Eará bálvalusat


*
Doaktárduođaštusat
Eará go gohcindáhpáhusaide gullevaš doaktárduođaštusaid várás
galgá álo várret vuostáiváldináiggi. Duođaštusat leat dábálaččat mávssuvuložat.
Vuollái 10-jahkásaš máná fáhkkatlaš buohccámis máná fuolaheaddji
oažžu duođaštusa dearvvasvuođadivššáris, skuvladearvvasvuođadivššáris
dahje áššáigullevaš dikšunfitnama oktavuođas doaktáris.
*
Reseptta ođadeapmi
Resepttat ávžžuhuvvojit ođaduvvot iežas doaktára, veahki
dahje dearvvasvuođadivššára luhtte.
Dat ođaduvvojit juogo vuostáiváldima oktavuođas dahje
daid sáhttá buktit sierra ođadeami várás dearvvasvuođaguovddážii.
Gárvves resepttaid sáhttá viežžat áramustá 2 árgabeaivve
geažes dearvvasvuođaguovddáža rávvenbáikkis.
*
Joavkodárkkisteamit
Systemáhtalaš joavkodárkkisteamit lágiduvvojit oktii jagis:
raddeborassevlen ns. mammografia giđđat ja goađđočottaborrasa
sevlen ns. joavkopapa čakčat.
Dutkanvuorus leahkkit ožžot persovnnalaš bovdehusa.
*
Ruoktobuohccedikšun
Ruoktobuohccedikšuma dárkkkuhussan lea ruovttus ássi
boarrása dahje lápmása dikšuma ordnen mearreáigásaččat
dahje guhkálaččat dikšunplána ja doaktára mearrádusa vuođul.

Guđege guovllu iežas dearvvasvuođadivššár dikšu
maiddái ruoktobuohccedikšuma.

Priváhtadoaktára mearridan dutkamušain
berrojuvvo haddelogahallama mielde sierra máksu.
*

Beaivekirurgiija
Vuostáiváldima buohccedivššár dikšu LKS plánen
sytostáhtadivššuid ja maiddái válmmaštallá čuohpadeapmái manni buohcciid.
Áiggivárren tel. 687 545.
*

Boarásmuvvan ja geavatkeahttá báhcán dálkasat
Dorvvolašvuođasivaid dihte galgá boares ja geavatkeahttá
báhcán dálkasiid fuolahit eret dállodoaluin.
Daid sáhttá doalvut Avvila apteikii, mii ordne daid duššadeami.
Dállodoaluide báhcán dálkasiid čoaggin dáhpáhuvvá maiddái
problemabázahusaid čoaggima oktavuođas
Anára gieldda čáhcelágádusa vuorkkás Kaamosties árgan
virgeáigge, tel. 687 262 čáhcelágádusa vuorkádikšu.
*

Veteránaveajuiduhttin
Veteránaveajuiduhttimii ohccojuvvo oktii jagis. Fásta ohcanáiggit almmustahttojit báikkálaš aviissas álgojagis. Ohcanskoviid oažžu dearvvasvuođaguovddážis ja gielddadálus.
Hállanterapevta
Hállanterapevta doaibmá Ruskatie lanjadagain Ruskatie 19, tel. 687 209 virgeáigge.
Tákse ja eará sierrafievrruid geavaheapmi
Doavttir čállá mátkebuhtadusduođaštusa dušše dalle, go buozalmas leamašan sáhtu sivvan. Buhtadusain mearrida ÁEL báikkálašdoaimmahat. Eahpesihkkaris dáhpáhusain gánneha soahpat ovddalgihtii juogo doaktára dahje ÁEL báikkálašdoaimmahagain. Kuite sierrafievrru geavaheamis dárbbašuvvo buhtadusa ozadettiin. Vuostáiváldinfitnamis berrojuvvon mávssus ožžojuvvon kuite lea maiddái fitnanduođaštus. Dábálaččat doaktára ja divššára vuostáiváldimii boađidettiin geavahuvvojit almmolaš fievrrut. Áigetávvaliid oažžu čujuhusas www.matkahuolto.fi