Puõʹtti siâzztõõzz koronaepidemia vuâsttatuâsttmõššân liâ viõǥǥâst Aanar kååʹdd vuuʹdest 9.12.2021 -2.1.2022 kõskksaž poodd

10.12.2021

Aanar kååʹdd koronavirusvueʹǩǩ lij huânnʼnam miârkteeinalla.

Puõʹtti siâzztõõzz koronaepidemia vuâsttatuâsttmõššân liâ viõǥǥâst Aanar kååʹdd vuuʹdest 9.12.2021 -2.1.2022 kõskksaž poodd

  • Ougglõstuâjjsiâzztõs veezz kååʹdd vuuʹdest
  • Maskksiâzztõs pâʹjjel 12-âkksaid (miârkat škoouli tåimmjummšest vuâđđškooul 6-klassniiʹǩǩid)
  • Privattnoorõõttmõõžž siâzztõõlât jäʹrjstem uʹcc jooukin
  • Pâʹjjel 20 oummui aalminoorõõttmõõžžid siiʹsǩsõõʹjin jeät siâzztõõl jäʹrjstem
  • Åugganåårramšõddmõõžžid vueiʹtet jäʹrjsted, ǥu šõddmõʹšše vuässõõđji staankõõskin di jeeʹres hygienia- da staanvuõttaaʹššin ââʹnet huõl.
  • Pâʹjjel 100 oummui åugganåårramšõddmõõžžid siâzztõõlât jäʹrjstem joouki mieʹldd da staankõõskin huõl ââʹneeʹl.
  • Čoouǥõõttâm- da ǩeâšttõõttâmtåimmjummšid jeät jääʹrjest
  • Čoouǥõõttâm- da ǩeâšttõõttâm-maaʹtǩid jeät jääʹrjest
  • Päärnai da nuõri joukkstaarjõõzz vueiʹtte juätkkjed seämmanallšeʹmmen, seämma še rääʹves oummui staarjõstååim

---------

Antigeeʹn-ǩiõʹrǧǧesteeʹst vuäitt tuejjeed dååma

Jõs tuʹst liâ flunssõudldõõzz mâta žaar, nuõpp leʹbe koss, tueʹjjed korona antigeeʹn- ǩiõʹrǧǧesteeʹst dååma. Jõs vuäǯǯak dommteeʹstest positiivlaž teʹsttpuäđõõzz, ooʒʒõõđ tiõrvâsvuõtthuõllu teʹsttpuäđõõzz ainsmâʹttem vääras. Lââʹssteâđ dommteeʹstin kaaunak THL seeidain.

Dommteʹstt kaʹnnat tuejjeed, håʹt-i leʹčči valddum tiudd koronačuâggamtaalkâsräidd. Jõs leäk vuäǯǯam kueʹhtt čuâggamtaalkâsmeäʹr di jiõk dommteeʹstest vuäǯǯam positiivlaž teʹsttpuäđõõzz, tuʹst ij taarbâž ooʒʒõõttâd tiõrvâsvuõtthuõllu koronatestta, jõs jiõk leäkku tauddõõvvâm koronaviruʹsse mââimõõzz kueiʹt neäʹttel poodd di jiõk reâuǥ sosiaal- da tiõrvâsvuõttsueʹrjest. Še päärnain vuäitt väʹldded koronateeʹst dååma.

Koronapass

Koronapaass âânnmõš lij vaajtõsmäinn vooudlaž koronarääʹjtõõzzid, tâʹl pass vueiʹtlvast sizzpiâssmõõžž ouddmiârkkân restraantid, innbaarid di jeeʹresnallšem noorõõttmõõžžid da šõddmõõžžid. Vuʹvddvaaldâšmkonttâr mieʹldd lääʹǩǩ ij vääʹld beäʹl tõõzz, vuäitt-a koronapaass õõlǥted čuäʹjtemnalla, jõs rääʹjtõõzz jeäʹla viõǥǥâst. Toiʹmmneǩ vuäitt jiijjâs tuʹmmjõõzzes vuâđald da jiijjâs riiskin tuʹmmjed väʹldded koronapaass âânnmõʹšše krååʹma viõǥǥâst åårrai rääʹjtemtuʹmmstõõǥǥ. Toiʹmmneǩ kuâdd nääiʹt jiõčč vuõiggâdvuõđla vasttõõzz tåimmjummšest da vueiʹtlvaž seuʹrrjummšin.

Vuʹvddvaaldâšmkoontâr vuäpp koronapaass âânnmõõžž pâi tâʹl, ǥu toiʹmmneǩ lij välddam koronapaass âânnmõʹšše vaajtõsmäinnan viõǥǥâst åårrai vooudlaž koronarääʹjtõõzzid. Lââʹssteâđ koronapaassâst: https://stm.fi/koronapass

Aanar kååʹdd čoʹrstemvueʹjji jååʹđtemjoukk
Jååʹđteei dåhttar

Print icon print page
share page: