Koronaviirrus õudldõõzz vueiʹtte leeʹd:

  • žaarkos
  • sšååkk
  • teäʹǩǩ-čuâccmõõžž
  • viõssmõš
  • nuõpp
  • pannvââʹjj
  • luʹččkõpp

Jõs toobdak jijstad koronaviirusnjuämmʼmõõžž, toiʹmme nääiʹt:

Njuämmʼmõõžž vieʹlttem diõtt Âʹvvel tiõrvâsvuõttkõõskõõzzâst tuʹtǩǩeet vuõiŋŋâmkanaalinfektio- õudldõõzzid toobdi puõccjid õhtt vuârast pååđlõõnjin. Jõs tuʹst liâ dåhttar hååid õõlǥteei flunssõudldõõzz, sååit peiʹvvrõõttja puõccihoiʹddjeeja vuäʹpstõõzz diõtt, teʹl.040 7709187.

Koronaviiruskõõv õudldõsaʹrvvõõzz veäkka vuäitak ärvvtõõllâd hååid taarb: Tueʹjjed aʹrvvõs

Jieʹttvueʹjjin sååit 112.


23.11.20    Koronavirus COVID-19 – mäʹhtt âlgg tåimmad

Koronavirus njuämm oummust nobba jäänaš kuåškknjõsnjuämmʼmen âʹlddkontaaktâst. Eeʹttemäiʹǧǧ lij kõskkmieʹrin 4-5 peeiʹv. Oudldõõzz vuäiʹtte leeʹd koss, šååkk, žaar, flunss, čooddčuâccmõš, teäʹǩǩčuâccmõõžž, pannvââʹjj leʹbe luʹččkõpp. Lââʹssen måtam oummin haajj- leʹbe njâʹdstemaaic huânnʼne.

Jõs tuʹst lie koronavirusinfektiooʹje čuäʹjteei oudldõõzz, vaʹrre ääiʹj koronačuäjtõõzz välddmõʹšše soiʹttjeeʹl tiõrvâsvuõttkõõskõõzz ääiʹjvaʹrrjemnââmra, teʹl. 040 188 7400 aarǥi čiâss 8.15 - 10 da čiâss 13-14. Såittraukkmõõžžid vuäitt kueʹđđed aarǥi čiâss 14 räjja. Krootai da ǩirrsallaš puõʒʒâlmaaʹššin vuäitak soiʹttjed kooʹcci puõccihoiʹddjeei nââmra, kååʹtt kååcc suutk pirr 24/7. Teʹl. 040 - 770 9187.

Ǩiõʹrǧǧesteeʹst valddum ââʹnnma

Aanar kååʹddest lij ââʹnnmest COVID-19-antigeeʹnteʹstt, koon vasttõõzz vuäǯǯ nuʹtt 15 minuutt seʹst. Tuâjjlažkååʹdd tuʹmmjõõzz meâldlânji taarb mieʹldd vääʹldet palddlõsteeʹst. Positiivlaž ǩiõʹrǧǧesteʹsttpuåđõõzz ainsmââʹttet PCR-teeʹstin (vasttõs 1-2 suutk) da njuämmamtaaudin vaʹstteei dåhttar iʹlmmat positiivlaž puåđõõzz da mieʹrrad puõcci čårrummša 7 suutk ääiǥas. Âʹvvel tiõrvâsvuõttkõõskõs kaartat tauddõõvvâm oummid da njuämmamtaudd-dåhttar tuejjad taarbšum karanteeʹntuʹmmstõõǥǥid 10 suutk ääiǥas. Tauddõõvvâm oummid kaartʼtet 48 h ouddâl oudldõõzzi älggmõõžž da 7 suutk oudldõõzzi älggmõõžž mâŋŋa.

Aanar kådda pueʹtti määtkla

Ålggjânnmin puättam oummid siâzztõõlât 10 suutk kookka jiõččtäättlaž karanteeʹn, koon vuäitt vuäʹneed kuõiʹtin jiõččvääldlaž teeʹstin. Jõs määtklast lij Lääʹddjânnma puäʹđeen jäänmõsân 72 čiâssâd vuäʹmm tuõđštõs negatiivlaž koronateeʹstest, suu ohjjeet nuuʹbb testta ääiʹjmõsân 72 čiâssâd jânnma pueʹttem mâŋŋa. Jõs kuhttu teeʹst puåđõs lij negatiivlaž, jiõččtäättlaž karanteeʹn vuäitt looppted. Jõs määtklast ij leäkku vuâlla 72 čiâssâd vuäʹmm tuõđštõs, son vuäitt vuäʹneed karanteeʹn mõõneeʹl koronatestta tâʹlles, ko puätt Lääʹddjânnma da nuuʹbb testta ääiʹjmõsân 72 čiâssâd vuõssmõs teeʹstest. Jiõččtäättlaž oudldõõzzteʹmes oummu koronateeʹst hâʹdd lij 60 euʹrred. Tän poodd reissjummuš lij väʹlddvueʹzzin soovšum tåʹlǩ tuâj leʹbe jeeʹres loʹsses määin diõtt.

Tuäivat, što Aanar kådda pueʹtti dommjânnmallaš määtkla da rosttovpõõʹzzi diõtt dommpäiʹǩǩ-kådda pueʹtti oummu še väʹldde lokku siâzztõõzzid, koid jääʹǩǩtet Aanar kååʹddest.

Maskksiâzztõs da jeeʹres viõǥǥâst åårrai siâzztõõzz

Lappi puõccihåiddamvuʹvdd lij koronainfektio vuâđđpooddâst. Õinn lij sami vääžnai muʹštted staankõõskid, ǩiõđi põõssmõõžž, ǩiõđi desinfektâsttmõõžž da maask âânnmõõžž. Maask âânnmõõžž siâzztõõlât pukin õõlmâs sõõʹjin, jõs jie pââʹst kueʹđđed staankõõskid.

Päärnai da nuõri âsttäiʹǧǧtoiʹmmjummuž mieʹldd looǥǥeeʹl speâllmaaʹtǩid vueiʹtet tän poodd tuejjeed sieʹbri da puärrsi tuʹmmjõõzz mieʹldd. Njuämmamtaaudin vaʹstteei dåhttren siâzztõõlam, što Aanar kååʹddest jie reissjeʹče koronainfektio jåʹttlõõvvâm- leʹbe leävvnempoodd vuuʹdid loʹsses määintää. Reissjemstaanvuõđ pirr vuäitt kõõččâd lââʹssteâđaid njuämmamtaaudin vaʹstteei dåhttrest.

Jõs uʹccjooulid leʹbe jeeʹres kaaunõõttmõõžžid jäʹrjstet, âlgg jääʹǩǩted staankõõskid da vuässõõttji meäʹr lij šiõǥǥ rääʹjted (jäänmõsân 20 ooumžed). Šõddmõõžžin lij šiõǥǥ noorrâd vuässõõttiliist vueiʹtlvaž mâʹŋŋlest šõddi tauddõõvvâm oummui kaartʼtummuž vääras. Liistid jaukkeet 14 suutk ǩeeʹjjest da tõin teâđtet vuässõõttjid.

Ainsmâʹttep õõutveäkka miʹjjid staansõs da tiõrvâs rosttovpõõʹzzi ääiʹj

Ođđâz čuâggamtalkksest lie låʹppeei. Aanar kåʹdd lij piʹrǧǧääm tän räjja sami puârast tuärrmõõžžâst koronaviruuzz vuâstta. Ååʹn kaiʹbbjet pukin vââjjmõõžž, perstummuž da tääʹrǩesvuõđ vuäʹppõõzzi jääʹǩǩtummšest. Håʹt-i taudd lij miâlggâd vaartem nuõrid, vuäitt tõt leeʹd ääkkaid da aaʹjjid sami vaarlaž. Maskk lij tän poodd vieʹltʼteʹmes neävv. Ainsmââʹttet õõutveäkka miʹjjid staansõs, tiõrvâs rosttovpõõʹzzi ääiʹj da tuäivtet tiõrv pueʹttem ruåđid da jeeʹres määtklaid, koin lie maask.

Lââʹssteâđ:

Outi Liisanantti
jååʹđteei dåhttar, njuämmamtaaudin vaʹstteei dåhttar
outi.liisanantti@inari.fi


JUÕǨǨʼKEʹČE MIÂRKTUM KÄÄZZKÕSNÂÂMAR

Jõs tuʹst lij mii-ne kõõččâmnalla leʹbe taarbšak vieʹǩǩ:

  • Sosiaalpeiʹvvrõõttmõš vaʹsttad ǩirrlaž sosiaalʼla vieʹǩǩ vueʹjjid veʹrǧǧpoodd čiâss 8-16 teʹl. 040351 4150 da veʹrǧǧääiʹj åålǥbeäʹlnn teʹl. 040 726 6965.
  • Miõltiõrvâsvuõttkääzzkõõzz teʹl. 040 653 0688 čiâss 9-13
  • Peäneckääzzkõõzz teʹl. 040 186 4292 čiâss 9-15
  • LSHP psykiaatraž puõccihoiʹddjeei teʹl. 040 7158400, peiʹvvrââtt 24/7

Jõs tuʹst lij čiõlggsânji puõccihååidlaž äʹšš, sååit tâʹl tiõrvâsvuõttkõõskõõzz ääiʹjvaʹrrjemnââmra mâʹta takainalla. Teʹl. 040 188 7400 arggpeeiʹvi čiâss 8.15 – 10 da čiâss 13- 14.

Krõõtai šõddâm da ǩirrlaž puõccâmaaʹššin sååit peiʹvvrõõđi puõccihoiʹddjeei nââmra, kååʹtt peiʹvvrââtt 24č/stk. Teʹl. 040 770 9187. Jieʹttvueʹjjin sååitat nââmra 112.

Väʹlddkååddlaž koronaviirus-teʹlfonkääzzkõs 02 9553 5535, arggpeeiʹvin čiâss 8-21, su čiâss 9-15.

Vuäitak väʹldded õhttvuõđ še SámiSoster rõ tuâjjlaid
Tuåimmjemjååʹđteei Ristenrauna Magga, ristenrauna.magga(a)samisoster.fi, teʹl.+358 400 314 15

Print icon Tulosta sivu
Jaa tämä sivu: