Vuä´pstempäi´ǩǩkääzzkõõzz
Cõõggõõttâm- da piârplaanumuš
Vue´rddempââi cõõggõõttâm kuõskki aa´ššin vää´ldet õhttvuõđ jiõccses kuulli vuu´d
tiõrvâsvuõđhoi´ddjeeja, ääi´jva´rrjumuš te´lfonäi´ǧǧen arggpeei´vi čiâss 9-10.
Jie´nnvuõđvuä´pstempäi´ǩǩ
Pukin vue´rddempââi kuõskki aa´ššin vää´ldet vuõss´sââ´jest õhttvuõđ ´vvlest
jie´nnvuõttvuä´pstempääi´ǩ tiõrvâsvuõtthoi´ddjeeja te´lf. 687 588.
Jie´ttpoodd ekka, jeä´ǩǩääi da neä´ttellooppi vuäitt vä´ldded õhttvuõđ pei´vvrõõtti dåhttra te´lf. 687
511 le´be pei´vvrõõtti puõccihoi´ddjeei 040-7709187.
Päärnaivuä´pstempäi´ǩǩ
Päärnai tiõrvâsvuõtt´ta´rǩǩumuužžid â´lǧǧe puârraz ti´ll´jed ääi´j ouddâl 1 mp. päärna
šõddâmpei´vved, jii´jjes tiõrvâsvuõtthoi´ddjeejast čiâss 9-10. Päärnai puõccâm diõtt vuei´tet
ǩee´rjted tuõđštõs, te´l ku tiõrvâsvuõđhoi´ddjeeja lij va´lddum õhttvuõtt seämma peei´v.
Miõltiõrvâsvuõtt- da piârvuä´pstempäi´ǩǩ
Miõltiõrvâsvuõtt- da piârvuä´pstempäi´ǩǩ kääzzkâ´stt kå´ddaazzjid määŋgnallšem šõddâm da
jeärmmõõvvâm, oummi kõskksai kõskkvuõđi da psyykklaž pue´rrjie´llma kuõskki kõjldõõzzin.
Hå´t mâka vuäitči peäggted päärnai da nuõri ooddibeällsaž voddõõttmõõžži kuõskki pro´blee´m,
pie´llkuei´mm- da vie´nctemleettkõskkvuõđi čuõlm, jii´jjes jie´llem ååraš da va´lljumu´šše kuõskki
čuõlm, õhttnažvuõđ da tåå´sǩ tobddmõõžž, ro´mljempro´blee´m dno.
Miõltiõrvâsvuõtt- da piârvuä´pstempäi´ǩǩ oudd še tuärjjõõzz da lij õhttsažtuâjast
päärnaivuä´pstempääi´ǩ, pei´vvhååid, škoouli, sosialkonttâr, tiõrvâsvuõttkõõskõõzz polikliniikk da
puõccisââi da puk jee´res ve´rǧǧnee´ǩǩivui´m. Psykiaatr vuâsttavälddmõš lij nu´tt õ´httešt mannust.
Miõltiõrvâsvuõtt- da piârvuä´pstempääi´ǩ kääzzkõõzz liâ määuste´mes. Telf. 687 511