Koronavirus tavdâmeerhah sättih leđe:

  • kumestâs
  • kuorsâttâh
  • soinâttâs
  • tekkipohčâseh
  • vaibâmvuotâ
  • nuárvu
  • iillávaijeem
  • luččâtavdâ

Jis tun epidah koronavirusnjuámmum, te tooimâ návt:

Njuámumij velttim tiet Avveel tiervâsvuođâkuávdáást totkeh pyecceid, kiäin láá vuoiŋâmuáli-infektio tavdâmeerhah, oovtâ häävild sierâ viistijn. Jis tust lii lenccu, mii váátá tuáhtár tipšo, te suáiti koccee pyecceetipšoi ravvui várás, puh.040 7709187.

Koronavirustaavdâ tavdâmerkkâárvuštâllâm vievâst tun puávtáh árvuštâllâđ tipšo táárbu: Toovâ árvuštâllâm

Etitiileest suáiti 112


Jođetteijee tuáhtár koronatiäđáttâs 3.12.2020

Aanaar kieldâst lii onne 3.12.2020 kavnâttum kyehti (2) uđđâ COVID-19 –njuámmum. Nubbe njuámmum lahtoo jo ovdil kavnâttum, Levist vuálgám njuámmumkuálusân iäge taas lohtuu uđđâ painâšumeh. Nubbe njuámmum lahtoo Suáluičielgi kuávlu maađhâšmân. Suáluičielgi njuámumân lahtojeh ennuv painâšumeh, main iänááš lii kärttejum já moid lii valdum ohtâvuotâ, já painâšum ulmuuh láá meridum karantenân. Muádi raavâdviäsueehid selvâttem lii vala koskân. Tain mij tieđettep lase tärhis äigimudoiguin. 

Suáluičielgi njuámmumkuálus ooleest mun tuáivum, ete sij, kiäin láá tavdâmeerhah, maneh tállân iskosân.

Lii tehálâš kevttiđ muátusyeje já toollâđ torvokooskâid já amahân lii meid avžuuttettee, ete tääl sirdep paijeelmiärálijd čokkânmijd já suotâstâllâm, mii toovât aldakontaktijd. Uhken lii, ete Suáluičielgi já oles Aanaar juovlâi viettim lii vaarâst, jis njuámmumkuáluseh šaddeh lase.

Outi Liisanantti
jođetteijee tuáhtár


26.11.2020Aanaar kieldâst lii kavnâttum ohtâ COVID-19 – positiivlâš olmooš

Aanaar kieldâst lii kavnâttum ohtâ COVID-19 – positiivlâš olmooš, kote kulá Levist vuálgám njuámmumkiäinun. Painâšum ulmuuh láá kärttejum já sii láá meridum karantenân.

 Aanaar kieldâ nanosávt avžuut, ete kieldâ ulmuuh kevttih muátusyeje puoh ohtâvuođâin, jis torvokooskâi toollâm ij lah máhđulâš. Eromâš tehálâš lii suojâliđ riskâjuávkun kullee ulmuid, tastko eromâšávt paijeel 70-ihásijn ulmuin lii riskâ puáccáđ tuođâlávt.

Njuámmootaavdâin västideijee tuáhtár avžuut, ete kištottâllâm- já äigiájánâstooimâst, mii tábáhtuvá kieldâ ulguubeln já mast ij pyevti velttiđ aldakontaktijd, kiäsádâttoo 6.12.2020 räi. Siämmáš avžuuttâs kuáská meid kištottâllâm- já äigiájánâstooimân kieldâ kuávlust, kuus uásálisteeh puátih kieldâ raajij ulguubeln.

 Outi Liisanantti
Jođetteijee tuáhtár
Njuámmootaavdâin västideijee tuáhtár

Toni K. Laine
kieldâhovdâ


Väldikodálâš puhelinravvim: 0295 535 535, argâpeeivij tme 8 - 21, lávurduvâi tme 9 - 15
Numerist tun finniih almos tiäđu koronavirusist, ravvim ij adde tiervâsvuođâravvim ijge stivrim akuut kocceem vättee tavdâmeerhâin.

Sosiaalkocceem västid huápulii sosiaallii iše tiilijd virgeääigi tme 8-16 puh. 040 351 4150 já virgeääigi ulguubeln puh. 040 726 6965.

Mielâtiervâsvuođâpalvâlusah puh. 040 653 0688 tme 9-13
Uáiváditteepalvâlusah puh. 040 186 4292, tme 9-15
LSHP psykiatrâlâš pyecceitipšoo puh. 040 7158400, kocá 24/7

Jis tust lii čielgâsávt pyecceetiipšon lohtâseijee äšši, te suáiti talle tiervâsvuođâkuávdáá ääigiväridemnumerân tego táválávt-uv. Puh. 040 188 7400 argâpeeivij tme 8.15 – 10 já tme 13- 14.

Kivkked tábáhtum já huápulijn puácuvuotâaašijn suáiti koccee pyecceitipšoo numerân, mii kocá 24h/vrk. Puh. 040 770 9187. Etitiilijn kalga suáittiđ numerân 112.

Tun puávtáh väldiđ ohtâvuođâ meid SámiSoster rs. pargeid
Toimâjođetteijee Ristenrauna Magga, ristenrauna.magga(a)samisoster.fi, puh.+358 400 314 154

 

Print icon Tulosta sivu
Jaa tämä sivu: