Toorjâpalvâlusah
Purrâmâšpalvâlem
Purrâmâšah moh fievriduvvojeh pááikán, fievriduvvojeh Avveel kuávlust Purrâmâšpalvâlemfinnodâhlájádâsâst já piäđguiaassâmkuávluin máhđulâšvuođâi mield škoovlâin. Máhđulâšvuotâ purâdiđ pääihi ulguubeln lii Avelist Männikkö palvâlempääihist já Avveel palvâlemtáálust. Suáti-invaliidáid adeluvvojeh purrâmâšliipuh páihálâš purrâmâšbaarijd. Purrâmâšâin já purrâmâšfievrijdmijn piärroo äššigâšmáksu. Purrâmâšpalvâlusâi hadeh miärášuveh ihásávt Purrâmâšpalvâlem haddelisto miäldásávt, tärhibijd tiäđuid finnee palvâlemjođetteijest.
Posâldâhpalvâlem
Jis pääihist ij lah posâlâddâmmáhđulâšvuotâ, lii posâldâhpalvâlem finniimist Avelist Männikkö palvâlempääihist, Anarist tiervâsvuođâtáálust, Čevetjäävrist tiervâsvuođâtáálust já Njellimist ovdii škoovlâst.
Čurgimpalvâlem
Pááikán puáhtá tiätu tábáhtusâin orniđ čurgimiše pääihist cevzim toorjân.
Torvopalvâlem
Kieldâst láá torvopuhelimeh, moh laiguuttuvvojeh válduášálávt pääihist ässee puárásáid. Palvâlem addel máhđulâšvuođâ pirrâmpiäiválâš išefinniimân. Vuástáväldimkuávdáš lii Männikkö palvâlempääihist.
Fievridempalvâlem
Fievridempalvâlem lii uáivildum vuosâsajasávt elilâmulmuid, kiäh äässih vaigâdis jotteemohtâvuođâi tyehin já kiäin ij lah máhđulâšvuotâ kevttiđ almos jotteemfiävruid. Avveel kuávlust ášástâllâmmääđhih tahhojeh iänááš päikkipalvâlemautoin já toh tahhojeh sooppum peeivij. Äššigâžâin tahhoo persovnlâš miärádâs. Piäđguiaassâmkuávlust ášástâllâmmääđhih tahhojeh taksijn miärádâs miäldásávt iänááš ohtsâšfievridmijn. Äššigâšmáksu lii bussisáátu miäldásâš taksa iäláttâslâšvuáládâsâttáá.
Sävnipalvâlem
Sävnipalvâlmân lii máhđulâšvuotâ Avelist palvâlemtáálust.