáhtár vuástáväldimeh

Tuáhtár äigiväridemvuástáväldim

Tuáhtár vuástáväldimân väriduvvoo äigi äigiväridemnumerist 040 188 7400, argâpeeivij tme 8.15 - 10.00 tâi 13.00 - 14.00 koskâsii ääigi. Uđđâ kollimijn puáhtá sooppâđ vuossâmuu kollim ooleest.

Tuáhtár lunne kollimist piärroo äššigâsmáksulaavâ miäldásâš máksu. Máávsuh iä perruu vuálá 18-ihásijn. Maassâd kesihánnáá vuástáväldimääigist piärroo 50,80 €, máksu piärroo tuše 15 ihheed tiävdám ulmuin.


Tuáhtár kocceemvuástáväldim

Kocceemvuástáväldim lii argâpeeivij vu-vá tme 08-16 tiervâsvuotâkuávdáá vyelikeerdi vuástáväldimviistijn. Eres aaigij kocceem seŋgâuásáduvâst, kuus jotteem juuvâ piälásii uuvsâst.

Kocceemaašijn pivdoo väldiđ ohtâvuođâ äigiväridemnumerân 040 188 7400 argâpeeivij tme 8.15 - 10.00 tâi tme 13.00 - 14.00 koskâsii ääigi tâi koccee pyecceitipšoi. Virgeääigi ulguubeln pivdoo väldiđ ohtâvuođâ koccee pyecceitipšoi, puh. 040 770 9187.

Kocceemmáksu piärroo argâpeeivij tme 20-08 sehe lá-pa já pasepeeivij. Máávsuh iä perruu vuálá 18-ihásijn.

Vuástáväldimân puáđidijn kannat väldiđ fáárun puácuvuotâtáhádâskoortâ, puoh reseptijd sehe máhđulijd eres áášán lahtojeijee pápárijd, om. vorrâtedâkoortâ. Jis vääivih já tavdâmeerhah láá maaŋgâ, muuneeld čallum muštolappu sáttá leđe ävkkin. Vuástáväldimääigi maassâdkeessim iästu kevâdijn uánid eres pyeccei vyerdimaaigijd.


Pyecceitipšoi vuástáväldimeh

Pyecceitipšoo vuástáväldimân kulá tipšom táárbu já huápulâšvuođâ árvuštâllâm sehe tipšom olášuttem. Laapi kuávdášpyecceiviäsun čuopâdâsân mannee pyecceeh eelih čuopâdâstohálâšvuođâ árvuštâlmist pyecceitipšoo vuástáväldimist. Pyecceitipšooh olášuteh Laapi kuávdášpyecceiviäsu meridem sytostattipšoid.

Äigiväridem pyecceitipšoi: 040 188 7400

Västideijee pyecceitipšoo argâpeeivij tme 8.15- 15.00, puh. 040 517 8725


Huápulâš äigiväridem

Jis tun tarbâšah tipšom siämmáá jándur ääigi, väldi ohtâvuođâ koccee pyecceitipšoin, kii taha árvuštâllâm tipšo táárbust já läiđee tiipšon. Koccee pyecceitipšoo tuáimá ohtsâšpargoost koccee tuáhtáráin tutkâmist já tipšomist.

Koccee pyecceitipšoo 24/7, puh. 040 770 9187


Tiervâsvuotâtipšoo vuástáväldim

Tipšomtarbâšij jyehim já luoihâttem

Pyeccei tipšom já puácuvuođâ čuávumist tarbâšum tipšomtarbâšij já piergâsij jyehim vuáđuduvá ain ohtâgâslii táárbun, mon tipšoo tuáhtár miäruštâl. Koččâmušâst kalga leđe kuhesáigásâš, paijeel 3 mp pištee tipšom tárbu. Tipšomân tarbâšum piergâsijd puáhtá tiiláđ tiervâsvuođâtipšost argâpeeivij tme 8 - 9. Jyehimân lahtoo tipšomtarbâšij tarbâšlâšvuođâ já ääšimiäldásâšvuođâ árvuštâllâm, uápistem, ravvim já čuávvum. Taarbâšmettumis tipšomtarbâšijd já -piergâsijd kalga macâttiđ taađeest ko tipšomtárbu nohá.

Diabetes- já váimutipšoo

Diabetestipšoo pargon lii diabetijkkárij ohtâgâslâš tipšomlaiđiistem já čuávvum, meriäigitäärhistmeh sehe tipšom olášume árvuštâllâm. Mittomeerrin lii diabetijkkár jieštipšomtááiđui nanodem, jyehipiäiválâš pyereestvaijeem já diabetes tovâttem lijgepuácuvuođâi estâdem.

Váimutipšoo vuástáväldim lii uáivildum váimu- já váimussuonâtaavdân puáccám ulmuid.

Äigiväridem já lasetiäđuh tiervâsvuotâtipšoo numerist 040 520 9245 argâpeeivij tijme 8 - 9 koskâsii ääigi.

Puákuttâsah

Puákuttemaašijn ohtâvuotâväldimeh puákuttâsâin västideijee tiervâsvuotâtipšoin argâpeeivij tme 8 - 9, puhelinnummeer 040 849 6392.

Puákuttâstuođâštusâid kannat siäiludiđ já väldiđ fáárun uđđâ puákuttâsâid usâdijn.

Ravviittâhpalvâlusah

Puoh ravviittâhpalvâlusah láá uážžumist meiddei sämikieláid, palvâlusâst suáppoo sierâ ääigi väärriddijn.

Estâdem- já perâvuávámravviittâh

Estâdem- já perâvuávámravviittuvâst uážžu:

  • äpittesvuođâ estâdemravvim já ohtâgâslii estâdem vuávám
  • máhđulâšvuođâ savâstâllâđ olesváldálávt perâvuávámist
  • suhâpelitavdáid lahtojeijee ravvim já tiipšon laiđiistem
  • pärnittesvuotân lahtojeijee algâtutkâmušâid já laiđiistem
  • äpittesvuođâ koskâlditmân lahtojeijee tutkâmušah já jotkâtiipšon laiđim

Enijravviittâh

Tiervâsvuotâtipšoo äigiväridem argâpeeivij tme 8.00 - 9.00, puh. 040 849 6389

Enijravviittâhtoimâm mittomeerrin lii turviđ äpittes nissoon já ove tiervâsvuođâ já pyereestvaijeem. Lasseen ulmen lii ovdediđ puáttee vanhimij já oles perruu tiervâsvuođâ já pyereestvaijeem sehe puáttee párnáá otânâššâmpirrâs tiervâslâšvuođâ já torvolâšvuođâ.

Etitiileest kalga väldiđ ohtâvuođâ koccee pyecceitipšoin, puh. 040 770 9187, tâi etinumerân 112

Ávháliih liiŋkah:
Meille tulee vauva: Opas vauvan odotukseen ja hoitoon 

Párnáiravviittâh

Tiervâsvuotâtipšoo äigiväridem argâpeeivij tme 8.00 - 9.00

Avveel 040 841 7743
Maadâ-Aanaar 040 844 5628
Čevetjäävri tiervâsvuotâtáálu, ravviittâh ko-tu 040 846 3078

Párnáiravviittuv pargon lii ovdediđ vuálá škovlâahasij párnái já sii perrui tiervâsvuođâ já pyereestvaijeem sehe ucediđ perrui koskâsijd tiervâsvuotâiäruid. Párnáiravviittuvâst čuávuh já ovdedeh párnáá fyysisii, psyykkisii já sosiaallii šoddâm já otânâššâm sehe tuárjuh vanhimijd torvolii, pärnivuolgâlii šoddâdmist já párnáá pyere huolâtmist sehe parâkoskâvuođâ tipšomist.

Ravviittuvâst viggeh aiccâđ pärniperrui eromâš torjuu táárbuid nuuvt tooláá ko máhđulâš já orniđ ulmemiäldásii torjuu já iše. Páárnáš uážžu ravviittuvâst puákuttâsohjelmân kullee puákuttâsâid.

Tiervâsvuotâtipšoo čáálá táárbu mield tuođâštus párnáá puácuvuođâst. Maŋasčyeccee tuođâštusah iä čalluu.

Pavviittuv perâlaiđiisteijee

Ravviittuv perâlaiđiistem lii toolááš já uánihisáigásâš, vyeligáá šiälmá savâstâllâm- já laiđimiše párnáá vyerdee já ravviittâhahasij párnái perruid. Perâlaiđiistem ulmen lii išediđ, laiđiistiđ já tuárjuđ pärniperruid aargâ njyebžilvuođáin, vaanhimvuođáin, párnái huolâtmáin já sierâlágán huolâfádáiguin.

Perâlaiđiisteijein vanhimeh pyehtiv arvâlâddâđ sunnuu mielâst leijee aašij pirrâ já smiettâđ oovtâst čuávdusijd. Teivâdmeh láá táválávt perruu pääihist. Ohtsâšpargo pargoo perruu tile já táárbui mield sierâ pärniperâtuáimeiguin, ovdâmerkkân ravviittuv tiervâsvuotâtipšoiguin, arâšoddâdempargeiguin tâi sosiaalpargeiguin.

Perâlaiđiisteijee parga päikkikollimijd vuossâmuu párnáá vyerdeiguin äpittesvuođâ loopâbeln já puoh pärniperruiguin, main lii suullân 2,5 mánuppaje puáris njuorâhpáárnáš. Perâlaiđiisteijee já párnáiravviittuv tiervâsvuotâtipšooh uárnejeh juávkkuravviittuv 6 mánuppaje puáris njuorâhpárnái perruid.

Puhelin argâpeeivij tme 8.00-15.00 040 669 7306. Puávtáh väldiđ ohtâvuođâ meiddei tekstâviestáin.

Lasetiäđuh (liiŋkah suomâkielân)

Perheaikaa - uusi verkkopalvelu vauva- ja pikkulapsiperheille
Lapin ensi- ja turvakoti
Sairas Lapsi - sivusto
MLL - Mannerheimin lastensuojeluliitto
Lasten ja nuorten rokotusohjelma (THL)

Puárásijravviittâh

Puárásijravviittâh jyehi mánuppaje 1. já 3. vuossaargâ ääigi väärridhánnáá Avveel ravviittuv viistijd tme 9:00 - 11:00.

Puárásijravviittuv kollimist aheulmuu toimâmnaavcah já aargâ lakkiittem árvuštâllojeh olesváldálávt oovtâst äššigâssáin.

Mittomeerrin lii, ete aheolmooš puávtáččij aassâđ jieijâs pääihist jiečânávt tâi ávuspalvâlusâi iššijn nuuvt kuhháá ko máhđulâš. Čoovdâsaajeest láá laiđiistem já ravvim, moiguin aheulmuuh movtijduveh ovdediđ já paijeentoollâđ jieijâs tiervâsvuođâ. Vuástáväldimist puáhtá toohâđ toimâmnahcâiskosijd. Kollim loopâst pargee já äššigâs árvuštâllâv naavcâid já táárbuid oovtâst.

Muštoravviittâh

Tiervâsvuotâtipšoo äigiväridem argâpeeivij tme 8.00 - 9.00, puh. 040 512 4602

Muštoravviittuv mittomeerrin lii tubdâđ já kavnâttiđ muštopuácuvuođâid jo algâmuddoost já laiđiđ äššigâs tipšom já torjuu kuuvl, nanodiđ äššigâs toimâmnaavcâid já jiešráđálii piergim, adeliđ äššigâsân já suu aldaaš ulmuid tiäđu muštopuácuvuođâin já tai tipšomist sierâ muddoin, adeliđ tiäđu sierâlágán toorjâhaamijn já vuáhádumvalmiimijn, ovdediđ muštopuácuvuođâi tipšomvuáválâšvuođâid oovtâst eres tuáimeiguin.

Fysioterapia

Äigiväridem já išeniävuh vu-vá 11.30-12.30, puh. 040 509 8661

Toimâjuurdân lii vuáđulihâdem já toimâmnavcâlâšvuođâ paijeentoollâm já ovdedem. Vuáđutiervâsvuotâhuolâttâsâst tábáhtuvvee fysioterapeutlâš tipšomân tarbâšuvvoo tiervâsvuotâkuávdáštuáhtár avžuuttâs. Äššigâs kalga jieš väldiđ ohtâvuođâ fysioterapian ääigi väridem várás.

Aanaar kieldâ išeniävvupalvâlusah

Išeniävui luoihâtmeh já maaccâtmeh tahhojeh Avveel tiervâsvuotâkuávdáá fysioterapiauásáduvâst argâpeeivij tme 11.30 - 12.30 koskâsii ääigi

Tiäđáttâs Aanaar kieldâ išeniävvupalvâlusâin:

Anára gieldda fysioterapiija veahkkeneavvobálvalusat
Aanaar kieldâ fysioterapia išeniävvupalvâlusah
Aanar kååʹdd fysioterapia veäʹǩǩneävvkääzzkõõzz

Laboratorio

Áávus vu - tu tme 7.30 - 14.30 já vá 7.30 - 13.30

Tiervâsvuotâkuávdáá laboratorio tuáimá äigiväridemprinsiipáin. Čájánâsväldimäigi väriduvvoo jieš vuoluubeln leijee čuággást “Terveyskeskuksen sähköinen ajanvaraus ” tâi äigiväridemnumerist 040 188 7400 tijme 13.00 - 14.00 koskâsii ääigi.

Ääigi väridem äššigâsah koččojeh čájánâsväldimân noomáin. Táálust ášástâlleeh pyehtih väridiđ ääigi äigiväärridmist. Ääigi väärridhánnáá váldojeh tuše kocceemtipšom laboratorioiskoseh. Laboratorion puáđidijn äššigâsâst kalga leđe vyeimist orroo vuolgâttâspäävir jo-uv šleđgâlâžžân tâi pápárist.

Röntgen

tiervâsvuotâkuávdáá röntgen lii áávus vu-tu tme 8-15 sehe vá tme 8-13.

Röntgentutkâmuššáid väriduvvoo äigi äigiväridemnumerist 040 188 7400 argâpeeivij tme 8.15 - 10 já tme 13 - 14 tâi jiešráđálávt vuoluubeln leijee čuággást “Terveyskeskuksen ajanvaraus  Ääigi väärridhánnáá tahhojeh tuše kocceemtipšom röntgentutkâmušah.

Röntgentutkâmuššáid kalga leđe tuáhtár tâi pänituáhtár vuolgâttâspäävir.

Tutkâmušah láá iänááš mávsuttemeh.

Röntgentipšoo ohtâvuotâtiäđuh: Puh. 0400 193 160.

Mielâtiervâsvuotâpalvâlusah

Mielâtiervâsvuotâpalvâlusah palvâleh kieldâlij sierâlágán šoddâmân já otânâšmân, ulmui koskâsâš koskâvuođáid já psyykkisii pyereestvajemân lahtojeijee aašijn, tegu párnái já nuorâi lattimân lahtojeijee čuolmah, parâkoskâvuođâ kriisah, jieijâs eellim valjimáid lahtojeijee koččâmušah, psyykkisiih puácuvuođah já uáivádâsčuolmah.

Mielâtiervâsvuotâpalvâlusah tuáimih ohtsâšpargoost sierâ virgeomâhâšuásipelijguin, tegu peivitipšoin, škovlâtoimáin, sosiaaltoimáin já tiervâsvuotâtoimáin. Psykiatri vuástáväldim lii suullân ohtii mánuppaajeest. Mielâtiervâsvuotâpalvâlusah láá mávsuttemeh.

Ohtâvuotâtiäđuh:
Kollimčujottâs: Piiskuntie 2, 99800 Avveel
Äigiväridemnummeer: 040 653 0688, suáittimäigi argâpeeivij tijme 12 – 13

Sárnumterapia

Aanaar kieldâst sárnumterapia olášuvá válduášálávt tiervâsvuotâkuávdáá viistijn Avelist, mutâ meiddei Anarist lii vuástáväldimpeivi suullân kulmii mánuppaajeest. Sárnumterapia lii mávsuttem, terapeut vuástáväldimân puáhtá ucâluđ jiešráđálávt. Sárnumterapeutáin puáhtá väldiđ ohtâvuođâ tijme 8 – 16 kooskâst. Jis puhelinvästideijei viestâ kyeđđim ij lah vuovâs, te ääši puáhtá muštâliđ meiddei tekstâviestáin. Lasseen ohtâvuotâväldimpivduu puáhtá kyeđđiđ šleđgâpoostân, mutâ taid viestáid ij kolgâččij labdeđ tärhis persovntiäđuid. Sárnumterapia puáhtá tiäđuštâllâđ suomâkielâ lasseen tavesämikielân.

Sárnumterapeut puhelinnummeer lii 040 5180917 já šleđgâpostâčujottâs: seija.haapala@inari.fi

Päikkitipšo

Päikkitipšoiše lii piäiválij toimâiguin išedem, vuosâsaajeest fyysisijn vuáđutáárbuin já torvolâšvuođâst huolâttem.

Päikkitipšoiše já toorjâpalvâlusâi iššijn tuárjoo äššigâs cevzim jieijâs pääihist nuuvt kuhháá ko máhđulâš.

Palvâlus vuávájuvvoo ohtâgâslávt já tot lii ohtâgâslij táárbui mield olášuttum tipšom, huolâttem sehe išedem. Äššigâsân tahhoo tipšom- já palvâlemvuávám ohtsâšpargoost kuávlu tiervâsvuotâtipšoin, päikkitipšoin já omâháiguin, äššigâs jiešmeridemvuoigâdvuođâ kunnijâtmáin. Vuávám nubástittoo äššigâs táárbui já tile mield.

Päikkitipšo ohtâvuotâtiäđuh

Palvâlemstivrejeijee

Päikkitipšo pyecceitipšoo 040 482 8359
Päikkitipšo pyecceitipšoo 040 672 7484
Päikkipalvâlemauto, vu - vá 8 - 15, 0400 329 413
Rekigistemääših: tiervâsvuotâkuávdáá toimâttâhčällee 040 162 7891                                                                                    
Päikkitipšo fysioterapeut 040 354 0088
Pärniperâpargee 040 684 4948
Maadâ-Aanaar päikkitipšo tme 7.00 - 21.00        

0400 157 871     0400 694 031
040 744 5034     040 744 1326

Njellim kylápargee 0400 166 743 já 040 648 6596
Tave-Aanaar päikkitipšo 040 770 5176
Tave-Aanaar kylápargee 040 138 5960

Tiervâsvuotâtipšoo argâpeeivij tme 8-9, 040 846 3078

Čevetjäävri - Päärtih päikkitipšo 040 764 0863
Čevetjäävri kylápargee 040 172 8431

Palvâlemkuávdáš Koivikko                                                  
Pyecceitipšoo 040 648 7354
Koivikko tipšooh 040 744 1846

Print icon print page
share page: