Fysioterapii
Tuejjumuužž jurddân lij tiõrvâz da puõcci oummi vuâđđliikumuužž da tuåimmjemooddvuõđ
âânnmõš da ooudâsviikkmõž. Friskkvuä´pstempääi´ǩnallšem jåå´đtumu´šše da vuä´pstõ´sse vuäitt ooccâd nu´tt, što ij taarbâž dåhttar vuõlttõõzz, leša äi´ǧǧ âlgg va´rrjed. Hoiddu piâššâm diõtt
taarbšet tiõrvâsvuõttkõõskõõzz jii´jjes dåhttri, OYS le´be LKS fysioterapiivuõlttõs.
Tiõrvâsvuõttkõõskõõzzâst vuõlttõssân tuåimmai liâggsaž panntiõrvâsvuõđmaainâs fysioterapiilõstt.
Ä´ššlaž âlgg jiõčč vä´ldded õhttvuõđ fysioterapii ääi´j va´rrjem diõtt.
Ääi´jva´rrjumuš da te´lfonvuä´pstõs vu-pi čiâss 11.30-12.30, telf. 687 528. Vuä´pstem da
ä´ttelpoodd liâ määuste´mes, håidd lij määuslaž. Tän poodd 6 €/vuârr.
Ä´rttli älggem diõtt ââlmtet čõhčča pääiklažlõõstâst. Ǩie´ssmannnuin jiâ leäkku
ä´rtteltuåimmjumuužž.
Nji´šǩǩmaadd-, seä´lǧǧ- da leä´šmmä´rttel noorâ´tte tä´lvvmannuin.
Veä´ǩǩniâvvai lai´nn’jumuš
Veä´ǩǩniâvvaid lai´nn’jet vuä´nkõs- da ku´ǩesäiggsaž âânnmõ´šše fysioterapii konttrest.
Kuu´ǩǩabäiggsa le´be põõšši âânnmõ´šše hå´t mâka kåå´lezstuu´l taarbšumuužžâst vuäitt
puõcci/roodnairuått vä´ldded õhttvuõđ fysioterapiikonttra vu-pi čiâss 11:30-12:30 te´lf. 687 528.
Põssum/puu´ttstum veä´ǩǩneä´vv âlgg pu´htted mååusat tââ´les, ku ââ´nnemtarbb poott.
Tälkkamnallšem tõrǥsmõs
Tõrǥsmõstaarbin saaǥǥstõõlât jii´jjes dåhttrin da fysioterapeutin. Tõrǥsmõs lij bie´ǩǩ puõcci
hååidast, ku tuâjj- le´be tuåimmjemoodd liâ vaar vue´lnn. Tõrǥsmõ´sse vuäitt kuullâd
kuä´ss kuä´ss-a fysioterapii, särnnamterapii, veä´ǩǩniâvvhuõll. Tõrǥsmõsjåå´đtumuš,
šiõttlõõvvâmvalmštõõttmõš da tõrǥsmõs-strooite´lhåidd ko´lle še tälkkamnallšem tõrǥsmõ´sse,
leša čõõđtet jee´res pääi´ǩest.