Kalotin oppimiskeskus-fondd
Silttumuš – Škoou´l’jumuš – Ämmatčeäppvuõtt
Kalot mätt’tõõttâmkõõskõõzz tuâjjan lij siltteem, ämmatčeäppvuõđ da škoou´l’jem staanmõš di
ooudâsviikkmõš Aanar kåå´ddest da tõn ââldasvuu´din.
Vääžnai vuä´ss Kalot mätt’tõõttâmkõõskõõzz tuåimmjumuužžâst liâ â´lddlest åårrai õhttvuõđ
jie´llemvue´ǩǩjääl da vuu´d põrggjivui´m. Škoou´l´jumuužž vuu´dest õhttsažtuâjjkruuggnee´ǩǩ liâ
Sää´mvuu´d škoou´l´jemkõõskõs, meerlažškooul, tuâjjviõkkvaaldšem, Sää´mjânnam
mäddkå´ddõllškooul da Sää´mjânnam pââimõsškooul.
Põrggsi personkå´ddškoou´l’jumuužž
Põrggjid tillõvvum personkå´ddškoou´l’jumuužžin pei´vveet da lââ´zztet põrggsi personkåå´dd
silttumuužž da ämmatčeäppvuõđ. Škoouljumuužž liâ plannum õhttsažtuâjast põrggjivui´m.
Škoou´l’jemteemm liâ leämmaž meeraikõskksaž ä´ššlaskääzzkõs da voddõõttmõš,
teä´ttevčeäppvuõđ, vu´vdd- da pääiklâžtobddmõš, vuõssveä´ǩǩškoou´l’jumuš,
pâjjlõspõõrtihoi´ddjee´ji vuä´pstumuš di võõnâsjåå´đteeiškoou´l’jumuš. Mätt’tõõttâmkõõskõs
vä´ldd vuâstta ä´lšmõõđee´l še ođđ škoou´l’jemjurddjid.
Ha´ŋǩǩõõzz
Kalot mätt’tõõttâmkõõskõs lij mie´ldd še ha´ŋǩǩõstuåimmjumuužžâst. Jee´resnallšem
škoou´l’jemha´ŋǩǩõõzzin ǩiččlõõđât lââ´zztet da u´vdded oudldõõzzid tuâjjtõõttâd pue´rben.
Ääi´jpoddsaž ha´ŋǩǩõs lij hå´t mâka meeraikõskksaž mätt´tõõttâm alttumuš Murmaan vuu´d di
Aanar da Suä´đjel vuu´di ämmatlaž mättjemstrooi´tee´livui´m.