Anára gieldda proyra
Stuorámus ja čábbaseamos
*
Anára gielda lea Suoma stuorámus, badjel 17 000 km2. Čáhceviidodat lea badjel 2 000 km2,
mas Anárjávrri oassi lea sullii bealli. Duháhiid jávrriid ja sulluid gaskii čáhket
čuođit duoddarat, mat hábmejit duovdaga profiilla.
Test World
Modearna ja dynámalaš
*
Jagiáiggiid čielga molsašuddamat addet earret hástalusaid, maiddái
vejolašvuođaid. Anár lea ceavzilit geavahan ávkin
áidnalunddot iešvuođaidis ealáhuseallimis. Árbevirolaš
ealáhusaid bálddas ee. galbmateknologiija ja árktalaš
luondoturismma ovddideapmi leat Anára gieldda otná beaivve ja boahttevuođa dehalaš oassi. Ovttasbarggus sierra suorggi máhttit ja
báikkálaš fitnodatdoallit leat ráhkadan jotkkolaččat ovdáneaddji bálvalusaid
fierpmádaga, mii dahká vejolažžan máŋggabealat doaimma
ja turismma Anára gielddas.
Idjadanmolssaeavttut leat nu smávva
giliid meahccegámppáin go Suoločielggi
turismaguovddáža hušasge.äkuntoinen tieverkko ja kansainvälinen Ivalon lentokenttä mnopean j
Máŋggagielat ja -kultuvrralaš
*
*
Sápmelašvuohta lea Anára gieldda máŋggakultuvrralaš árbbi oassi. Sápmelaččat
leat eamiálbmot, mas lea iežas ivdnás kultuvra, giella, identitehta
ja historjá. Anár lea Suoma áidna njealjegielat gielda, gos suoma lassin
hállojuvvo anáraš-, nuortalaš- ja davvisámegiella.
Kultuvrralaččat rikkis ja áidnalunddot sápmelašvuohta lea anárlašvuođa dehalaš oassi.
Dálá sápmelašvuohta njađđása tradišuvdnii lunddolaččat. Boazodoallu,
duodji, guollebivdu ja meahcástus leat ain dehalaččat, muhto báldii leat badjánan maiddái eará ealáhusat. Sámekultuvra lea jo árbevirolaččatge riikkaidgaskasaš. Sámeálbmot ássá njealje riikka viidodagas: Suomas, Ruoŧas, Norggas ja Ruoššas.
Rikkis luonddustis
*
*
Anára meahcceluondu ohcá veardásačča máilmmis. Máŋggabealat
njeallje jagiáigge fállet milliičuohcci vasáhusaid:
beaivváža ijahis ija geasis, čavčča šleađgu ivnniid ruškkis,
buhtes muohttaga ja jieŋa dálvet, luonddu gildima ja lihkkama
giđđat.
Legendáralaš Leammi ja Avviljoga golleguovllut giktalit
turisttaid ohcat lihku ja boršu guoikkat hovkkahallet
meahccejohttiid milliičuohcci fearánastimii. Anárjávrri áibmadas ja
dološ Áddjá bohciidahttá gudnejahttima mátkkálaččas.
Leammi álbmotmeahcci ja vánddardanbálgát fállet
erenomáš vejolašvuođaid luonddus johtimii ja vánddardeapmái. Jiekŋa-
skábmaáigge hálddašan dálveeatnamii beasat oahpásmuvvat
viiddes láhttofierpmádaga vehkiin, dahje gielkasafáraid fárus álot
Jiekŋameara rádjai.
Aktiivvalaš Anár šaddá luonddu eavttuiguin. Fámolaš ja gievrras luondu lea Anára resursa, mii gáhttejuvvo stuorra váimmuin.
Anár lea fámolaš luonddustis.