Jee´res kääzzkõõzz
Dåhttartuõđštõõzz
Jee´rab ku pei´vvrõõttâmšõddmõõžžid kuõskki dåhttartuõđštõõzzi diõtt âlgg pâi va´rrjed
vuâsttavä´lddemäi´ǧǧ. Tuõđštõõzz liâ pâi mä´hssemnallšen. Vuâlla 10-ekksa päärna krõõtai
puâccjem diõtt peâmmai vuäǯǯ tuõđštõõzz tiõrvâsvuõđhoi´ddjeejast,
škooultiõrvâsvuõđhoi´ddjeejast le´be seämmapoodd taarbšemnallšem håiddjeällmõõžž diõtt
dåhttrest.
Reseept oođumuš
Reseeptid oođempoodd lij pue´rab ku tõid oođääk jiijjad dåhttar, veä´ǩǩteei le´be
tiõrvâsvuõđhoi´ddjeejain. Tõk oođeet vuâsttavä´lddempoodd le´be tõid vuäitt pu´htted jee´res
äi´ǧǧen oođeem diõtt tiõrvâsvuõttkõõskõ´sse. Vaalmõš reseeptid vuäitt viǯǯâd emansa 2 arggpeei´v
ǩee´jjest tiõrvâsvuõttkõõskǧǧzz vuä´pstõspääi´ǩest.
Joukkta´rǩǩumuužž
Jie´rǧǧes joukkta´rǩǩumuužžid riâžžât õ´httešt ee´jjeest: râ´ddpoorrikõõvvseullmõš le´be
mammografia ǩiiđi da vuõbddčeäppat’poorrikõõvv seullmõš le´be joukkpapa čõõuči.
Tu´tǩǩeemvuârast åårrai vuä´ǯǯa persoonmie´lddsa kåččmoozz.
Dommpuõccihåidd
Dommpuõccihååid jurddân lij dååma jälsteei puä´resoummu le´be vâkkas hååid riâššmõš
mie´rräi´ǧǧsânji le´be ku´ǩesäi´ǧǧsânji håiddplaan da dåhttar tu´mmstõõǥǥ vuâđast.
Juõ´ǩǩ vuu´d jii´jjes tiõrvâsvuõđhoi´ddjeei håidd še dommpuõccihååidaid. Privatdåhttar mie´rruum
tu´tǩǩumuužžin pe´rrjet hâ´ddliist mie´lddsaž mähss.
Pei´vvkirurgia
Vuâsttava´lddi puõccihoi´ddjeei håidd LKS årra plannum sytostaattihååidaid di valmštââll kirurgi
årra mõõnni puõccjid. Ääi´jva´rrjumuš te´lf. 687 545.
Vuämmnam da âânnǩâni kuâđđjam talkkâz
Staanvuõđ diõtt â´lǧǧe vuämmnam da âânnǩâni kuâđđjam talkkâz tuåimted meädda dommtäälain.
Tõid vuäitt viikkâd ´vvel aptekka, kåå´tt âânn huõl talkksi jaukkeem peä´lest. Dommtäälaid
kuâđđjam talkksi noorrmõš o´nnast še pro´blee´mnjie´šši noorrâm poodd. Aanar kåå´dd
čää´ccstrooite´l seilltempääi´ǩest Kaamosčuõkkust arggpeei´vi ve´rǧǧäi´ǧǧen te´lf. 687 262
čää´ccstrooite´l seeiltempääi´ǩhoi´ddjeei.
Veteraanitõrǥsmõs
Veteraantõrǥsmõ´sse ooccât õ´httešt ee´jjjest. Vä´lddveârlaž ooccâmääi´j čõõđtet pääiklaž lõõstin
alggtää´lvest. Ooccâmblaaŋkid vuäǯǯ tiõrvâsvuõttkõõskõõzz da kå´ddve´rǧǧpõõrtâst.
Särnnamterapeutt
Särnnamterapeutt tuåimmai Ruskačuõkku põõrtâst Ruskatie 19, te´lf. 687 209 ve´rǧǧäi´ǧǧen.
Takssaut da jee´res spesialjåå´ttemniâvvai âânnmõš
Dåhttar ǩee´rjat mä´tǩǩko´rvvõõzztuõđštõõzz tå´lǩ te´l, ku panntiõrvâsvuõtt lij leämmaš jåå´đtem
vââ´ǩǩen. Korvvõõzzin tu´mmai KELA pääiklaž konttrest. Snäätnte´mes šõđđmõõžžin kannad
suåppâd ooudbeä´lnn dåhttar le´be KELA pääiklažkonttrin. Kuitt spesialjåå´đtemniâvv ââ´nnem
diõtt taarbšet ko´rvvõõzz ooccâmpoodd. Vuâsttavä´lddemjeällmõõžžâst pe´rrjum kuitt lij še
jåå´ttemtuõđštõs. Vä´lddšeâttmõõžže´ld dåhttar da hoi´ddjeei vuâsttavälddmõ´šše pue´ttmen ââ´net õlmmsaž jåå´ttemniâvvaid. Ä´iǧǧtaaulid vuäǯǯ addrõõzzâst www.matkahuolto.fi