Aanar kååʹdd vuässõõtti budjetâsttmõš 2026 – teeʹmmen miõl puârastvââjjmõš: Eʹtǩǩed 16.2–1.3.2026

09.02.2026

Aanar kååʹdd vuässõõtti budjetâsttmõš 2026 – teeʹmmen miõl puârastvââjjmõš

Vuässõõtti budjetâsttmõš oođasm! Vuässõõtti budjetâsttmõõžž veäkka ǩiččlet tueʹrjjeed kåʹddstrategia di kååʹdd puârastvââjjam- da staanvuõttplaan tiuʹddepiijjmõõžž. Tän diõtt vuässõõtti budjetâsttmõʹšše meäʹrtõõlât piiri-iiʹjji vaajtõõvvi teeʹmm.

Eeʹjjest 2026 vuässõõtti budjetâsttmõõžž teeʹmmen lij miõl puârastvââjjmõš. Miõl puârastvââjjmõš lij õhtt kååʹdd puârastvââjjam- da staanvuõttplaan 2026–2029 teäddceäkldõsvuuʹdin da ååʹn kåʹddniiʹǩǩin tuäivat jurddjid tõõzz, mäʹhtt aanarniiʹǩǩi miõl puârastvââjjmõõžž vuäitčeš tueʹrjjeed.

Miõl puârastvââjjmõʹšše vueiʹtte vaaikted jeäʹrbi mieʹldd: vueiʹtlvažvuõtt vuässõõttâd jiõccses vääžnai tåimmjummša da vaaikted jiijjâz kuõskki aaʹššid da toobdâlm šõddâd kuvddlemnalla, fiʹttjemnalla da seännamnalla nåkkmen ǥu lij. Šiõǥǥ ooumažkõskkvuõđ di staanlaž da soojji argg liâ vääžnai miõl puârastvââjjmõõžž tueʹrjjeei raajji. Čeäppõs, kulttuur da kreevsõs tåimmjummuš oouʹdee miõl puârastvââjjmõõžž.

Mäʹhtt ton tueʹrjčiǩ aanarniiʹǩǩi miõl puârastvââjjmõõžž 20 000 eeuʹrin?

Eʹtǩǩed 16.2–1.3., mäʹhtt 20 000 euʹrred puäʹđči ââʹnned miõl puârastvââjjmõõžž tueʹrjjeem diõtt!
 

MÄʹHTT EʹTǨǨ čZZID NOORÂT?

PÄÄIʹǨ ÂʹLNN: Vuäitak tueʹjjeed eʹtǩǩõõzz, Aanar da Âʹvvel ǩeʹrjjpõõrtin, ǩeʹrjjaautâst leʹbe Aanar kåå’dd vuässadvuõttkõõskõõzzâst

KÅÅʹDD NEʹTTSEEIDAIN: Vuäitak tueʹjjeed eʹtǩǩõõzz lomaakkâst, mõõn kaaunak Aanar kååʹdd neʹttseeidain: Eʹtǩǩed 16.2–1.3

TEʹLFOONIN: Vuäitak vuõltteed teʹksttsaaǥǥ leʹbe snimldõõǥǥ, jiõnnsaaǥǥ leʹbe WhatsApp-saaǥǥ. Saaǥǥid vuäitak vuõltteed nââmra 040 643 4305.

Lasetiäđuh: leena.korhonen@inari.fi / 040 643 4305