Lávvaráhkadangeahčastaga

 

Gielda galgá uhcimustá oktii jagis ráhkadit geahčastaga gielddas ja
eanangotti lihtus jođus leahkki ja lagašáiggiin ovdanboahtti lávvaáššiin,
mat eai leat mearkkašumi dáfus uhcánačččat (lávvaráhkadangeahčastat).

Das čilgejuvvojit oanehaččat lávvaáššit ja daid gieđahallanmuttut ja maiddái dakkár
mearrádusat ja eará doaimmat, maiguin lea njuolggo váikkuhus lávvaráhkadeami
vuolggasajiide, ulbmiliidda, sisdollui ja ollašuhttimii. EHL 7 §

 Lávvaráhkadangeahčastagas ovdanbukton čuozáhagaid lassin sáhttet
álgit maiddái eará lávvaráhkadanfidnut.

Lávvaráhkadangeahčastaga dárkkuhussan lea viiddidit gieldalaččaid
dieđuoažžuma ja oassálastinvejolašvuođaid lávvaráhkadeapmái.

Lávvaráhkadangeahčastagas leat logahallon Anára gieldda buot lávat.
Dat leat oaidninláhkai Anára gielddadálu teknihkalaš ossodagas Avvilis.

Lassidieđut lávvaáššiin:

Lávvainšenevra Pekka Junttila

pekka.junttila@inari.fi
tel. 016 687261

 

GUOVLLUIDGEAVAHEAMI PLÁNENVUOGÁDAT

Riikkadási guovlluidgeavahanulbmiliid galgá váldit vuhtii
guovlluidgeavaheami plánemis nu, ahte ovddiduvvo daid ollašuhttin.

Ulbmilat leat juhkkojuvvon almmolaš- ja sierraulbmiliidda.
Almmolašulbmilat leat luonddu beales prinsihpalaš dihkkádeamit,
mat vuhtii váldojit eanangoddelávvaráhkadeamis, maid bokte dat bohtet
váldojuvvot vuhtii maiddái oppalaš- ja sajádatlávvaráhkadeamis.
Sierraulbmilat leat guovlluid geavaheami ja dan plánema guoskevaš
čadni geatnegasvuođat. Dat gusket maiddái sajádatlávvaráhkadeami.

Eanangoddelávva lea oppalaš plána, mas ovdanbuktojit guovlluid
geavaheami ja servodatráhkadusa linjját ja prinsihpat.
Eanangoddelávva lea rávvagin go ráhkaduvvo ja rievdaduvvo oppalašlávva
ja sajádatlávva ja maiddái go álgojuvvo muđui doaibmabijuide guovlluid
geavaheami ordnema várás.

Virgeoapmahaččat galget, go plánejit guovlluid geavaheami guoskevaš
doaibmabijuid ja go mearridit daid ollašuhttima birra, váldit vuhtii eanangoddeláva,
ja geahččalit ovddidit láva ollašuhttima ja fuolahit, ahte doaibmabijuin ii váttásmahtto
láva ollašuhttin.

Oppalašlávva dahje oasseoppalašlávva lea gieldda doaimmas ráhkaduvvon
eanageavaheami plána, man sáhttá ráhkadit sisdoalu ja vuoigatvuohtaváikkuhusaid
dáfus sierraláganin. Vuoigatvuohtaváikkuhuslaš oppalašlávain sáhttá stivret jogo
guovlluid plánema dahje njuolgga huksema, ovdamearkan
gádde- dahje gilliviidodagain.

Sajádatlávva lea gieldda doaimmas ráhkaduvvon plána dárkilis
huksemis. Lávvakárttas čujuhuvvojit dárkilit huksenkoartiliid ráját,
gáhttaviidodagat ja eará almmolaš viidodagat.
Sajádatlávas meroštallojit maiddái koartilviidodaga huksemii
váikkuheaddji guovddáš dahkkit, nugo guovllu
geavahandárkkuhus ja huksenvuoigatvuohta.

Gáddesajádatlávva lea eanaeaiggáda doaimmas ráhkaduvvon
sajádatlávva gáddeeatnamii.
Huksenortnet stivre huksema heailla gieldda viidodagas.
Dat sisttisdoallá mearrádusaid lohpemeannudeamis ja
stivre huksenvuogi buori ássan- ja
eallinbirrasa sihkkarastima várás.
Huksenortnet lea dehaleamos huksenlohpevihkkahallama
vuođđu guovlluin, gos ii leat vuoigatvuohta-váikkuhuslaš lávva.

Eanageavahan- ja huksenláhka ja – ásahus

Eanageavahan- ja huksenlágas (EHL) ja - ásahusas ( EHÁ ) leat

guovddáš njuolggadusat lávvaráhkadanmeannudeamis.

 

SAJÁDATLÁVVAMEANNUDEAMI VÁLDOOASIT

1. MEARRÁDUS LÁVA RÁHKADEAMIS

2. PLÁNEJEADDJI VÁLLJEN

3. LÁVVARÁHKADEAMI VUOĐĐOKÁRTTA DÁRKKISTEAPMI JA DOHKKEHEAPMI

4. LÁVVARÁHKADEAMI JOHTUIBOAHTIMIS ALMMUHEAPMI (EHL 63 §)

5. VIRGEOAPMAHAŠRÁĐĐÁDALLAN (EHL 66 § EHÁ 26 §)

6. OASSÁLASTIN- JA ÁRVVOŠTALLANPLÁNA OAIDNINLÁHKAI ÁSAHEAPMI

7. HÁPMOSIID JA PLÁNENMATERIÁLA OAIDNINLÁHKAI DOALLAN / DILÁLAŠVUOHTA OAIVILA

OVDANBUKTIMII OASSÁLASTIN- JA ÁRVVOŠTALLANPLÁNA MIELDE

(EHL 62 §, EHÁ 30 §)

8. MEARRÁDUS LÁVVARÁHKADEAMI JOATKAGIS

EVTTOHUSMUDDU

9. LÁVVAEVTTOHUSA ÁSAHEAPMI OAIDNINLÁHKAI (EHL 65 § EHÁ 27 §)

10. CEALKÁMUŠBIVDAGAT LÁVVAEVTTOHUSA BIRRA OASSÁLASTIN- JA

ÁRVVOŠTALLANPLÁNAS MÁINNAŠUVVON VIRGEOAPMAHAČČAIN JA ORGANISAŠUVNNAIN

11. VÁSTÁDUS MUITTUHUSAIDE JA CEALKÁMUŠAIDE

12. II-VIRGEOAPMAHAŠRÁĐĐÁDALLAN DÁRBBU MIELDE (EHL 66 § EHÁ 26 §)

13. LÁVVAEVTTOHUS ÁSAHUVVO OĐĐASIT OAIDNINLÁHKAI, JUOS DAT LEA DOVDOMASSII

RIEVDADUVVON (EHÁ 32 §)

14. TEKNIHKALAŠ LÁVDEGODDI

15. GIELDDARÁĐĐEHUS

16. VÁLDOSTIVRA; LÁVA DOHKKEHEAPMI (EHL 52 §)

17. DIEĐIHEAPMI LÁVA DOHKKEHEAMIS

18. NUPPÁSTUSA OHCAN ROAVVENJÁRGGA HÁLDDAHUSRIEKTÁI

19. DIEĐIHEAPMI FÁPMUI BOAHTÁN LÁVAS (EHL 200 § EHÁ 93 §)

20. ÁIGGEDÁSSELÁVA BEAIVÁDEAPMI (EHÁ 29 §)