Peivitipšo já ovdâmáttááttâs

 
Aanaar kieldâst lii uárnejum kieldâlâš peivitipšo ive 1974 rääjist. Tipšo pirrâduvâst láá suullân kyehtičyeđe párnážid já sist aneh huolâ suullân vittâlove peivitipšo parged. Peerâpeivitipšo uárnejuvvoo iänááš tipšoi pääihist sehe kuulmâ juávkkupeerâpeivikiäjust, main kyehti láá tavesämikielâliih. Peivitipšo uárnejuvvoo kyevti peivikiäjust. Nuorttâsämikielâlâš já aanaarsämikielâlâš (uástupalvâlem) peivitipšo uárnejuvvoo juávkkupeerâpeivikiäjust kevttimáin kielâlávgumvyevi.

Peivitipšo uárnejuvvoo uásipeivi- tâi olespeivitipšon. Peivitipšo ij lah tuše peivitipšo pic páárnáš puáhtá leđe vuárutipšoost (eehid-, ijjâ- tâi oholoppâtipšo) tâi tipšoost ovdâmerkkân muáddi peeivi ohhoost. Pargoääigih já perruu äigitavlu čuávdih maŋgâ ääši peivitipšo-orniistâlmijn.

Aanaar kieldâst uárnejuvvoo nuuvtá ovdâmáttááttâs 6-ihásâš párnáid sehe škovlâtooimâst já Avveel já Suáluičielgi peivikiäjuin. Máttááttâsâst nuávdittuvvojeh väldikodálâš máttááttâsvuáváámij vuáđustâsâi vuáđuld rahtum páiháliih máttááttâsvuáváámeh. Ovdâmáttááttâs vijđesvuotâ lii ucemustáá 700 tijmed ivveest (s. 19 h/okko). Ovdâmáttááttâsâst já uuccâmaaigijn tieđettuvvoo ihásávt kieldâ tooimâst.