Peerâpargo

Peerâpargo fálloo párnáisuojâlem ávustipšo toorjâtoimân.
Tađe várás tuáimá Aanaar kieldâst peerâpargee.

Peerâpargo uáivilin lii tuárjuđ perruid kavnâđ čuávdusijd eellim stuorrâ já uccâ čuolmâtilálâšvuođáid. Peerâpargo iše puáhtá finniđ perruu argâeellim haaldâšmân, vaanhimvuođâ naanoodmân, párnái tipšo já čoddâdem čuolmâi čuávdimân, perruu siskiipiälááš ruossâlâsvuođâi čielgiimân já ohtsâštooimâ ovdánmân, fakkist šoddâm nubástustilálâšvuođâi tovâttem vaigâdvuođáid jna.


Peerâpargo tahhoo iänááš äššigâš pääihist. Vuosmuu kuáhtáámist mannojeh čoođâ toh ääših, moh tovâtteh perrust huolâ já maggaar iše peerâ käibid toi čielgiimân. Perruin oovtâst suogârdâlluvvojeh vyevih já vuávám, moin tilálâšvuotâ viggoo tivvoođ.
Peerâpargo äššigâžžân puáhtá puáttiđ sosiaalpargee iävtuttâsâst tâi perruu jieijâs tuoivust.

Print icon print page
share page: