Sosiaal- da tiõrvâsvuõtt’tuåimm vu´vddva´stteemkääzzkõõzz
Vä´lddtiõrvâsvuõttpäi´ǩǩ lij ´vvlest Sairaalantie 20:st.
Te´lfonkuvddlõs (687 511) lij äävai arggpeei´vi čiâss 8-16. Ä´ššlaid raaukât ââ´nnet vuõigg nââmrid vuäittmõõžži mie´ldd.
Aanar kåå´dd sosial- da tiõrvâsvuõtt’tuåimm lij se´rddam 2.5.2002 ää´ljee´l vu´vddva´stteem tuåimmjumu´šše. Muuttâs jurddân lij pue´reed kå´ddaazzjid ta´rjjeemnallšem kääzzkõõzzi vuäǯǯamvuõđ.
Vu´vddjuâkk lij oođuum 1.3.2008 puõ´ttinalla:
Viõstâr 1 (tuâl’jõž vu´vdd 1 + Mutamaa)
Viõstâr 2 (tuâl’jõž vu´vdd 2-3)
Itä 3 (tuâl’jõž vuu´d 4-5 di vuu´dest 7 Suâlčiõ´lj vuu´d)
Itä 4 (tuâl’jõž vu´vdd 6 di vuu´dest 7 Saarineitamo, Kerttuoja di Törmänen peä´l vu´vdd).
Aanar kå´dd lij juõkkum vuu´did. Vuu´d liâ nââmartum neellj ååraš piõggi mie´ldd da siid še liâjuõkkum vu´vddjuâǥǥ mie´ldd. Piõgg da nââmarjiârǥ mie´ldd juõkkum vuu´din tuåimmai voudda
nõõmtum tuâjjä´rttel. Tuâjjärttla ko´lle dåhttar, tiõrvâsvuõđhoi´ddjeei, sosialtuâjjla,tiõrvâsvuõttveä´ǩǩteei da dommkääzzkõstuâjjlaž. Tiõrvâsvuõđhoi´ddjeejai beä´lnn pååđnallšem tuejjumuužž liâ ooudâs škooultiõrvâsvuõđhuõll da jie´nnvuõđvuä´pstempäi´ǩǩ da spesialtuâjjlai peä´lest psykoloog. Kå´ddaazzi vuäǯǯa kääzzkõõzzeez jiõccses kuulli piõgg da nââmarjiârǥ mie´lddsa vuu´d tuâjjä´rttlest. Põõšši tuâjjlai meädda åårram diõtt liâ nõõmtum vää´rroummu, kook va´sttee kääzzkõõzzi raajjmõõžžâst. 2.5.2003 ää´ljee´l lij vuäittam aaibâs lo´sses vââ´jj diõtt tuejjeed vaaitõsooccmõõžž jåå´đteei dåhttra. Vuä´nkõsäi´ǧǧsânji kåå´ddaassi vuäitt ä´ššeed še jee´res ku jiõccses kuulli vuu´d dåhttar å´rnn. (hå´t mâka neezzanpuõcci neezzandåhttar å´rnn).
Dåhttri da tiõrvâsvuõđhoi´ddjeejai vuâsttavä´lddempäi´ǩǩen tuåimmai ´vvel vuu´dest tiõrvâsvuõttkõõskõs, Aanar ceerkavsiidâst siid tiõrvâsvuõttpõrtt, Njeä´llmest da Če´vetjääu´rest si´jdde kuulli tiõvâsvuõttpõõrtin.
Ve´rǥǥääi´j åålǥbeällsaž pei´vvrõõttmõš tiõrvâsvuõttkõõskõõzz puõccisââ´jest, te´lf 687 511.