Pargojuávhu virkosmittem- já luámusaje Cissáá
Aanaarjäävri riddoost Njellim meccikuávlust lii Cissáánjaargâ tupe, mon Aanaar kieldâ finnij jieijâs omâstusân ive 1975. Puáris aassâmkiedi tupe kuulâi tađe ovdil kyelipivdee Heino Olavi Sarren. Ive 1979 rääjist tupe lii lamaš kieldâstiivrâ miärádâssáin vuosâsajasávt Aanaar kieldâ pargojuávhu kiävtust formaallâš sajanmáávsu vuástá.
Kiedist lii meiddei liiter, äitti já puáris sävni, mii lii moonnâm keesi tivodum. Tuve vijđodâh lii 36 krdm² já uáđđimsajeh kávnojeh oovce ulmui. Cisáánjaargân piäsá keessiv jo-uv vääzin tâi kárbáin. Tälviv moottorkiälkkámaađij jotá jieŋâ mield Cissáá alda (s. 700 m.). Njellimist Ciccáánjaargân šadda moottorkiälkkámaađij mield pajeláhháá 10 km. Čohčuv 2009 valmâštui meiddei kieldâ huksiittem maađijohtâvuotâ šiljo räi.
