Koronavirusa dávdamearkkat sáhttet leat:

  • feber
  • gosahat
  • lahppaseapmi
  • deahkkebákčasat
  • váibbasvuohta
  • nuorvu
  • illáveadju
  • luhčadávda

Juos eahpidat ahte dus lea koronavirusnjoammun, bargga ná:

Njoammumiid garvima dihte Avvila dearvvasvuođaguovddážis dutkat pasieanttaid geain leat vuoiŋŋahatinfekšuvnna mearkkat okta hávil sierranas lanjain. Juos dus leat doaktára divššu gáibideaddji influeansadávdamearkkat, riŋge gohcci buohccedivššárii vai oaččot rávvagiid, tel. 040 7709187.

Koronavirusdávdda dávdamearkaárvvoštallamiin sáhtát árvvoštallat divššu dárbbu: Daga árvvoštallama

Heahtedilis riŋge 112.

Váldegottálaš telefonrávven: 0295 535 535, árgabeivviid dii 8 - 21, lávvardagaid dii 9 - 15
Nummiris oaččot almmolaš dieđu koronavirusa birra, telefonrávvemis eai atte dearvvasvuođarávvagiid eaige bagat gohcima vuollásaš akuhta dávdamearkkaiguin.


Jođiheaddji doaktára koronadieđáhus 3.12.2020

Anára gielddas lea 3.12.2020 gávdnon guokte (2) ođđa COVID-19 –dáhpáhusa. Nubbi njoammumiin laktása juo ovdalaš Levis vuolgán njoammumiidda, eaige dasa laktás ođđa dávdaluvvamat. Nubbi njoammun laktása Suoločielggi birrasa turismii. Suoločielggi dáhpáhussii laktásit olu dávdaluvvamat, main eanaš oassi lea kártejuvvon ja oktavuohta váldojuvvon, ja dávdaluvvan olbmot leat mearriduvvon karanteenii. Čielggadeami vuolde lea vel moadde restoráŋŋaeahketdoalu. Dáid birra boahtit dieđihit dárkilut áigemearredieđuiguin. Suoločielggi njoammunášši guoskkadin sávašin, ahte olbmot, geain leat dávdaovdasat, ohcalit dalán testii.

Lea dehálaš geavahit suodjemáskka ja doallat dorvogaskkaid ja lea maiddái jierpmálaš, ahte suohtastallamat, mat dagahit badjelmearálaš čoahkkanemiid ja lagaš kontávttaid, dál šluhttejuvvojit maŋŋelebbui.

Áittan lea, ahte Suoločielggis ja olles Anára guovllus juovllaid doallan šaddá eahpesihkkarin, juos njoammumat bohtet vel lasi.

Outi Liisanantti
Jođiheaddji doavttir


Anára gieldda koronadieđáhus 26.11.2020 – Anára gielddas lea gávdnon okta COVID-19- positiivvalaš dáhpáhus

Anára gielddas lea gávdnon okta COVID-19- positiivvalaš dáhpáhus, mii laktása Levis vuolgán njoammunráidui. Dávdaluvvan olbmot leat kártejuvvon ja sii leat mearriduvvon karanteenii.

 Anára gielda ávžžuha nannosit, ahte gieldalaččat geavahit máskka buot kontávttain, gos dorvogaskkaid doallan ii lihkosmuva. Erenomážit riskajovkui gullevaš olbmuid suodjaleapmi lea dehálaš, go koronavirusa váralaš dávdahápmái leat erenomáš hearkkit badjel 70-jahkásaččat.

Njoammudávddain vástideaddji doavttir ávžžuha, ahte gilvo- ja asttuáiggedoaibma mii dáhpáhuvvá gieldda olggobealde, ja gos ii sáhte garvit lagaškontávttaid, šluhttejuvvo 6.12.2020 rádjai. Seammá ávžžuhus guoská maiddái gielddas lágiduvvon gilvo- ja asttuáiggedoaimma, masa oassálastit bohtet gieldda rájáid olggobealde.

 Outi Liisanantti
Jođiheaddji doavttir
Njoammudávdalágas vástideaddji doavttir

Toni K. Laine
Gielddahoavda


BUOHKAIDE OAIVVILDUVVON BÁLVALANNUMMIRAT

Juos dus leat gazaldagat dahje dárbbašat veahki:

  • Sosiálagohcin vástida hohpolaš sosiálalaš veahki diliide virgeáiggi siste dii 8-16 tel. 040 351 4150 ja virgeáiggi olggobealde tel. 040 726 6965.
  • Mielladearvvasvuođabálvalusat tel. 040 653 0688 dii 9-13
  • Gárrenávnnasbálvalusat tel. 040 186 4292, dii 9-15
  • LBDB psykiátralaš buohccedivššár tel. 040 7158400, gohcá 24/7
  • Juos dus lea čielgasit dearvvasvuođadillái laktáseaddji ášši, de riŋge dalle áinnas dearvvasvuođaguovddáža áigevárrennummarii dego dábálaččat. Tel. 040 188 7400 árgabeivviid dii 8.15 - 10 ja dii 13 - 14.

Fáhkkestaga šaddan ja hohpolaš buohccivuođaáššiin riŋge áinnas gohcci buohccedivššára nummarii, mii lea rábas birra jándora. Tel. 040 770 9187. Heahtedilis galgá riŋget nummarii 112.

Váldegottálaš koronavirus-telefonbálvalus 02 9553 5535, árgabeivviid dii 8-21, lá dii 9-15.

Sáhtát maiddái váldit oktavuođa SámiSoster rs:a bargiiguin
Doaibmajođiheaddji Ristenrauna Magga, ristenrauna.magga(a)samisoster.fi, tel.+358 400 314 154

 

 

Print icon Tulosta sivu
Jaa tämä sivu: