Nuorituejjumuš

 











Nuorituejjumus
NUÕRIVÄ´LDDUUM Aanar
TILKKUTÄKKI
SELVÄ PELI
INARIN VIESTINTÄPAJA
RADIO INARI
Nuõrituåim ha´ŋǩǩõõzz

Nuõrituåimm dommseeid www.lanuti.fi/inari, 
ääi´jpoddsa ođđâz, lââ´ssteâđaid, kontaktpersoon djn.

Nuorituejjumuš

Kåå´dd vuu´dest tuåimmje kue´htt nuõripõõrt: Stõnõ ´vvlest da
Yrkkä Aanar ceerkavsiidâst (Yrkkä tuejjumuš lij jõskkâm vuõ´ste).
Tilkkutäkki le´be nuõri pääkkte´m pei´vvrõõtti ä´rttel pei´vvrââtt
piâtnâcjeä´ǩǩääi innkåå´ffpõõrtâst le´be Yökkäst ´vvel nuõri- da
sporttpõõrtâst čiâss 20-24, Selvä Peli –diskoin da rock-konseertin.

Tilkkutäkki õõ´njin vuäitak vuäǯǯad maainstemtaaurõõžž, tuärjjõõzz da
staan. See´st vuäitak raukkâd še veä´ǩǩvuõđ, te´l ku tu´st liâ pro´blee´m
hå´t mâka dååma da škooulâst. Poodd- da ääi´jpoddsaž seeidain
kaaunak teâđ kåå´dd vuu´dest riâššâmnallšen nuõripooddin.

Lââ´ss teâđaid aanar nuõrituejjumuužžâst da staarjõõttâmvuäittmõõžžid kaaunak
organisatiatuåimmjem da nuõri tuejjeemä´rttlid ǩiõtt’tõõllâm seeidain da Aanar kåå´dd nuõrituejjumuužžâst.

 

NUÕRIVÄ´LDDUUM Aanar

Mii Õõmâs NuVa?

NuVa lij mâ´te ou´dde viikki nuõri prinsiipp da jiõn kuullâm vuäǯǯmõõžž diõtt.
Nuõrâst še lij vuõiggâdvuõtt särnnad vuâđđjurddjes äšša da
tõ´st nuõrivä´ldduum võboršee´ǩǩ tuåimmje takai aanar nuõr peä´lestsärnnjen.
NuVa pääi´ǩ lij heâlpp vuäǯǯad jii´jjes ä´šš/prinsiipp
kuullâmnalla.
Vuäitt pue´tted vuõssmõsâm juurd, što NuVa jeät valddu tuõđnalla
pââibuž puärddsin, leša tuõttää´ššest tõn kuvddlet.
Nuõrr liâ seârvvna vääžnai puõlvvõk Aanar puo´ttiääi´j beä´lnn.
Nuõr kâ´l vää´ldet lokku.
Što nuõrid vuäǯǯe´češ mâi´d-ne jee´rab ko tå´lǩ jiõn kuullâmnalla vuäǯǯmõõžž,
NuVast lij še jii´jjes mie´rrteä´ǧǧ, ko´st mâŋŋa tu´mmjet
koozz tie´ǧǧid ââ´net. Täin tie´ǧǧin riâžžât hå´t mâka konseertid da jue´jjet
juõ´ǩǩekksaž Rock-aanar cistt.

Nuõrivä´ldduum võboršeǩärttla ko´lle lååi vuässla da juõ´ǩǩkai vää´rrvuässla,
täk mâŋŋa õõutsââ´jest tu´mmje prinsiipp peä´lest da reä´šše
nuõrid themapooddid da praavje kåå´dd aa´ššid, kook ko´lle vuõ´ss´sââ´jeld
nuõri aa´ššid da pue´rrjiellma.
NuVast lij võborse´ǩǩ čuõvtemtuâi lu´vddkåå´ddest
(mie´ldd åårrmõš- da särnnamvuõiggâdvuõtt).
NuVast lij ee´tǩǩâ´sttempäi´ǩǩ da jiõnnvuõiggâdvuõtt še
Selvä Peli tuâjjä´rttlest da päärnaisuõ´jjeem ooudâsviikkâmtuâjjä´rttlest.
Såbbrid ââ´net õ´httešt mannust škooulee´jj äi´ǧǧen.
Lââ´ssen ââ´net obb Sää´mjânnam nuõrivõboršeǩä´rttli õhttsaž sååbbar.

Nääi´t ǩiččlõõđât õhttsažtuõjju puki NuVa -vui´m da vuäǯǯet vääžnai mätt’tõõzzid
jee´res NuVa -in. NuVa tuåimmai bie´ǩǩen kåå´dd nuõrituâi.

 
Nuõripõrtt Stönö

Nuõrid rajjum sosiaalaž kaaunõõttâmpäi´ǩǩ, ko´st sij vuei´tte kaaunõõttâd seämma âkksaivui´m valvvum pirrõõzzâst.
Äävai: Vu-Se da Pi čiâss 17-20
´vvel sportt- da nuõripõõrtâst, Vasantie 1
K-13
- Siõr, Pleikkar, Teâttmašina, Biljard, Pingis, Ga´zeât, TV, maainstemtaaurõõžž čeei-kåå´ffkoo´ppe paaldâst….

Innkåå´ffpäi´ǩǩ YÖKKÄ
äävai Pi čiâss 20-24, 7-8 klass tå´lǩ čiâss 22 räjja.
Nuõri-vuõi´ǧǧeeja: Pirkko Mäenpää te´lf. 040 569 4011
Ronja Kyrö te´lf. 0400 286 498

Gospel-kåå´ffpäi´ǩ äävai sue´vti čiâss 20-24.
Riâššjen lij Helluntaisie´brrkå´dd, vasttõspersoonân Ulla Ruotsalainen (040-0836432).


TILKKUTÄKKI
Ee´jjest 1994 nuõri kõõskâst kaggõõđi huõll taaurõõžži lâssnam šää´l’jemliõm âânnmõõžžâst. Saaǥǥstõõllmõõžži vuâđast ra´jješ nuõri pääkkte´m pei´vvrõõttji kruugg. Ee´jjest 1995 liâ škoou´l´jum piiriee´jji ođđ pei´vvrõõtti da lââ´ssškoou´l’jumuužžid ââ´net taarb mie´ldd.


Tilkkutäkki pei´vvrââtt Yökkäst (Stönöst) Piâtnâcpeei´vi čiâss 20-24 di pukin nuõrituåimi riõššum Selvä Peli- pooddin. Yökäst pei´vvrõõtti liâ nuõri tuä´rjjõsne´ǩǩen da staannân, maainstemtaaurõššân. Pei´vvrõõttmõš jeä´ǩǩääi tuåimmjet vuâđđjurddji mie´ldd: jânttaåårramõõlǥtumuš, na´ddjõs, akuut vie´ǩǩ tarbb. Õhttsažtuâi tuejjeet jee´res ve´rǧǧnee´ǩǩivui´m jm. Peänecčuõvtempoodd.

Mie´ldd piâssak vuâđđškoou´l’jumu´šše, te´l ko leäk tiuddâm 15 ee´ǩǩed. Tuåimmjumuužžâst lookkjiškooulnee´ǩǩ vuä´ǯǯe kuurs da sosialvuu´did oocci nuõr vuä´ǯǯe lââ´ssceäkldõõzzid.

Lââ´ssteâđ: Pirkko Mäenpää te´lf. 040 5694011


 SELVÄ PELI


  • Inarilainen peänecte´mes tuåimmjemvue´jji peä´lest tuåimmjeei ha´ŋǩǩõs ee´jjest 1999.

  • Päärnai da nuõri pue´rrjie´llem ooudâsviikki

  • Määŋgämmatlaž õhttsažtuâjjsäi´mm ve´rǧǧnee´ǩǩi kõõskâst

  • Täävtõõzz: -kägg nuõri šää´l’jemliõmmâânnmõõžž altteemee´jj
    - čuõvted takai maainstumuužž peänecooddi diõtt da šõddeemvasttõõzzâst pääiklanji da õlmmsânji

  • Põõšši poodd: SP-sähly, sie´brrpeei´v, discot da rock – poodd, peänecčuõvtõs 5-6klass dno.


Tuâjjä´rttel: Sámi Soster ry, ´vvel Helluntaisie´brrkå´dd/nuõrituâjj, ´vvel pââibužškooul, Nuõrikõõskõs Vasatokka, Aanar sie´brrkå´dd, Aanar kå´dd/nuõrituâjj, Aanar nuõrivä´ldduum, 4H

Kontakt-teâđ: Saaǥǥjåå´đteei: Inger-Anne Äärelä te´lf. 040 760 9338
Vää´rrsj. Mika Suomaa te´lf. 0400 239 383
Piisar. Ronja Kyrö te´lf. 0400 286498

INARIN KUNNAN VIESTINTÄPAJA

Tuâjj’jie´llma da škoou´l’jumu´šše vuõiǥstõ´tti mediateäddsaž nuõri tuâjjpõrtt lij leämmaž ju´n ee´jjest 1989.

Täävtõssân obb tuåimmjumuužž ääi´j lij leäm nuõri tuâjj’jeärmaǩ- da škoou´l’jumu´šše ooccâmvaalmõšvuõđ pue´rumuš.
Tuâjjpõrtt tuâjain lij jõnn miârktõs čårrõõttmõõžž cõõggõõttmõõžžâst Aanar kåå´ddest. Tuâjjpõrtt lij ouddam vuäittmõõžžid nuõrid, kooi spraavdõttum le´be kõõskräjja pää´ccam vuâđđškooul, lookkjiškooul le´be ämmatlaž škoou´l’jumuužž mââipeällsaž juätkksâjjdõõttmõš lij mõ´nne diõtt kuâđđjam äävai, äi´ǧǧ smiõttâd jiõccses juätkk’kue´ste´lmid.
Vuåǯǯum praksiizz di teâđnallšem mätt kääzzkâ´stte nuõrid juätkkjie´llma ǩiiččǩâni tõõzz, mõõnnallšem škoou´l’jumu´šše le´be tuõjju sij mâŋŋa tuâjjpõõrtperioodd mâ´nne. Vä´lddtäävtõssân i´llakku leäm tõt, što sakkumušpõrtt tuejjad sakkeemvuu´d mätt´tõõttjid le´be ämmatlaid, hå´t måttmi puõtt ämmatvoudda ǩiõččlõddmõš lij mâŋŋa tuâjjpõõrtperioodd še šõddâm. Nuõri tuâjjpõõrt staattus lij miârkksõõvvâm tõn, što âlddsin mokksteǩâni puk sakkumuužžpõ´rtte tuõjju valddum liâ vuõssmõs tuâjjõhttvuõđ ä´lǧǧem poodd leämmaž 17 - 25 –âkksa.

Kontakt-teâđ: Nuõripiisar Seppo Körkkö te´lf. 0400 313 532

 

RADIO INARI
Lää´ddjânnam tââvmõs pääiklažradia!

Radia Aanar lij ju´n aalgâst Aanar kriistlaž meerlažškooul vaaldšem tuåimmlåå´v vue´lnn tuåimmi mätt’temradia. Tänpoddsaž puu´t’teem programm nuäjjââtt tõõzz, mâi´d ouddâl lij tuejjuum, leša vuõltteemääi´j liâ lââ´zztum. Radia Aanar teknlaž pie´ll oudd vuäittmõõžž tuejjeed nåkkam prograammid, kåå´tt ǩeâllai ve´rddeem. Radia Aanar vuõlttâd pei´vvpoodd jåå´đtumu´šše kuulli da ääi´jpoddsaid prograammid, di määŋgpeällsa musiikk åårsteǩâni arggpeei´vi. Neä´ttellooppin såitt åårsteǩâni maai´lm pue´rmõs radiajukeboxi!
Radia Aanar dommseeid, programmkartt da kontakt-teâđ käunnje seeidast: www.lanuti.fi/inari



Nuõrituåim ha´ŋǩǩõõzz:

Oocci käunn

 lij Mätt’tõsministeria teäggtem oocci nuõrituâi ha´ŋǩǩõs. Ha´ŋǩǩõs veäǩǩad nuõrid kaunnâd jii´jjes nuõrrpoddsa ååraš šõddmõõžž vuõrâsooumžen. Tuâjjlain vuäitt pue´tted maainsted miõl â´lnn åårrai aa´ššin hå´t mâka škoou´l’jumužž diõtt.
Oocci tuâi ha´ŋǩǩõstuâjjla käunn arggpeei´vi Aanar kåå´dd Sakkumušpõõrtâst čiâss 9-16 kõskksaž äi´ǧǧen le´be nââmrest 0400 239 535.



KaloriGeelit,

ääi´jben cõõggõõttâm nijddtuâi ǩiõččlõddâmha´ŋǩǩõs Aanrest.
Ha´ŋǩǩõõzz täävtõssân lij tue´rjjeed niõđid sij rävvsmumuužžâst vuõrâsooummžen. Pââibužškooul- da lookkjiškooulnee´ǩǩ âkksaid niõđid riâžžât juõ´ǩǩ neä´ttli kaaunõõttâm- da jurddivaaitem kaaunõõttmõõžžid Aanar kåå´ddest puõ´ttinalla: ´vvel Se čiâss15-17, Aanar M čiâss15-17 da Če´vetjäu´rr 2 vuâra/mp NJ 14.30-18.
Lââ´ssteâđaid: nuõri-vuõi´ǧǧeeja: Ronja Kyrö te´lf. 0400 286 498