Revontuli-fondd
Revontuli-säätiö lij Aanar kåå´dd ee´jjet 2005 vuâđđuum sosiaalaž tuâjjtâ´ttem õõutilååkk.
Fondd juätkk ee´jjest 2000 alttuum sosiaalaž tuâjjtâ´ttem ä´rbbvuõđ Aanar kåå´ddest.
Foond mie´rren lij ooudâsviikkâd Aanar kåå´dd vuu´dest tuâjjtâ´ttmõõžž oudldõõzzid da cõggâd čårstâ´ttmõõžž. Tuâjj-, person- da ä´rttelvuõiǥstâ´ttemtuåimmjem vie´ǩǩin ooudâsviiǥǥât persoon
tuâjj- da tuåimmjemooddid, di vaalmâšvuõđ tuâjjmarkkna. Tuâjjvaalmâšvuõtt šâdd nõõmes mie´ldd tuâi paaldâst, koon čõõđtet foond tuâjjpõõrtin; pirrõspõõrtest da EkoTerminaalest.
Persoonvaalmâšvuõtt lij kääzzkâ´sttemvuä´pstõs da saaǥǥstõõllmõš persoon arggjie´llem vaaldšem da tuåimmjemooddâst. Ä´rttelvuõiǥstâ´ttmõõžž foondâst čõõđtet neä´ttli mie´ldd ä´rttelsaaǥǥstõõllmõõžži da tuåimmjempeei´vi nalla.
Tuâjj- da personvaalmâšvuõttkääzzkõõzzi kuâŋŋad foond vääžnmõs tuâjjan lij ooudâsviikkâd
õhttsažtuâjast jee´res tuåimmjee´jivui´m pääiklaž tuâjjvuõđ hååid rä´tǩǩeemmaalid di ođđ ooudâsviikkâmha´ŋǩǩõõzzid.
Tuâjjvuõtt
Aanar kåå´dd tuâjjvuõđ håiddkääzzkõõzzid kooll tuärjjeemtuâjjprograamm, nuõri
ǩie´sstuâjjtâ´ttmõõžž da mättjemsuåppâmtuärjjõõzzi hoi´ddmõš.
Va´stteejen tuâjjvuõttaa´šši hoi´ddjen tuåimmai Revontuli –säätiö
koontârpiisar Pirjo Kotikangas.
Kå´dd tuâjjtâtt tue´rjjeemtuâjjprograammines nu´tt 15 persoon määnpââ´jest. Tue´rjjeemtuâjjpaai´ǩliâ kåå´dd jee´res vaaldšemkoo´ddin da tõid va´lljeet
tuâite´mmes oummid, kook liâ vuõiggõttum / vuei´tte vuäǯǯad valdia
miõttum pä´lǩǩtuärjjõõzz.
Nuõri tuâjj´jie´llem tobddmõõžž lââ´zztet miõđee´l ǩeässa tuärjjõõzz
15-25 –âkksaid nuõrid tuâjjtõ´tti põrggsid da õhttsažkoo´ddid.
Tuärjjõõzzâst teâđtât tää´rǩben ǩeâđđa pääiklaž teâđtemniâvvai vie´ǩǩin.
Aanar kå´dd meâtt mättjemsuåppâmtuärjjõõzz ämmatlaž vuâđđ- da
lââ´ssškoou´l’jumu´šše. Lââ´ss teâđaid da personkåå´dd õhttvuõđteâđ käunnje
dommseeidain www.revontuli-saatio.fi
Aanar kåå´ddest lij še va´rrjum jii´jjes mie´rrteä´ǧǧ nåkkam nuõri da
mätt’tõõttji pa´lǩǩumu´šše,koin le´čči ǩie´ssäi´ǧǧen vuõiggâdvuõtt
pi´rǧǧeemtuärjjõ´sse. Mie´rrtie´ǧǧ âânnmõõžžâst va´sttad sosialtuåimm.