Birasdearvvasvuohtafuolahus ja šibitdálkkodanfuolahus

Latutie 1
99800 Avvil

 

Anára ja Ohcejoga oktasaš birasossodat vástida gieldda birasdearvvasvuođafuolahusa ja birasgáhttema virgeoapmahašbargguin. Oktasaš doaibmaorgánan lea Anára sosiála- ja dearvvasvuohtalávdegotti birasjuogus.
Birasossodaga doaimma ulbmilin lea sihkkarastit Anára ja Ohcejoga ássiide guoibmás ja dearvvaslaš eallinbirrasa ja maiddái seailluhit guovllu luonddu doaibmannávcca ja máŋggahámatvuođa.

Birasossodaga lágas ásahuvvon barggut leat:
- gieldda birasgáhttenbarggut
- birasdearvvasvuohtagohcin, masa gullet borramušgálvogohcin, dearvvasvuođasuodjaleami gohcin, buvttadorvvolašvuohtagohcin, duhpátlága gohcin ja kemikálagohcin
- ealliiddávdalágas ja ealliidsuodjalanlágas dárkkuhuvvon barggut
- ealliiddálkkodanfuolahus (sibitdoavttirvuođđobálvalusat)

Birasgáhtten

Anára gielddas leat birasgáhtten- ja biraslohpeáššit čohkkejuvvon ovtta virgeoapmahažžii. Dárkkuhussan lea ollašuhttit eanet seammasullasaš birasváikkuhusaid árvvoštallama muhtin lohpe-, almmuhus- ja plánaáššiid gieđahallamis. Seamma háve figgo dasa, ahte buoriduvvojit válmmašvuođat ovddidit luonddu- ja birasgáhttema dearvvaslaš, guoibmás ja rikkis birrasa sihkkarastima dihte buohkaide Anára gieldda ássiide ja maiddái gielddas galledeaddji mátkkálaččaide.
Jagi 2004 álggus bođii fápmui stáhtaráđi ásahus (542/2003) dállodoalloduolvačáziid gieđahallamis čáhcefuolahuslágádusa duolvačáhcebohccefierpmádaga olggobeale guovlluin. Ásahusa ulbmilin lea geahpedit dállodoalloduolvačáziid luoitimiid ja birrasa billašuvvama. Loga olles dieđáhusa pdf-hámis dás.

Evttohus birasgáhttenmearrádussan
Birasgáhttenmearrádusaid vuođustusat

Biras- ja dearvvasvuohtagohcima ulbmilin lea ovddidit ja doalahit gielddas eallinbirrasa dearvvaslašvuođa, geahpedit eallinbirrasa dearvvasvuođa hehttehusaid ja eastadit eallinbirrasis boahtán dearvvasvuohtahehttehusaid.
Borramušgálvo- ja golahandávvirgohcima ulbmilin lea golaheaddji suddjen dearvvasvuođa hehttehusain, várain ja bárttiin. Bargui gullá maiddái heittot, soamehis borramušgálvvuid ja opmodahkii váralaš golahandávviriid ja golaheaddjibálvalusaid vuovdima vuostá suddjen.

Birasovttadaga doaimma jođiheaddji plánat:

Birasdearvvasvuohtafuolahusa gohcinplána 2008-2010, beaiváduvvon 2009
Dearvvasvuođasuodjaleami gohcinplána jahkái 2009
Borramušgálvogohcinplána jahkái 2009
Buvttadorvvolašvuohtagohcinplána jahkái 2009
Duhpátlága gohcinplána jahkái 2009
Kemikálalága gohcinplána jahkái 2009

Táksta :  Birasossodaga virgeoapmahašdoaimmas berrojuvvon mávssut

Buvttadorvvolašvuohtagohcin Anáris ja Ohcejogas

Buvttadorvvolašvuohtagohcin guoská golaheaddjiid geavahan dávviriid ja bálvalusaid dorvvolašvuođa. Muhtin dávvir- ja bálvalusjoavkkuid dorvvolašvuođa gohcin lea goitttotge sierra mearriduvvon eará virgeoapmahaččaide. Listá dáin gávdno Golaheaddjiiddoaimmahaga interneahttasiidduin.

Buvttadorvvolašvuođa vuođđonjuolggadusat leat merkejuvvon láhkii golahandávviriid ja golaheaddjibálvalusaid dorvvolašvuođas (75/2004). Lága mielde buvtta dahje bálvalus ii oaččo dagahit áitaga golaheaddji dearvvasvuhtii dahje opmodahkii. Máŋggaid buvttajoavkkuid dorvvolašvuođas lea maiddái dárkilis láhkaásaheapmi (ovdamearkan duhkorasat, kosmetihka ja elrávdnjerusttegat).

Láhka ii guoskka vahátbuhtadusvuoigatvuođalaš gažaldagaid. Golaheaddji ekonomalaš dorvvolašvuhtii guoski áššiin lea ásahuvvon golaheaddjisuodjelágas.

Buvttadorvvolašvuohtaláhkaásaheami mielde váldovástu dávviriid ja bálvalusaid dorvvolašvuođas lea ealáhusbargis (válmmašteaddji, eatnamii bukti, vuovdi dahje bálvalusa buvttadeaddji) dahje eará bálvalusbuvttadeaddjis (ovdamearkan gielda dahje searvegoddi). Bálvalusbuvttadeaddjit galget maiddái doaibmat skihkalaččat ja sihkkarastit, ahte bálvalusa geavaheamis ii boađe áitta golaheaddjiide dahje lahkosa olbmuide. Dat gáibida geavadis muhtinlágan iežasgohcinvuogádaga.

Buvttadorvvolašvuohtaláhkaásaheapmi ii guoskka oktasaččat ávkkálaš servviid, nugo valástallanservviid ja iskárlihkaduslihppogottiid dalle, go dat fállet doaimma dušše lahtuide iige jearaldat lea ealáhusdoaibman rehkenaston bálvalusain.

Virgeoapmahaččat gohcet láhkaásaheami čuovvuma. Gohcin čuozihuvvo riskkaárvvoštallama vuođul. Bálvalusaid (ovdamearkan prográmmabálvalusat, čierastallanmiellit ja vuojadanhállat) dorvvolašvuođa gohcet váldoáššis gielddat, Anáris ja Ohcejogas birasdárkkisteaddji. Buvttadorvvolašvuohtagohcin lea gielddaid lágas ásahuvvon bargu. Golahandávviriid dorvvolašvuođa gohcá váldoáššis Golaheaddjiiddoaimmahat.

Virgeoapmahaččaid dárkkistusat sáhttet leat maiddái ovddalgihtii almmukeahtes iskosat. Birasdearvvasvuođafuolahussii gullevaš gohcimis leat dahkkon gohcinplána ja gohcinplánai gullevaš dárkkistusat leat mávssuvuložat. Buvttadorvvolašvuohtagohcinvirgeoapmahaččat eai ovddalgihtii dárkkis dahje dohkket bálvalusaid dahje buktagiid.

 Buvttadorvvolašvuohtagohcinplána jahkái 2009

Ealliiddálkkodanfuolahus vástida:
- šibihiid/ealliid dearvvasvuođa ja buohcuvuođa dikšumis ja šibitdoaktára eará veahki addimis
- ealliiddávddaid vuostálastimis ja ovddalgihtii eastadeamis
- ealliidsuodjalangohcimis
- eanadáluid ealliin dahkkon borramušgálvvuid álgobuvttadeami gohcimis

Áiggivárren Avvila vuostáiváldimii lea árgan dmu 8 - 9 telefonnummiris 016-663 330 ja Ohcejoga vuostáiváldimii nummiris 0400-346 812.
Gohcci šibitdoaktára oktavuohtadieđut buot áiggiin telefonnummiris 016-663 330.Gohcináigge

 ( árgan dmu 16 – 08, vahkuloahpain ja allabasiin be dmu 16 – vu dmu 08 ) dikšojit dušše hohpolaš buohccándáhpáhusat.

Boazodoallu lea dehalaš báikkálaš ealáhus, nu ahte bohccuid dálkkodanbálvalusat gielddas leat eanaš čakčat ja dálvit bigálusaid áigge ja daid oktavuođas ealihanbohccuid boahkuhemiid áigge. Gielddašibitdoaktárat vástidit maiddái gielddas doaibmi boazonjuovahagaid biergodárkkistan- ja gohcinbargguin Lappi leanaráđđehusa mearridan siidodoaibmasaš bohccobiergodárkkistan- šibitdoaktárin. Buot ávkeealliide (bohccot, gusat, heasttat, reahkabeatnagat, rádjegozáhusa ja tuollu beatnagat) lágiduvvojit ealliiddálkkodanvuođđobálvalusat ja oassálasto álgobuvttadeami ovddalgihtii eastadeaddji dearvvasvuođafuolahussii.

Biebmoealliide fállojit ealliiddálkkodanfuolahuslágas dárkkuhuvvon ealliiddálkkodanvuođđobálvalusat. Gielddašibitdoaktáriid vuostáiváldimiin dahkkojit maiddái vejolašvuođaid mielde smávvaealliide dipmaoassekirurgalaš čuohpadeamit ja eará doaibmabijut.

Birasossodaga Avvila šibitdoaktáriid doaibmalanjadagat leat dearvvasvuođaguovddáža bálddas čujuhusas Latutie 1.

Dearvvasvuohtadárkkisteaddji ja birasdárkkisteaddji doaimmahagat leat dearvvasvuođaguovddáža Avviljoga beale soajás lanjain C 106 ja C110.

Ohcejogas šibitdoaktára vuostáiváldinlatnja lea MGDL lágádusa oktavuođas. Gohcindáhpáhusat dikšojit maiddái šibitdoaktára Marja Nuorgam čujuhusas Karigasniementie 3955.

Dearvvasvuohtagohcima hoavda/
Gielddašibitdoavttir Maarit Kyrö
tel.016-663 330, 0400-398 908

Gielddašibitdoavttir
Marja Nuorgam ( Ohcejohka)
tel. 0400 346 812

Gielddašibitdoavttir

Pentti Kyrö
tel. 0400 291 822

Dearvvasvuohtadárkkisteaddji
Minna Saramo-Nissilä
tel. 0400 326 512

Birasdárkkisteaddji
Juhana Jalkanen
tel. 0400 662 510