Njeä´čaa´ʒʒi ǩiõtt’tõõllmõ påå´đjälstemvuu´dest
Njeä´šščaa´ʒʒi ǩiõtt’tõõllmõš pååđjälstemvuu´dest
Valdiasåbbar asetõõzz (542/2003) täällnjeä´šščaa´ʒʒi ǩiõttõõllmõõžžâst čää´cchuõllstrooitee´linjeä´ššvuäjjsääi´mi åålǥbeällsai vuu´dest šõõddi viõ´ǩǩe 1.1.2004.
Asetõõzz mie´ldd njeä´šščaa´ʒʒi tää´rǩab putstumušõõlǥtõõzz õõlǥči čõõđted ee´jj 2013 loopp mõõnee´st. Te´l ko ǩiiddõõzzin tuejjeet mii-ne raajjâmlåå´v õõlǥtem tuåimm ouddâl 1.1.2014 âlgg
njeä´šščää´ccriâššmõš oođeet tõn õ´httekuullmõõžžâst asetõõzz mie´lddsânji. Plaan kannad altteed čiõlggeem vuäittmõõžžin õhtteed kåå´dd njeä´ššvuäjjsäimma.
Õhttmõš lij ǩiiddõs vuä´msteeja hiâlpmõš, kuu´ǩǩab ta´rǩǩeempââ´jest hää´lbmõs da ainsmâtt njeä´šščaa´ʒʒi ää´ššmie´lddsa putstumuužž. Te´l ko ǩiiddõs lij čää´cchuõllstrooitee´l tuåimmjemvuu´dest, lij tõ´st čää´cchuõll’lää´jj mie´ldd õõlǥtumuš õhttõõvvâd njeä´ššvuäjjsäimma.
Njeä´šščaa´ʒʒi ǩiõtt’tõõllâmriâššmõõžž raajjmõš ouddlâstt raajjâmta´rǩǩeei primm’mum tuåimmlåå´v.Asetõõzz mie´ldd ǩiiddõõzzâst âlgg käunnjed ǩe´rjjlaž čiõlǥtõs njeä´šščaa´ʒʒi
ǩiõtt’tõõllâmriâššmõõžžâst di ââ´nnem- da teevvamvuä´ppõs.
Aanar kåå´dd vuu´dest liâ plaanraajji, aparaattji kaaupšeei da urkknee´ǩǩ, kook silttee veä´ǩǩted ää´ššest. Lââ´ssen kåå´dd vs. raajjâmta´rǩǩeei da pirrõssuõ´jjeem-mäddtäällpiisar vuei´tte taarbše´mmen vuä´psted. Kåå´dd pirrõssuõ´jjeemve´rǧǧneǩ vuäitt lo´sses määi´n diõtt ooccmõõžžâst miõttâd ǩiiddõs mie´lddsa mokkstõõzz ee´jj 2018 räjja.
Vuâđđvuä´ppõõzz:
- tuåimmjeei riâššmõõžž vuäitt ââ´nned ee´jj 2014 räjja
- tieđ pue´rben njeä´šščää´ccriâššmõõžžstad
- te´l ko riâššmõš ij tuåi´mme, oođed tõn ođđ asetõõzz mie´lddsânji
- kõõjj vuä´pstõõzz, riâššmõõžž va´lljumuš lij ǩidd mäŋŋgen jee´res tuâjjeejest
Hiâlpe´ld tuåimmjeei kue´httpie´zz betonkääiv vuäʒʒ asetõõzz mie´lddsânji jue´jjee´l mââibu betonkääiv suåppinallšem T-sue´rr poo´ccin rajjum oo´lein kuei´t sâjja. Vuä´ppõõzzid vuäǯǯ raajjâmvuåppmõõžžâst.
Lââ´ssteâđaid: vs. raajjâmta´rǩǩeei, Tero Nikula (040) 861 8963