Huksimlove uuccâm

Eennâmkevttim- já huksimlaavâ miäldásâš lopekieđâvušmân kalga väridiđ ääigi 2-4 mánuppaje.

Tievâslâš lopeäššikirje puohâin tarbâšum lahtosijdiskuin, tegu meiddei occee toohâm ráánjái kuullâm huápput love kieđâvuššâm.

Tárbuliih äššikirjeh já čielgiittâsah:

 1. HUKSIMLOPEUCÂMUŠ (2 STUUKÂ) SEHE HUKSIMLOPEALMOTTÂS (RH I)
Huksimlopeucâmuš vuáláčäällih puoh toh ulmuuh, kiäh láá mainâšum omâsteijen lahâčuárvumist, kävppikirjeest tâi laigusopâmušâst. Ucâmuš puáhtá vuáláčäälliđ väldikirjijn meid nubbe olmooš. Huksimlopealmottâs (RH I) tiävdoo jyehi rakânâsâst sierâ.

2. HUKSIMSAJE HALDŠEMÄŠŠIKIRJE 1 STUKKÂ
Haldâšemčielgiittâs puáhtá čäittiđ lahâčuárvumtuođâštussáin tâi ton kopioin. Lahâčuárvumtuođâštus finnee (mávsulâš) Avveel eennâmmittedemtoimâttuvâst (p. 020 690 673), Aanaar kieldâst, maistraatist tâi Laapi keerrivrievtist. Tuođâštus ij uážu leđe 3 mp puárásub. Haldâšemvuoigâdvuođâ puáhtá čielgiđ meid kävppi-, skeŋkkâ- já luovâttemkirjijn tâi láigusopâmuššáin jis lahâčuárvumtuođâštus ij lah máhđulâš.

3. KÄVPPIREGISTERVÁÁLDUS 1 STUKKÂ
Kävppiregisterváldus kalga toimâttiđ talle, ko occen lii irâttâs tâi servi.

4. KAAVAVÁÁLDUS TÂI REGISTERKÁRTTÁ 2 STUUKÂ
Huksimsaje uásild, mii lii sajattâh-, riddo- tâi almoskaavakuávlust rievtisin tuođâštum kaavaváldus (mávsulâš) finnee teknisâš uásáduvâst vuávámišedeijee Päivi Semenoffist (p. 016 687259).
Kaavakuávlui ulguupiäláid huksimsoojijd tárbulii registerkárttáváldus finnee (mávsulâš) Avveel eennâmmittedemtoimâttuvâst čujottâs: Kaamostie 6, 99800 Ivalo.

5. SAJATTÂHSÁÁRGUS 3 STUUKÂ

(sárgusijn kalgeh leđe noomah)
Sajattâhsárgusist kalgeh čielgâđ:
- uđâsrakânâs sajadâh, olgomitoh já kooskah raajijn, rakânâsâin tâi tobdos čuágástuvâin sehe máhđuliih rakânâsah já raččomnáál meridum rakânâsah sehe huksiittâsah, moh láá toontist
- teknisâš já eres huolâttâs orniistâllâm, tegu čäcipoccee, pasâttâsčäcipocceeh já pasâttâshuolâttâs orniistâllâm
- šiljo orniistâllâm, tegu vyeijim- já jotteemkiäinuh, autosajeh, sierâdem- já orostâllâmsajeh sehe kuškim- já piegguuttemsajeh
- alodâhkoskâvuođah, táárbu mield alodâhsárgáiguin oovdânpuohtum häämist, šadolâšvuotâ já šiljo asemateriaalah huksim maŋa sehe tavesundenjuolâ
- huksimsaje rääjih já táárbu mield toi kukkoduvah sehe ránnjákiddoduvâi tubâlduvah já táárbu mield noomah
- kerdivijđodâhreekkig.

6. HUKSIMSÁRGUSEH 3 RÁÁIĐU

 (sárgusijn kalgeh leđe noomah)
- vuáđusáárgus, moos kalga merkkiđ rakânâs olgomittoid, viistij kevttimulme já áimustittem orniistâllâm
- šiljosijđosárguseh, asemateriaalah já iivneh
- čuoppâmsáárgus, mast čielgih lättee, restâháá já häärji aloduvah eennâmtääsi háárán sehe vistealoduvah
- suovâpocceečuoppâmsárgusân lohtâseijee huksiittâsah
- ráhtusčielgiittâs vyelivuáđu, olgoseinij sehe pajevuáđu ráhtusijn materiaalnanosvuođâdiskuin.
Čielgiittâs puáhtá toohâđ meiddei sierâ.

7. RÁÁNJÁI KUULLÂM (EHL 133 § 12 mom.) 1 STUKKÂ / ránnjá
Huksimlopeucâmuš jotonpuátimist kalga almottiđ ránnjáid. Ránnjáin uáivilduvvoo paldâsâš tâi puotâsâš kiddoduv tâi eres vijđoduv omâsteijee já haldâšeijee. Ráánjá kuullâmluámáttuvâid finnee huksimkocceemtoimâttuvâst tâi www.inari.fi. Jis kieldâ taha kuullâm, piärroo tast huksimlopemáksutaksa mield/ránnjá.

8. RAKÂNÂS ENERGIAČIELGIITTÂS 1 STUKKÂ

 (čielgiittâs ráhtá táválávt uáivivuávájeijee)
- Rakânâsah, moid energiačielgiittâs já –tuođâštus ij taarbâš láá miäruštâllum Suomâ huksimmiärádâsčuágálduu uásist C3.

9. PARGOHOVDÂUCÂMUŠ 2 STUUKÂ
Ovdil huksimpaargon riemmâm kalga huksiitteijee haahâđ västideijee pargohoovdâ sehe táárbu mield KVV- já IV- pargohoovdâ. 

10. LVI-VUÁVÁÁMEH (toimâttuvvojeh táárbu mield)

11. PASÂTTÂSČÄCIVUÁHÁDUV VUÁVÁM 2 KUÁLLUS
Huksiidijn pasâttâsčäcilájádâs toimâkuávlu ulguubel kalga lopeucâmušân lahteđ asâttâs 542/2003 miäldásâš pasâttâsčäcivuáháduv vuávám. Vuáváámist kalga leđe čielgiittâs kiddoduv pirâstiileest (eennâmvuáđu, pajaldâsčäci- já vuáđučäcitile), kuvvim pasâttâsčäcivuáháduv ráhtusist (čuoppâmkoveh já riänttutiäđuh), mittodmist, toimâprinsiipâst, putestempuátusist sehe pirrâsân šaddee kuormiittâsâst. Pasâttâsčäcivuáhádâhân kullee ráhtusijd kalga merkkiđ sajattâhsárgusân. Pasâttâsčäcilájádâs toimâmkuávluin kalga kiddoduv lahteh pasâttâsčäciviärmádâhân. (luámáttuvah ye. tiäđuh kávnojeh el. www.jätevesi.fi).

 "Čielgiittâs pasâttâsčäcivuáháduvâst sehe kevttim- já huolâttâsraavâ"
www.ymparisto.fi/default.asp