Barggolavuohta
Barggolašvuohta
Anára gieldda barggolašvuođa fuolahanbálvalusaide gullá doarjjabargoprográmmas, nuoraid geassebargguin ja oahppasoahpamušdoarjjain fuolaheapmi. Barggolašvuođaáššiid vástideaddji dikšun doaibmá Revontuli – vuođđudusa doaimmahatčálli Pirjo Kotikangas.
Gielda addá barggu doarjjabargoprográmmain sullii 15 olbmui mánotbajis. Doarjjabargosajit leat gieldda sierra hálddahusgottiin ja daidda válljejuvvojit bargguhis olbmot, geat leat vuoigadahtton / sáhttet oažžut stáhta mieđihan bálkádoarjaga.
Nuoraid bargoeallima dovdamuš lasihuvvo nu ahte mieđihuvvo geassit doarjja fitnodagaide ja servošiidda, geat fállet barggu 15-25 – jahkásaš nuoraide. Doarjagis dieđihuvvo dárkilabbot giđđat báikkálaš mediaid bokte.
Anára gielda mieđiha oahppasoahpamušdoarjaga ámmátlaš vuođđo- ja lassiskuvlemii.
Lasi dieđuid ja bargiid oktavuohtadieđuid gávnnat vuođđudusa ruoktosiidduin www.revontuli-saatio.fi
Anára gielddas lea maiddái várrejuvvon sierra mearreruhta dakkár nuoraid ja studeanttaid bálkáheapmái, geat livčče geassit vuoigadahtton lagamustá áigáiboahtodoarjagii. Mearreruđa geavaheamis vástida sosiáladoaibma.
Revontuli-vuođđudus lea Anára gieldda j. 2005 vuođđudan sosiálalaš barggolašvuođaovttadat. Vuođđudus joatká j. 2000 álggahuvvon sosiálalaš barggolašvuođa árbevieru Anára gielddas.
Vuođđudusa dárkkuhussan lea ovddidit Anára gielddas barggu oažžuma vejolašvuođaid ja eastadit olgguštuvvama. Bargo-, ovttatolbmo- ja joavkoválbmendoaimma vehkiin ovddiduvvojit olbmo bargo- ja doaibmannákca, ja maiddái válmmašvuođat beassat bargomárkaniidda. Bargoválbmen dáhpáhuvvá nama mielde barggu olis, mii ollašuhtto vuođđudusa bargobájiin; birasbájis ja EkoTerminalis. Ovttatolbmoválbmen fas lea bálvalanjođiheapmi ja ságastallan ovttatolbmo árgga hálddašeamis ja doaibmannávccas. Joavkoválbmen vuođđudusas ollašuhtto vahkkosaš joavkoságastallamiid ja doaibmanbeivviid hámis.
Bargo- ja ovttatolmmošválbmenbálvalusaid lassin vuođđudusa dehalaš bargun lea ovttasbarggus eará doaibmiiguin ovddidit barggolašvuođa báikkálaš čoavdinmálliid ja maiddái ođadit ovddidanfidnuid.